Jer 47 | Biblia Hebraica | Reference Library

Jer 47

Jer 47.1

אֲשֶׁר הָיָה דְבַר־יְהוָה אֶל־יִרְמְיָהוּ
הַנָּבִיא אֶל־פְּלִשְׁתִּים בְּטֶרֶם
יַכֶּה פַרְעֹה אֶת־עַזָּה׃ ס

Jer 47.2

כֹּה אָמַר יְהוָה הִנֵּה־מַיִם
עֹלִים מִצָּפוֺן וְהָיוּ לְנַחַל
שׁוֺטֵף וְיִשְׁטְפוּ אֶרֶץ וּמְלוֺאָהּ
עִיר וְיֺשְׁבֵי בָהּ וְזָעֲקוּ הָאָדָם
וְהֵילִל כֹּל יֺושֵׁב הָאָרֶץ׃

Sz K K2 R R2 E D D2 H H# G G# L

Jer 47.3

מִקּוֺל שַׁעֲטַת פַּרְסוֺת אַבִּירָיו
מֵרַעַשׁ לְרִכְבּוֺ הֲמוֺן גַּלְגִּלָּיו
לֹא־הִפְנוּ אָבוֺת אֶל־בָּנִים
מֵרִפְיֺון יָדָיִם׃

Sz K K2 R R2 E D D2 H H# G G# L

Jer 47.4

עַל־הַיֺּום הַבָּא לִשְׁדוֺד אֶת־כָּל־פְּלִשְׁתִּים
לְהַכְרִית לְצֹר וּלְצִידוֺן כֹּל
שָׂרִיד עֹזֵר כִּי־שֹׁדֵד יְהוָה
אֶת־פְּלִשְׁתִּים שְׁאֵרִית אִי כַפְתּוֺר׃

Sz K K2 R R2 E D D2 H H# G G# L

Jer 47.5

בָּאָה קָרְחָה אֶל־עַזָּה נִדְמְתָה
אַשְׁקְלוֺן שְׁאֵרִית עִמְקָם עַד־מָתַי
תִּתְגֺּודָדִי׃ ס

Sz K K2 R R2 E D D2 H H# G G# L

Jer 47.6

הוֺי חֶרֶב לַיהוָה עַד־אָנָה
לֹא תִשְׁקֹטִי הֵאָסְפִי אַל־תַּעְרֵך
הֵרָגְעִי וָדֹמִּי׃

Sz K K2 R R2 E D D2 H H# G G# L

Jer 47.7

אֵיך תִּשְׁקֹטִי וַיהוָה צִוָּה־לָהּ
אֶל־אַשְׁקְלוֺן וְאֶל־חוֺף הַיָּם
שָׁם יְעָדָהּ׃ ס

Sz K K2 R R2 E D D2 H H# G G# L

Arcanum Zeitungen

Sehen Sie, was die Zeitungen in den letzten 250 Jahren zu diesem Thema geschrieben haben!

Zeigen Sie mir