Ps 100
Ps 100
Ps 100.1
David canticum misericordiam et iudicium cantabo tibi Domine psallam
Ps 100.2
erudiar in via perfecta quando venies ad me ambulabo in simplicitate cordis mei in medio domus meae
Ps 100.3
non ponam coram oculis meis verbum Belial facientem declinationes odivi nec adhesit mihi
Ps 100.4
cor pravum recedet a me malum nesciam
Ps 100.5
loquentem in abscondito contra proximum suum hunc interficiam superbum oculis et altum corde cum hoc esse non potero
Ps 100.6
oculi mei ad fideles terrae ut habitent mecum ambulans in via simpliciter hic ministrabit mihi
Ps 100.7
non habitabit in medio domus meae faciens dolum loquens mendacium non placebit in conspectu oculorum meorum
Ps 100.8
mane perdam omnes impios terrae ut interficiam de civitate Domini universos qui operantur iniquitatem
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
