Cant 6
Cant 6
Cant 6.1
dilectus meus descendit in hortum suum ad areolam aromatis ut pascatur in hortis et lilia colligat
Cant 6.2
ego dilecto meo et dilectus meus mihi qui pascitur inter lilia
Cant 6.3
pulchra es amica mea suavis et decora sicut Hierusalem terribilis ut castrorum acies ordinata
Cant 6.4
averte oculos tuos a me quia ipsi me avolare fecerunt capilli tui sicut grex caprarum quae apparuerunt de Galaad
Cant 6.5
dentes tui sicut grex ovium quae ascenderunt de lavacro omnes gemellis fetibus et sterilis non est in eis
Cant 6.6
sicut cortex mali punici genae tuae absque occultis tuis
Cant 6.7
sexaginta sunt reginae et octoginta concubinae et adulescentularum non est numerus
Cant 6.8
una est columba mea perfecta mea una est matris suae electa genetrici suae viderunt illam filiae et beatissimam praedicaverunt reginae et concubinae et laudaverunt eam
Cant 6.9
quae est ista quae progreditur quasi aurora consurgens pulchra ut luna electa ut sol terribilis ut acies ordinata
Cant 6.10
descendi ad hortum nucum ut viderem poma convallis ut inspicerem si floruisset vinea et germinassent mala punica
Cant 6.11
nescivi anima mea conturbavit me propter quadrigas Aminadab
Cant 6.12
revertere revertere Sulamitis revertere revertere ut intueamur te
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
