Ps 6
Ps 6
Ps 6.1
victori in psalmis super octava canticum David
Ps 6.2
Domine ne in furore tuo arguas me neque in ira tua corripias me
Ps 6.3
miserere mei Domine quoniam infirmus sum sana me Domine quoniam conturbata sunt ossa mea
Ps 6.4
et anima mea turbata est valde et tu Domine usquequo
Ps 6.5
revertere Domine erue animam meam salva me propter misericordiam tuam
Ps 6.6
quoniam non est in morte recordatio tui in inferno quis confitebitur tibi
Ps 6.7
laboravi in gemitu meo natare faciam tota nocte lectulum meum lacrimis meis stratum meum rigabo
Ps 6.8
caligavit prae amaritudine oculus meus consumptus sum ab universis hostibus meis
Ps 6.9
recedite a me omnes qui operamini iniquitatem quia audivit Dominus vocem fletus mei
Ps 6.10
audivit Dominus deprecationem meam Dominus orationem meam suscipiet
Ps 6.11
confundantur et conturbentur vehementer omnes inimici mei revertantur et confundantur subito
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
