Cum esset edictum a rege Andrea, quod castrenses dispersos castri recolligerent, Bichorienses cum ioubagionibus eorum, scilicet Luca, Paulo, Fita et aliis impecierunt quosdam inseparabiles ioubagiones ecclesię Tordensis, scilicet Bellum, Fib et Boguan de villa Apathi dicentes, quod cives essent Bichorienses. Abbas autem de supradicta ecclesia et Wilc, patronus ecclesiae eiusdem cum Petro, cognato Wilc dixerunt, quod ioubagiones essent monasterii Tordensis inseparabiles. Quos Tiburtius, Gyula et Helias comites auctoritate regis huiusmodi causas iudicantes posuere super iuramentum memorati abbatis et praedicti patroni cum praedicto cognato suo. Qui venientes coram pristaldo eorum Dominico de genere Rusd iuraverunt super sepulchrum Sancti Ladislai regis et sic probaverunt, quod essent ioubagiones praenominati de iure ecclesię praedictę.
Ziarele Arcanum
Vezi ce au spus ziarele din ultimii 250 de ani despre acest subiect!
Vezi ce au spus ziarele din ultimii 250 de ani despre acest subiect!
Caută în cea mai mare arhivă digitală de ziare din Europa de Est, ce conține reviste, publicații științifice, săptămânale și cotidiene.