Eccl 3

Full text search

Eccl 3
Eccl 3.1
filii sapientiae ecclesia iustorum et natio illorum obaudientia et dilectio
Eccl 3.2
iudicium patris audite filii dilecti et sic facite ut salvi sitis
Eccl 3.3
Deus enim honoravit patrem in filiis et iudicium matris exquirens in filios
Eccl 3.4
qui diligit Deum exorabit pro peccatis et continebit se ab illis in oratione dierum exaudietur
Eccl 3.5
et sicut qui thesaurizat ita et qui honorificat matrem suam
Eccl 3.6
qui honorat patrem iucundabitur in filiis
Eccl 3.7
qui honorat patrem suum vita vivet longiore et qui obaudit patrem refrigerabit matri
Eccl 3.8
qui timet Deum honorat parentes et quasi dominis serviet in his qui se generaverunt
Eccl 3.9
in opere et sermone et omni patientia honora patrem tuum
Eccl 3.10
ut superveniat tibi benedictio a Deo et benedictio illius in novissimo manet
Eccl 3.11
benedictio patris firmat domos filiorum maledictio autem matris eradicat fundamenta
Eccl 3.12
ne glorieris in contumelia patris tui non est enim tibi gloria sed confusio
Eccl 3.13
gloria enim hominis ex honore patris sui et dedecus filiis pater sine honore
Eccl 3.14
fili suscipe senectam patris tui et ne contristes eum in vita illius
Eccl 3.15
et si defecerit sensu veniam da et ne spernas eum in tua virtute elemosyna enim patris non erit in oblivione
Eccl 3.16
nam pro peccato matris restituetur tibi bonum
Eccl 3.17
et iniustitia aedificabitur tibi in die tribulationis commemorabitur tui sicut in sereno glacies solventur tua peccata
Eccl 3.18
quam malae famae est qui relinquit patrem et est maledictus a Deo qui exasperat matrem
Eccl 3.19
fili in mansuetudine opera tua perfice et super hominum gloriam diligeris
Eccl 3.20
quanto magnus es humilia te in omnibus et coram Deo invenies gratiam
Eccl 3.21
quoniam magna potentia Dei solius et ab humilibus honoratur
Eccl 3.22
altiora te ne scrutaveris et fortiora te ne exquisieris sed quae praecepit tibi Deus illa cogita semper et in pluribus operibus eius ne fueris curiosus
Eccl 3.23
non est enim tibi necessarium ea quae abscondita sunt videre oculis tuis
Eccl 3.24
in supervacuis rebus noli scrutari multipliciter et in pluribus operibus eius non eris curiosus
Eccl 3.25
plurima enim super sensum hominis ostensa sunt tibi
Eccl 3.26
multos enim inplanavit suspicio illorum et in vanitate detinuit sensus illorum
Eccl 3.27
cor durum male habebit in novissimo et qui amat periculum in illo peribit
Eccl 3.28
cor ingrediens duas vias non habebit successus et pravicordius in illis scandalizabitur
Eccl 3.29
cor nequam gravabitur doloribus et peccator adiciet ad peccandum
Eccl 3.30
synagogae superborum non est sanitas frutex enim peccati eradicabitur in illis et non intellegetur
Eccl 3.31
cor sapiens intellegitur in sapientia et auris bona audiet cum omni concupiscentia sapientiam
Eccl 3.32
sapiens cor et intellegibile abstinebit se a peccatis et in operibus iustitiae successus habebit
Eccl 3.33
ignem ardentem extinguit aqua et elemosyna resistit peccatis
Eccl 3.34
et Deus conspector qui reddit gratiam meminit in posterum et in tempore casus tui invenies firmamentum

 

 

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages