Ps 87
Ps 87
Ps 87.1
canticum carminis filiorum Core victori per chorum ad praecinendum eruditionis Eman Ezraitae
Ps 87.2
Domine Deus salutis meae per diem clamavi in nocte coram te
Ps 87.3
ingrediatur ante te oratio mea inclina aurem tuam ad laudationem meam
Ps 87.4
quia repleta est malis anima mea et vita mea ad infernum descendit
Ps 87.5
reputatus sum cum descendentibus lacum factus sum quasi homo invalidus
Ps 87.6
inter mortuos liber sicut interfecti et dormientes in sepulchro quorum non recordaris amplius et qui a manu tua abscisi sunt
Ps 87.7
posuisti me in lacu novissimo in tenebris in profundis
Ps 87.8
super me confirmatus est furor tuus et cunctis fluctibus tuis adflixisti me semper
Ps 87.9
longe fecisti notos meos a me posuisti me abominationem eis clausum et non prodeuntem
Ps 87.10
oculus meus infirmatus est ab adflictione invocavi te Domine tota die expandi ad te palmas meas
Ps 87.11
numquid mortuis facies mirabilia aut gigantes surgent et confitebuntur tibi semper
Ps 87.12
numquid narrabitur in sepulchro misericordia tua et veritas tua in perditione
Ps 87.13
numquid noscentur in tenebris mirabilia tua et iustitia tua in terra quae oblivioni tradita est
Ps 87.14
ego autem ad te Domine clamavi et mane oratio mea praeveniet te
Ps 87.15
quare Domine abicis animam meam abscondis faciem tuam a me
Ps 87.16
pauper ego et aerumnosus ab adulescentia portavi furorem tuum et conturbatus sum
Ps 87.17
per me transierunt irae tuae terrores tui oppresserunt me
Ps 87.18
circumdederunt me quasi aquae tota die vallaverunt me pariter
Ps 87.19
longe fecisti a me amicum et sodalem notos meos abstulisti
Arcanum Zeitungen
Sehen Sie, was die Zeitungen in den letzten 250 Jahren zu diesem Thema geschrieben haben!
Zeigen Sie mir
