Jes 46

Full text search

Jes 46
Jes 46.1
כָּרַע בֵּל קֹרֵס נְבוֺ הָיוּ עֲצַבֵּיהֶם
לַחַיָּה וְלַבְּהֵמָה נְשֻׂאֹתֵיכֶם עֲמוּסוֺת
מַשָּׂא לַעֲיֵפָה׃
Jes 46.2
קָרְסוּ כָרְעוּ יַחְדָּו לֹא יָכְלוּ
מַלֵּט מַשָּׂא וְנַפְשָׁם בַּשְּׁבִי הָלָכָה׃
ס
Jes 46.3
שִׁמְעוּ אֵלַי בֵּית יַעֲקֹב וְכָל־שְׁאֵרִית
בֵּית יִשְׂרָאֵל הַעֲמֻסִים מִנִּי־בֶטֶן
הַנְּשֻׂאִים מִנִּי־רָחַם׃
Jes 46.4
וְעַד־זִקְנָה אֲנִי הוּא וְעַד־שֵיבָה
אֲנִי אֶסְבֹּל אֲנִי עָשִׂיתִי וַאֲנִי
אֶשָּׂא וַאֲנִי אֶסְבֹּל וַאֲמַלֵּט׃
ס
Jes 46.5
לְמִי תְדַמְיוּנִי וְתַשְׁווּ וְתַמְשִׁלוּנִי
וְנִדְמֶה׃
Jes 46.6
הַזָּלִים זָהָב מִכִּיס וְכֶסֶף בַּקָּנֶה
יִשְׁקֹלוּ יִשְׂכְּרוּ צוֺרֵף וְיַעֲשֵׂהוּ
אֵל יִסְגְּדוּ אַפ־יִשְׁתַּחֲוּוּ׃
Jes 46.7
יִשָּׂאֻהוּ עַל־כָּתֵף יִסְבְּלֻהוּ
וְיַנִּיחֻהוּ תַחְתָּיו וְיַעֲמֹד
מִמְּקוֺמוֺ לֹא יָמִישׁ אַפ־יִצְעַק
אֵלָיו וְלֹא יַעֲנֶה מִצָּרָתוֺ לֹא
יֺושִׁיעֶנּוּ׃ ס
Jes 46.8
זִכְרוּ־זֺאת וְהִתְאֹשָׁשׁוּ הָשִׁיבוּ
פוֺשְׁעִים עַל־לֵב׃
Jes 46.9
זִכְרוּ רִאשֹׁנֺות מֵעוֺלָם כִּי
אָנֺכִי אֵל וְאֵין עוֺד אֱלֹהִים
וְאֶפֶס כָּמוֺנִי׃
Jes 46.10
מַגִּיד מֵרֵאשִׁית אַחֲרִית וּמִקֶּדֶם
אֲשֶׁר לֹא־נַעֲשׂוּ אֹמֵר עֲצָתִי
תָקוּם וְכָל־חֶפְצִי אֶעֱשֶׂה׃
Jes 46.11
קֹרֵא מִמִּזְרָח עַיִט מֵאֶרֶץ מֶרְחָק
אִישׁ 1 עֲצָתוֺ 2 עֲצָתִי אַפ־דִּבַּרְתִּי
אַפ־אֲבִיאֶנָּה יָצַרְתִּי אַפ־אֶעֱשֶׂנָּה׃
ס
Jes 46.12
שִׁמְעוּ אֵלַי אַבִּירֵי לֵב הָרְחוֺקִים
מִצְּדָקָה׃
Jes 46.13
קֵרַבְתִּי צִדְקָתִי לֹא תִרְחָק וּתְשׁוּעָתִי
לֹא תְאַחֵר וְנָתַתִּי בְצִיֺּון
תְּשׁוּעָה לְיִשְׂרָאֵל תִּפְאַרְתִּי׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages