Ps 136
Ps 136
Ps 136.1
super flumina Babylonis ibi sedimus et flevimus cum recordaremur Sion
Ps 136.2
super salices in medio eius suspendimus citharas nostras
Ps 136.3
quoniam ibi interrogaverunt nos qui captivos duxerunt nos verba carminis et qui adfligebant nos laeti canite nobis de canticis Sion
Ps 136.4
quomodo cantabimus canticum Domini in terra aliena
Ps 136.5
si oblitus fuero tui Hierusalem in oblivione sit dextera mea
Ps 136.6
adhereat lingua mea gutturi meo si non recordatus fuero tui si non praeposuero Hierusalem in principio laetitiae meae
Ps 136.7
memento Domine filiorum Edom in diem Hierusalem dicentium evacuate evacuate usque ad fundamentum eius
Ps 136.8
filia Babylon vastata beatus qui retribuet tibi vicissitudinem tuam quam retribuisti nobis
Ps 136.9
beatus qui tenebit et adlidet parvulos tuos ad petram
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
