Num 5

Full text search

Num 5
Num 5.1
וַיְדַבֵּר יְהוָה אֶל־מֹשֶׁה לֵּאמֹר׃
Num 5.2
צַו אֶת־בְּנֵי יִשְׂרָאֵל וִישַׁלְּחוּ
מִנ־הַמַּחֲנֶה כָּל־צָרוּעַ וְכָל־זָב
וְכֹל טָמֵא לָנָפֶשׁ׃
Num 5.3
מִזָּכָר עַד־נְקֵבָה תְּשַׁלֵּחוּ אֶל־מִחוּץ
לַמַּחֲנֶה תְּשַׁלְּחוּם וְלֹא יְטַמְּאוּ
אֶת־מַחֲנֵיהֶם אֲשֶׁר אֲנִי שֹׁכֵן
בְּתוֺכָם׃
Num 5.4
וַיַּעֲשׂוּ־כֵן בְּנֵי יִשְׂרָאֵל וַיְשַׁלְּחוּ
אוֺתָם אֶל־מִחוּץ לַמַּחֲנֶה כַּאֲשֶׁר
דִּבֶּר יְהוָה אֶל־מֹשֶׁה כֵּן עָשׂוּ
בְּנֵי יִשְׂרָאֵל׃ ף
Num 5.5
וַיְדַבֵּר יְהוָה אֶל־מֹשֶׁה לֵּאמֹר׃
Num 5.6
דַּבֵּר אֶל־בְּנֵי יִשְׂרָאֵל אִישׁ
אוֺ־אִשָּׁה כִּי יַעֲשׂוּ מִכָּל־חַטֹּאת
הָאָדָם לִמְעֹל מַעַל בַּיהוָה וְאָשְׁמָה
הַנֶּפֶשׁ הַהִוא׃
Num 5.7
וְהִתְוַדּוּ אֶת־חַטָּאתָם אֲשֶׁר עָשׂוּ
וְהֵשִׁיב אֶת־אֲשָׁמוֺ בְּרֹאשׁוֺ
וַחֲמִישִׁתוֺ יֺסֵף עָלָיו וְנָתַן
לַאֲשֶׁר אָשַׁם לוֺ׃
Num 5.8
וְאִמ־אֵין לָאִישׁ גֺּאֵל לְהָשִׁיב
הָאָשָׁם אֵלָיו הָאָשָׁם הַמּוּשָׁב
לַיהוָה לַכֹּהֵן מִלְּבַד אֵיל
הַכִּפֻּרִים אֲשֶׁר יְכַפֶּר־בּוֺ עָלָיו׃
Num 5.9
וְכָל־תְּרוּמָה לְכָל־קָדְשֵׁי בְנֵי־יִשְׂרָאֵל
אֲשֶׁר־יַקְרִיבוּ לַכֹּהֵן לוֺ יִהְיֶה׃
Num 5.10
וְאִישׁ אֶת־קֳדָשָׁיו לוֺ יִהְיוּ
אִישׁ אֲשֶׁר־יִתֵּן לַכֹּהֵן לוֺ יִהְיֶה׃
ף
Num 5.11
וַיְדַבֵּר יְהוָה אֶל־מֹשֶׁה לֵּאמֹר׃
Num 5.12
דַּבֵּר אֶל־בְּנֵי יִשְׂרָאֵל וְאָמַרְתָּ
אֲלֵהֶם אִישׁ אִישׁ כִּי־תִשְׂטֶה
אִשְׁתּוֺ וּמָעֲלָה בוֺ מָעַל׃
Num 5.13
וְשָׁכַב אִישׁ אֹתָהּ שִׁכְבַת־זֶרַע
וְנֶעְלַם מֵעֵינֵי אִישָׁהּ וְנִסְתְּרָה
וְהִיא נִטְמָאָה וְעֵד אֵין בָּהּ
וְהִוא לֹא נִתְפָּשָׂה׃
Num 5.14
וְעָבַר עָלָיו רוּחַ־קִנְאָה וְקִנֵּא
אֶת־אִשְׁתּוֺ וְהִוא נִטְמָאָה אוֺ־עָבַר
עָלָיו רוּחַ־קִנְאָה וְקִנֵּא אֶת־אִשְׁתּוֺ
וְהִיא לֹא נִטְמָאָה׃
Num 5.15
וְהֵבִיא הָאִישׁ אֶת־אִשְׁתּוֺ אֶל־הַכֹּהֵן
וְהֵבִיא אֶת־קָרְבָּנָהּ עָלֶיהָ
עֲשִׂירִת הָאֵיפָה קֶמַח שְׂעֹרִים
לֹא־יִצֹק עָלָיו שֶׁמֶן וְלֹא־יִתֵּ
עָלָיו לְבֹנָה כִּי־מִנְחַת קְנָאֹת
הוּא מִנְחַת זִכָּרוֺן מַזְכֶּרֶת
עָוֺן׃
Num 5.16
וְהִקְרִיב אֹתָהּ הַכֹּהֵן וְהֶעֱמִדָהּ
לִפְנֵי יְהוָה׃
Num 5.17
וְלָקַח הַכֹּהֵן מַיִם קְדֹשִׁים
בִּכְלִי־חָרֶשׂ וּמִנ־הֶעָפָר אֲשֶׁר
יִהְיֶה בְּקַרְקַע הַמִּשְׁכָּן יִקַּח
הַכֹּהֵן וְנָתַן אֶל־הַמָּיִם׃
Num 5.18
וְהֶעֱמִיד הַכֹּהֵן אֶת־הָאִשָּׁה לִפְנֵי
יְהוָה וּפָרַע אֶת־רֹאשׁ הָאִשָּׁה
וְנָתַן עַל־כַּפֶּיהָ אֵת מִנְחַת
הַזִּכָּרוֺן מִנְחַת קְנָאֹת הִו
וּבְיַד הַכֹּהֵן יִהְיוּ מֵי הַמָּרִים
הַמְאָרֲרִים׃
Num 5.19
וְהִשְׁבִּיעַ אֹתָהּ הַכֹּהֵן וְאָמַר
אֶל־הָאִשָּׁה אִמ־לֹא שָׁכַב אִישׁ
אֹתָך וְאִמ־לֹא שָׂטִית טֻמְאָה
תַּחַת אִישֵׁך הִנָּקִי מִמֵּי הַמָּרִימהַמְאָרֲרִים
הָאֵלֶּה׃
Num 5.20
וְאַתְּ כִּי שָׂטִית תַּחַת אִישֵׁך
וְכִי נִטְמֵאת וַיִּתֵּן אִישׁ בָּך
אֶת־שְׁכָבְתּוֺ מִבַּלְעֲדֵי אִישֵׁך׃
Num 5.21
וְהִשְׁבִּיעַ הַכֹּהֵן אֶת־הָאִשָּׁה בִּשְׁבֻעַת
הָאָלָה וְאָמַר הַכֹּהֵן לָאִשָּׁה
יִתֵּן יְהוָה אוֺתָך לְאָלָה וְלִשְׁבֻעָה
בְּתוֺך עַמֵּך תֵת יְהוָה אֶת־יְרֵכֵך
נֺפֶלֶת וְאֶת־בִּטְנֵך צָבָה׃
Num 5.22
וּבָאוּ הַמַּיִם הַמְאָרְרִים הָאֵלֶּה
בְּמֵעַיִך לַצְבּוֺת בֶּטֶן וְלַנְפִּל
יָרֵך וְאָמְרָה הָאִשָּׁה אָמֵן אָמֵן׃
Num 5.23
וְכָתַב אֶת־הָאָלֹת הָאֵלֶּה הַכֹּהֵן
בַּסֵּפֶר וּמָחָה אֶל־מֵי הַמָּרִים׃
Num 5.24
וְהִשְׁקָה אֶת־הָאִשָּׁה אֶת־מֵי הַמָּרִים
הַמְאָרֲרִים וּבָאוּ בָהּ הַמַּיִם
הַמְאָרֲרִים לְמָרִים׃
Num 5.25
וְלָקַח הַכֹּהֵן מִיַּד הָאִשָּׁה אֵת
מִנְחַת הַקְּנָאֹת וְהֵנִיף אֶת־הַמִּנְחָה
לִפְנֵי יְהוָה וְהִקְרִיב אֹתָהּ
אֶל־הַמִּזְבֵּחַ׃
Num 5.26
וְקָמַץ הַכֹּהֵן מִנ־הַמִּנְחָה אֶת־אַזְכָּרָתָהּ
וְהִקְטִיר הַמִּזְבֵּחָה וְאַחַר יַשְׁקֶה
אֶת־הָאִשָּׁה אֶת־הַמָּיִם׃
Num 5.27
וְהִשְׁקָהּ אֶת־הַמַּיִם וְהָיְתָה
אִמ־נִטְמְאָה וַתִּמְעֹל מַעַל בְּאִישָׁהּ
וּבָאוּ בָהּ הַמַּיִם הַמְאָרֲרִים
לְמָרִים וְצָבְתָה בִטְנָהּ וְנָלָה
יְרֵכָהּ וְהָיְתָה הָאִשָּׁה לְאָלָה
בְּקֶרֶב עַמָּהּ׃
Num 5.28
וְאִמ־לֹא נִטְמְאָה הָאִשָּׁה וּטְהֹרָה
הִוא וְנִקְּתָה וְנִזְרְעָה זָרַע׃
Num 5.29
זֺאת תּוֺרַת הַקְּנָאֹת אֲשֶׁר תִּשְׂטֶה
אִשָּׁה תַּחַת אִישָׁהּ וְנִטְמָאָה׃
Num 5.30
אוֺ אִישׁ אֲשֶׁר תַּעֲבֹר עָלָיו
רוּחַ קִנְאָה וְקִנֵּא אֶת־אִשְׁתּוֺ
וְהֶעֱמִיד אֶת־הָאִשָּׁה לִפְנֵי יְהוָה
וְעָשָׂה לָהּ הַכֹּהֵן אֵת כָּל־הַתּוֺרָה
הַזֺּאת׃
Num 5.31
וְנִקָּה הָאִישׁ מֵעָוֺן וְהָאִשָּׁה
הַהִוא תִּשָּׂא אֶת־עֲוֺנָהּ׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages