Jona 2

Full text search

Jona 2
Jona 2.1
וַיְמַן יְהוָה דָּג גָּדוֺל לִבְלֹעַ
אֶת־יֺונָה וַיְהִי יֺונָה בִּמְעֵי
הַדָּג שְׁלֹשָׁה יָמִים וּשְׁלֹשָׁה
לֵילוֺת׃
Jona 2.2
וַיִּתְפַּלֵּל יֺונָה אֶל־יְהוָה אֱלֹהָיו
מִמְּעֵי הַדָּגָה׃
Jona 2.3
וַיֺּאמֶר קָרָאתִי מִצָּרָה לִי
אֶל־יְהוָה וַיַּעֲנֵנִי מִבֶּטֶן
שְׁאוֺל שִׁוַּעְתִּי שָׁמַעְתָּ קוֺלִי׃
Jona 2.4
וַתַּשְׁלִיכֵנִי מְצוּלָה בִּלְבַב יַמִּים
וְנָהָר יְסֹבְבֵנִי כָּל־מִשְׁבָּרֶיךָ
וְגַלֶּיךָ עָלַי עָבָרוּ׃
Jona 2.5
וַאֲנִי אָמַרְתִּי נִגְרַשְׁתִּי מִנֶּגֶד
עֵינֶיךָ אַך אוֺסִיף לְהַבִּיט
אֶל־הֵיכַל קָדְשֶׁךָ׃
Jona 2.6
אֲפָפוּנִי מַיִם עַד־נֶפֶשׁ תְּהוֺם
יְסֹבְבֵנִי סוּף חָבוּשׁ לְרֹאשִׁי׃
Jona 2.7
לְקִצְבֵי הָרִים יָרַדְתִּי הָאָרֶץ
בְּרִחֶיהָ בַעֲדִי לְעוֺלָם וַתַּעַל
מִשַּׁחַת חַיַּי יְהוָה אֱלֹהָי׃
Jona 2.8
בְּהִתְעַטֵּף עָלַי נַפְשִׁי אֶת־יְהוָה
זָכָרְתִּי וַתָּבוֺא אֵלֶיךָ תְּפִלָּתִי
אֶל־הֵיכַל קָדְשֶׁךָ׃
Jona 2.9
מְשַׁמְּרִים הַבְלֵי־שָׁוְא חַסְדָּם
יַעֲזֺבוּ׃
Jona 2.10
וַאֲנִי בְּקוֺל תּוֺדָה אֶזְבְּחָה־לָּך
אֲשֶׁר נָדַרְתִּי אֲשַׁלֵּמָה יְשׁוּעָתָה
לַיהוָה׃ ס
Jona 2.11
וַיֺּאמֶר יְהוָה לַדָּג וַיָּקֵא אֶת־יֺונָה
אֶל־הַיַּבָּשָׁה׃ ף

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages