Ps 75
Ps 75
Ps 75.1
victori in psalmis canticum Asaph carminis
Ps 75.2
cognoscetur in Iudaea Deus in Israhel magnum nomen eius
Ps 75.3
et erit in Salem tabernaculum eius et habitatio eius in Sion
Ps 75.4
ibi confringet volatilia arcus scutum et gladium et bellum semper
Ps 75.5
lumen tu es Magnifice a montibus captivitatis
Ps 75.6
spoliati sunt superbi corde dormitaverunt somnum suum et non invenerunt omnes viri exercitus manus suas
Ps 75.7
ab increpatione tua Deus Iacob consopitus est et currus et equus
Ps 75.8
tu terribilis es et quis stabit adversum te ex tunc ira tua
Ps 75.9
de caelo adnuntiabis iudicium terra timens tacebit
Ps 75.10
cum surrexerit ad iudicandum Deus ut salvos faciat omnes mites terrae semper
Ps 75.11
quia ira hominis confitebitur tibi reliquiis irae accingeris
Ps 75.12
vovete et reddite Domino Deo vestro omnes qui in circuitu eius sunt offerent dona terribili
Ps 75.13
auferenti spiritum ducum terribili regibus terrae
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
