Ps 40 | Biblia (Vulgata editionis)

Ps 40

Ps 40.1

pro victoria canticum David

Ps 40.2

beatus qui cogitat de paupere in die mala salvabit eum Dominus

Ps 40.3

Dominus custodiet eum et vivificabit eum et beatus erit in terra et non tradet eum animae inimicorum suorum

Ps 40.4

Dominus confortabit eum in lecto infirmitatis totum stratum eius vertisti in aegrotatione sua

Ps 40.5

ego dixi Domine miserere mei sana animam meam quoniam peccavi tibi

Ps 40.6

inimici mei loquentur malum mihi quando morietur et periet nomen eius

Ps 40.7

et si venerit ut visitet vana loquetur cor eius congregabit iniquitatem sibi et egrediens foras detrahet

Ps 40.8

simul adversum me murmurabant omnes odientes me contra cogitabant malum mihi

Ps 40.9

verbum diabuli infundebant sibi qui dormivit non addet ut resurgat

Ps 40.10

sed et homo pacificus meus in quo habui fiduciam qui manducabat panem meum levavit contra me plantam

Ps 40.11

tu autem Domine miserere mei et leva me ut reddam eis

Ps 40.12

in hoc cognovi quod velis me quia non insultavit inimicus meus mihi

Ps 40.13

ego autem in simplicitate mea adiutus sum a te et statues me ante faciem tuam in perpetuum

Ps 40.14

benedictus Dominus Deus Israhel a saeculo et usque in saeculum amen amen

Sehen Sie, was die Zeitungen in den letzten 250 Jahren zu diesem Thema geschrieben haben!