Ps 59 | Biblia (Vulgata editionis)

Ps 59

Ps 59.1

victori pro liliis testimonium humilis et perfecti David ad docendum

Ps 59.2

quando pugnavit adversum Syriam Mesopotamiae et adversum Syriam Suba et reversus est Ioab et percussit Edom in valle Salinarum duodecim milia

Ps 59.3

Deus proiecisti nos et scidisti iratus convertisti nos

Ps 59.4

commovisti terram et disrupisti eam sana contritiones eius quoniam commota est

Ps 59.5

ostendisti populo tuo duritiam potasti nos vino consopiente

Ps 59.6

dedisti timentibus te signum ut fugerent a facie arcus semper ut liberentur amici tui

Ps 59.7

salva dextera tua et exaudi me

Ps 59.8

Deus locutus est in sanctuario suo laetabor dividam Sicimam et vallem Soccoth dimetiar

Ps 59.9

meus est Galaad et meus Manasse et Efraim fortitudo capitis mei Iudas legifer meus

Ps 59.10

Moab olla lavacri mei super Idumeam incedam calciamento meo mihi Palestina foederata est

Ps 59.11

quis deducet me ad civitatem munitam quis deducet me usque ad Idumeam

Ps 59.12

nonne tu Deus qui proiecisti nos et non egredieris Deus in exercitibus nostris

Ps 59.13

da nobis auxilium in tribulatione vana est enim salus ab homine

Ps 59.14

in Deo faciemus virtutem et ipse conculcabit tribulantes nos

Sehen Sie, was die Zeitungen in den letzten 250 Jahren zu diesem Thema geschrieben haben!