Ps 18
Ps 18
Ps 18.1
victori canticum David
Ps 18.2
caeli enarrant gloriam Dei et opus manus eius adnuntiat firmamentum
Ps 18.3
dies diei eructat verbum et nox nocti indicat scientiam
Ps 18.4
non est sermo et non sunt verba quibus non audiatur vox eorum
Ps 18.5
in universam terram exivit sonus eorum et in finibus orbis verba eorum
Ps 18.6
soli posuit tabernaculum in eis et ipse quasi sponsus procedens de thalamo suo exultavit ut fortis ad currendam viam
Ps 18.7
a summitate caeli egressus eius et cursus eius usque ad summitatem illius nec est qui se abscondat a calore eius
Ps 18.8
lex Domini inmaculata convertens animam testimonium Domini fidele sapientiam praestans parvulis
Ps 18.9
praecepta Domini recta laetificantia cor mandatum Domini lucidum inluminans oculos
Ps 18.10
timor Domini mundus perseverans in saecula iudicia Domini vera iustificata in semet ipsis
Ps 18.11
desiderabilia super aurum et lapidem pretiosum multum et dulciora super mel et favum redundantem
Ps 18.12
unde et servus tuus docebit ea in custodiendis eis fructus multus
Ps 18.13
errores quis intelleget ab occultis munda me
Ps 18.14
a superbis quoque libera servum tuum si non fuerint dominati mei tunc inmaculatus ero et mundabor a delicto maximo
Ps 18.15
sint placentes sermones oris mei meditatio cordis mei in conspectu tuo Domine fortitudo mea et redemptor meus
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
