Ps 84 | Biblia (Vulgata editionis)

Ps 84

Ps 84.1

victori filiorum Core canticum

Ps 84.2

placatus es Domine terrae tuae reduxisti captivitatem Iacob

Ps 84.3

dimisisti iniquitatem populo tuo operuisti omnes iniquitates eorum semper

Ps 84.4

continuisti omnem indignationem tuam conversus es ab ira furoris tui

Ps 84.5

converte nos Deus Iesus noster et solve iram tuam adversum nos

Ps 84.6

noli in aeternum irasci nobis extendens iram tuam in generationem et generationem

Ps 84.7

nonne tu revertens vivificabis nos et populus tuus laetabitur in te

Ps 84.8

ostende nobis Domine misericordiam tuam et salutare tuum da nobis

Ps 84.9

audiam quid loquatur Dominus Deus loquetur enim pacem ad populum suum et ad sanctos suos ut non convertantur ad stultitiam

Ps 84.10

verumtamen prope est his qui timent eum salutare eius ut habitet gloria in terra nostra

Ps 84.11

misericordia et veritas occurrerunt iustitia et pax deosculatae sunt

Ps 84.12

veritas de terra orta est et iustitia de caelo prospexit

Ps 84.13

sed et Dominus dabit bonum et terra nostra dabit germen suum

Ps 84.14

iustitia ante eum ibit et ponet in via gressus suos

Sehen Sie, was die Zeitungen in den letzten 250 Jahren zu diesem Thema geschrieben haben!