Eccl 15
Eccl 15
Eccl 15.1
qui timet Deum faciet illud et qui continens est iustitiae adprehendet illam
Eccl 15.2
et obviabit illi quasi mater honorificata et quasi mulier a virginitate suscipiet illum
Eccl 15.3
cibabit illum panem vitae et intellectus et aqua sapientiae salutaris potabit illum et firmabitur in illo et non flectetur
Eccl 15.4
et continebit illum et non confundetur et inaltabit illum apud proximos suos
Eccl 15.5
et in medio ecclesiae aperiet os illius adimplebit illum spiritu sapientiae et intellectus et stolam gloriae vestiet illum
Eccl 15.6
iucunditatem et exultationem thesaurizabit super illum et nomine aeterno hereditabit illum
Eccl 15.7
homines stulti non adprehendent illam et homines sensati obviabunt illi homines stulti non videbunt illam longe enim abest a superbia et dolo
Eccl 15.8
viri mendaces non erunt illius memores et viri veraces inveniuntur in illa et successum habebunt usque ad inspectionem Dei
Eccl 15.9
non est speciosa laus in ore peccatoris
Eccl 15.10
quoniam a Deo profecta est sapientia sapientiae enim Dei adstabit laus et in ore fideli abundabit et Dominator dabit eam illi
Eccl 15.11
non dixeris per Deum abest quae odit enim ne feceris
Eccl 15.12
non dicas ille me inplanavit non enim necessarii sunt illi homines impii
Eccl 15.13
omne execramentum erroris odit Deus et non erit amabile timentibus illum
Eccl 15.14
Deus ab initio constituit hominem et reliquit illum in manu consilii sui
Eccl 15.15
adiecit mandata et praecepta sua
Eccl 15.16
si volueris mandata conservabunt te et in perpetuum fidem placitam facere
Eccl 15.17
adposuit tibi aquam et ignem ad quod voles porrige manum tuam
Eccl 15.18
ante hominem vita et mors bonum et malum quod placuerit ei dabitur illi
Eccl 15.19
quoniam multa sapientia Dei et fortis in potentia videns omnes sine intermissione
Eccl 15.20
oculi Dei ad timentes eum et ipse agnoscit omnem operam hominis
Eccl 15.21
nemini mandavit impie agere et nemini dedit spatium peccandi
Eccl 15.22
non enim concupiscit multitudinem filiorum infidelium et inutilium
Arcanum Newspapers
See what the newspapers have said about this subject in the last 250 years!
Show me
