Ps 140 | Biblia (Vulgata editionis)

Ps 140

Ps 140.1

canticum David Domine clamavi ad te festina mihi exaudi vocem meam clamantis ad te

Ps 140.2

dirigatur oratio mea sicut incensum in conspectu tuo elevatio manuum mearum sacrificium vespertinum

Ps 140.3

pone Domine custodem ori meo serva paupertatem labiorum meorum

Ps 140.4

ne declines cor meum in verbum malum volvere cogitationes impias cum viris operantibus iniquitatem neque comedere in deliciis eorum

Ps 140.5

corripiat me iustus in misericordia et arguat me oleum amaritudinis non inpinguet caput meum quia adhuc et oratio mea pro malitiis eorum

Ps 140.6

sublati sunt iuxta petram iudices eorum et audient verba mea quoniam decora sunt

Ps 140.7

sicut agricola cum scindit terram sic dissipata sunt ossa nostra in ore inferi

Ps 140.8

quia ad te Domine Deus oculi mei in te speravi ne evacues animam meam

Ps 140.9

custodi me de manibus laquei quod posuerunt mihi et de offendiculis operantium iniquitatem

Ps 140.10

incident in rete eius impii simul ego autem transibo

Sehen Sie, was die Zeitungen in den letzten 250 Jahren zu diesem Thema geschrieben haben!