MÁYÁS KIRÁLY LEVELE A PÁPÁHOZ. KELT 1478 OCTOBER 28.
MÁYÁS KIRÁLY LEVELE A PÁPÁHOZ. KELT 1478 OCTOBER 28.
1. Beatissime pater, domine clementissime, post devotam mei commendationem ad pedum oscula beatorum. Prout sanctitati vestre iam sepius supplicavi.
2. ita supplico et nunc devotissime et instanter, ut Sanctitas Vestra in facto Prutenorum iam tandem finem facere et bullas absolutionis eorum
3. Absque ulteriori procrastinatione expediri committere dignetu. Nisi enim incursu Polonorum et gravi bello nunc lacesserentur, et fidei
4. debitum ac status illorum miseratio me urgeret, non tantisper molestarem pro ea bulla sanctitatem vestram, que respiciat oculis clementibus
5. illius calamitosi ordinis statum et labores meos, quos pro eius defensione suscepi et inposterum suscepturus seum, velitque absque difficultatione
6. Ampliori bullam ipsorum committere expediri, ut et ego habita bulla possim eis faxilius succurrere. Quo nichil salubrius, neque illorum statui
7. conservande magis efficacius, neque rebus meis commodius sanctitas vestra hoc tempore facere posset, prout oratores mei, qubus ea de re latius
8. scripsi, Sanctitati Vestre coram declarabunt. Revocavi autem non sine bonis et arduis causis alterum oratorum meorum, Mariottum
9. Senilem, et scripsi ei, ut impetrata hac bulla in facto Prutenorum, eam secum ad me perferat, et insuper instet apud Sanctitatem Vestram, ut factum
10. privationis Strigoniensis, quod Sanctitati Vestre reverendissimus dominus Alariensis, nuper legatus ad inquisitionem super eo faciendam missus, a nobis reversus
11. ordine rettulit, dignaretur sanctitas vestra executioni demandari: et commisi prefato oratori meo, ut utramque rem expeditam ad me
12. referret. Obsecro itaque eam obnixe, quatenus velit et bullam Prutenorum, et factum Strigoniensis ita brevi determinare Sanctitas Vestra, ut orator
13. meus ad me utrumque propediem perferre possit. Quo beneficio nichil mihi gratus Sanctitas Vestra in presentiraum facere posset, preter hoc
14 enim quod multis me curis et sollicitudinibus relevabit, et illus ordinis periculo obviabitru, et Sanctitas Vestra faciet me sibi ex obligato magis
15. magisque in dies obligatum. Altissimus conservet Sancitatem Vestram incolumem et felicem ecclesie sue sancte regimini et augmento.
16. Datum Bude, XXVIII. de Octobris, anno domini etc. LXXVIII., regnorum nostroum anno Hungarie etc. vigesimo primo. Bohemie vero decimo.
17. Eiusdem vestre sanctitatis devotus filius Mathias rex manu propria.
