2Mach 13

Full text search

2Mach 13
2Mach 13.1
anno centesimo quadragesimo nono cognovit Iudas Antiochum Eupatoris venire cum multitudine adversus Iudaeam
2Mach 13.2
et cum eo Lysiam procuratorem et praepositum negotiorum secum habentem peditum centum decem milia et equitum quinque milia et elefantos viginti duo currus cum falcibus trecentos
2Mach 13.3
commiscuit autem se illis et Menelaus et cum multa fallacia deprecabatur Antiochum non pro patriae salute sed sperans se constitui in principatum
2Mach 13.4
sed Rex regum suscitavit animos Antiochi in peccatorem et suggerente Lysia hunc esse causam omnium malorum iussit ut eis est consuetudo conprehensum in eodem loco necari
2Mach 13.5
erat autem in eodem loco turris quinquaginta cubitorum aggestum undique habens cineris haec prospectum habebat in praeceps
2Mach 13.6
inde in cinerem deici iussit sacrilegum omnibus eum propellentibus ad interitum
2Mach 13.7
et tali lege praevaricatorem legis contigit mori nec terrae dari Menelaum
2Mach 13.8
et quidem satis iuste nam quia multa erga aram Dei delicta commisit cuius ignis et cinis erat sanctus ipse in cineris morte damnatus est
2Mach 13.9
sed rex mente effrenatus veniebat nequiorem se Iudaeis ostensurus
2Mach 13.10
quibus Iudas cognitis praecepit populo ut die ac nocte Dominum invocarent quo sicut semper et nunc adiuvaret eos
2Mach 13.11
quippe qui lege et patria sanctoque templo privari vererentur ac populum qui nuper paululum respirasset ne sineret blasphemis rursum nationibus subdi
2Mach 13.12
omnibus itaque id simul facientibus et petentibus a Domino misericordiam cum fletu et ieiuniis per triduum continuum prostratis hortatus est eos Iudas ut se praepararent
2Mach 13.13
ipse vero cum senioribus cogitavit priusquam rex admoveret exercitum ad Iudaeam et obtineret civitatem exire et Domini iudicio committere exitum rei
2Mach 13.14
dans itaque potestatem omnium Deo mundi creatori et hortatus suos ut fortiter dimicarent et usque ad mortem pro legibus templo civitate patria et civibus starent circa Modin exercitum constituit
2Mach 13.15
et dato signo suis Dei victoria iuvenibus fortissimis electis nocte adgressus aulam regiam in castris interfecit viros quattuor milia et maximum elefantorum cum his qui superpositi erant
2Mach 13.16
summoque metu ac perturbatione hostium replentes rebus prospere gestis abierunt
2Mach 13.17
hoc autem factum est die inlucescente adiuvante eum Domini protectione
2Mach 13.18
sed rex accepto gustu audaciae Iudaeorum arte difficultates locorum temptabat
2Mach 13.19
et Bethsurae quod erat Iudaeorum praesidium munitum castra admovebat sed fugabatur inpingebat minuebatur
2Mach 13.20
his autem qui intus erant Iudas necessaria mittebat
2Mach 13.21
enuntiavit autem mysteria hostibus Rhodocus quidam de iudaico exercitu qui requisitus conprehensus conclusus est
2Mach 13.22
iterum rex sermonem habuit ad eos qui erant in Bethsuris dextram dedit accepit abiit
2Mach 13.23
commisit cum Iuda superatus est ut autem cognovit rebellasse Philippum Antiochiae qui relictus erat super negotia mente consternatus Iudaeos deprecans subditusque eis iurat de omnibus quibus iustum visum est et reconciliatus obtulit sacrificium honorificavit templum et munera posuit
2Mach 13.24
Macchabeum amplexus est et fecit eum ab Ptolomaide usque Gerrenos ducem et principem
2Mach 13.25
ut autem venit Ptolomaidam graviter ferebant Ptolomenses amicitiae conventionem indignantes ne forte foedus inrumperent
2Mach 13.26
tunc ascendit Lysias tribunal et exposuit rationem et populum sedavit regressusque est Antiochiam et hoc modo regi profectio et reditus processit

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages