Ps 15
Ps 15
Ps 15.1
humilis et simplicis David custodi me Deus quoniam speravi in te
Ps 15.2
dicens Deo Dominus meus es tu bene mihi non est sine te
Ps 15.3
sanctis qui in terra sunt et magnificis omnis voluntas mea in eis
Ps 15.4
multiplicabuntur idola eorum post tergum sequentium non litabo libamina eorum de sanguine neque adsumam nomina eorum in labiis meis
Ps 15.5
Dominus pars hereditatis meae et calicis mei tu possessor sortis meae
Ps 15.6
lineae ceciderunt mihi in pulcherrimis et hereditas speciosissima mea est
Ps 15.7
benedicam Domino qui dedit consilium mihi insuper et noctibus erudierunt me renes mei
Ps 15.8
proponebam in conspectu meo semper quia a dextris meis est ne commovear
Ps 15.9
propterea laetatum est cor meum et exultavit gloria mea et caro mea habitavit confidenter
Ps 15.10
non enim derelinques animam meam in inferno nec dabis sanctum tuum videre corruptionem ostendes mihi semitam vitae plenitudinem laetitiarum ante vultum tuum decores in dextera tua aeternos
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
