Deut 3

Full text search

Deut 3
Deut 3.1
וַנֵּפֶן וַנַּעַל דֶּרֶך הַבָּשָׁן וַיֵּצֵא
עוֺג מֶלֶכְ־הַבָּשָׁן לִקְרָאתֵנוּ
הוּא וְכָל־עַמּוֺ לַמִּלְחָמָה אֶדְרֶעִי׃
Deut 3.2
וַיֺּאמֶר יְהוָה אֵלַי אַל־תִּירָא
אֹתוֺ כִּי בְיָדְךָ נָתַתִּי אֹתוֺ
וְאֶת־כָּל־עַמּוֺ וְאֶת־אַרְצוֺ וְעָשִׂיתָ
לּוֺ כַּאֲשֶׁר עָשִׂיתָ לְסִיחֹן מֶלֶך
הָאֱמֹרִי אֲשֶׁר יֺושֵׁב בְּחֶשְׁבּוֺן׃
Deut 3.3
וַיִּתֵּן יְהוָה אֱלֹהֵינוּ בְּיָדֵנוּ
גַּם אֶת־עוֺג מֶלֶכְ־הַבָּשָׁן וְאֶת־כָּל־עַמּוֺ
וַנַּכֵּהוּ עַד־בִּלְתִּי הִשְׁאִיר־לוֺ
שָׂרִיד׃
Deut 3.4
וַנִּלְכֹּד אֶת־כָּל־עָרָיו בָּעֵת
הַהִוא לֹא הָיְתָה קִרְיָה אֲשֶׁר
לֹא־לָקַחְנוּ מֵאִתָּם שִׁשִּׁים עִיר
כָּל־חֶבֶל אַרְגֺּב מַמְלֶכֶת עוֺג
בָּשָׁן׃
Deut 3.5
כָּל־אֵלֶּה עָרִים בְּצֻרוֺת חוֺמָה
גְבֹהָה דְּלָתַיִם וּבְרִיחַ לְבַד
מֵעָרֵי הַפְּרָזִי הַרְבֵּה מְאֹד׃
Deut 3.6
וַנַּחֲרֵם אוֺתָם כַּאֲשֶׁר עָשִׂינוּ
לְסִיחֹן מֶלֶך חֶשְׁבּוֺן הַחֲרֵם
כָּל־עִיר מְתִם הַנָּשִׁים וְהַטָּף׃
Deut 3.7
וְכָל־הַבְּהֵמָה וּשְׁלַל הֶעָרִים
בַּזֺּונוּ לָנוּ׃
Deut 3.8
וַנִּקַּח בָּעֵת הַהִוא אֶת־הָאָרֶץ
מִיַּד שְׁנֵי מַלְכֵי הָאֱמֹרִי אֲשֶׁר
בְּעֵבֶר הַיַּרְדֵּן מִנַּחַל אַרְנֺן
עַד־הַר חֶרְמוֺן׃
Deut 3.9
צִידֹנִים יִקְרְאוּ לְחֶרְמוֺן שִׂרְיֺן
וְהָאֱמֹרִי יִקְרְאוּ־לוֺ שְׂנִיר׃
Deut 3.10
כֹּל עָרֵי הַמִּישֹׁר וְכָל־הַגִּלְעָד
וְכָל־הַבָּשָׁן עַד־סַלְכָה וְאֶדְרֶעִי
עָרֵי מַמְלֶכֶת עוֺג בַּבָּשָׁן׃
Deut 3.11
כִּי רַק־עוֺג מֶלֶך הַבָּשָׁן נִשְׁאַר
מִיֶּתֶר הָרְפָאִים הִנֵּה עַרְשׂוֺ
עֶרֶשׂ בַּרְזֶל הֲלֹה הִוא בְּרַבַּת
בְּנֵי עַמּוֺן תֵּשַׁע אַמּוֺת רְכָּהּ
וְאַרְבַּע אַמּוֺת רָחְבָּהּ בְּאַמַּת־אִישׁ׃
Deut 3.12
וְאֶת־הָאָרֶץ הַזֺּאת יָרַשְׁנוּ
בָּעֵת הַהִוא מֵעֲרֹעֵר אֲשֶׁר־עַל־נַחַל
אַרְנֺן וַחֲצִי הַר־הַגִּלְעָד וְעָרָיו
נָתַתִּי לָרֻאוּבֵנִיְ וְלַגָּדִי׃
Deut 3.13
וְיֶתֶר הַגִּלְעָד וְכָל־הַבָּשָׁן מַמְלֶכֶת
עוֺג נָתַתִּי לַחֲצִי שֵׁבֶט הַמְנַשֶּׁה
כֹּל חֶבֶל הָאַרְגֺּב לְכָל־הַבָּשָׁן
הַהוּא יִקָּרֵא אֶרֶ רְפָאִים׃
Deut 3.14
יָאִיר בֶּנ־מְנַשֶּׁה לָקַח אֶת־כָּל־חֶבֶל
אַרְגֺּב עַד־גְּבוּל הַגְּשׁוּרִי
וְהַמַּעֲכָתִי וַיִּקְרָא אֹתָם עַל־שְׁמוֺ
אֶת־הַבָּשָׁן חַוֺּת יָאִיר עַד
הַיֺּום הַזֶּה׃
Deut 3.15
וּלְמָכִיר נָתַתִּי אֶת־הַגִּלְעָד׃
Deut 3.16
וְלָרֻאוּבֵנִיְ וְלַגָּדִי נָתַתִּי
מִנ־הַגִּלְעָד וְעַד־נַחַל אַרְנֺן
תּוֺך הַנַּחַל וּגְבֻל וְעַד יַבֹּק
הַנַּחַל גְּבוּל בְּנֵי עַמּוֺן׃
Deut 3.17
וְהָעֲרָבָה וְהַיַּרְדֵּן וּגְבֻל מִכִּנֶּרֶת
וְעַד יָם הָעֲרָבָה יָם הַמֶּלַח
תַּחַת אַשְׁדֹּת הַפִּסְגָּה מִזְרָחָה׃
Deut 3.18
וָאֲצַו אֶתְכֶם בָּעֵת הַהִוא לֵאמֹר
יְהוָה אֱלֹהֵיכֶם נָתַן לָכֶם אֶת־הָאָרֶץ
הַזֺּאת לְרִשְׁתָּהּ חֲלוּצִים תַּעַבְרוּ
לִפְנֵי אֲחֵיכֶם נֵי־יִשְׂרָאֵל כָּל־בְּנֵי־חָיִל׃
Deut 3.19
רַק נְשֵׁיכֶם וְטַפְּכֶם וּמִקְנֵכֶם
יָדַעְתִּי כִּי־מִקְנֶה רַב לָכֶם
יֵשְׁבוּ בְּעָרֵיכֶם אֲשֶׁר נָתַתִּי
לָכֶם׃
Deut 3.20
עַד אֲשֶׁר־יָנִיחַ יְהוָה לַאֲחֵיכֶם
כָּכֶם וְיָרְשׁוּ גַמ־הֵם אֶת־הָאָרֶץ
אֲשֶׁר יְהוָה אֱלֹהֵיכֶם נֺתֵן לָהֶם
בְּעֵבֶר הַיַּרְדֵּן וְשַׁבְתֶּם אִישׁ
לִירֻשָּׁתוֺ אֲשֶׁר נָתַתִּי לָכֶם׃
Deut 3.21
וְאֶת־יְהוֺשׁוּעַ צִוֵּיתִי בָּעֵת
הַהִוא לֵאמֹר עֵינֶיךָ הָרֹאֹת
אֵת כָּל־אֲשֶׁר עָשָׂה יְהוָה אֱלֹהֵיכֶם
לִשְׁנֵי הַמְּלָכִים הָאֵלֶּה כֵּנ־יַעֲשֶׂה
יְהוָה לְכָל־הַמַּמְלָכוֺת אֲשֶׁר
אַתָּה עֹבֵר שָׁמָּה׃
Deut 3.22
לֹא תִּירָאוּם כִּי יְהוָה אֱלֹהֵיכֶם
הוּא הַנִּלְחָם לָכֶם׃ ס
Deut 3.23
וָאֶתְחַנַּן אֶל־יְהוָה בָּעֵת הַהִוא
לֵאמֹר׃
Deut 3.24
אֲדֹנָי יְהוִה אַתָּה הַחִלּוֺתָ
לְהַרְאוֺת אֶת־עַבְדְּךָ אֶת־גָּדְלְךָ
וְאֶת־יָדְךָ הַחֲזָקָה אֲשֶׁר מִי־אֵל
בַּשָּׁמַיִם וּבָאָרֶץ אֲשֶׁר־יַעֲשֶׂה
כְמַעֲשֶׂיךָ וְכִגְבוּרֹתֶךָ׃
Deut 3.25
אֶעְבְּרָה־נָּא וְאֶרְאֶה אֶת־הָאָרֶץ
הַטּוֺבָה אֲשֶׁר בְּעֵבֶר הַיַּרְדֵּן
הָהָר הַטּוֺב הַזֶּה וְהַלְּבָנֺון׃
Deut 3.26
וַיִּתְעַבֵּר יְהוָה בִּי לְמַעַנְכֶם
וְלֹא שָׁמַע אֵלָי וַיֺּאמֶר יְהוָה
אֵלַי רַב־לָך אַל־תּוֺסֶף דַּבֵּר
אֵלַי עוֺד בַּדָּבָר הַזֶּה׃
Deut 3.27
עֲלֵה רֹאשׁ הַפִּסְגָּה וְשָׂא עֵינֶיךָ
יָמָּה וְצָפֹנָה וְתֵימָנָה וּמִזְרָחָה
וּרְאֵה בְעֵינֶיךָ כִּי־לֹא תַעֲבֹר
אֶת־הַיַּרְדֵּן הַזֶּה׃
Deut 3.28
וְצַו אֶת־יְהוֺשֻׁעַ וְחַזְּקֵהוּ וְאַמְּצֵהוּ
כִּי־הוּא יַעֲבֹר לִפְנֵי הָעָם
הַזֶּה וְהוּא יַנְחִיל אוֺתָם אֶת־הָאָרֶץ
אֲשֶׁר תִּרְאֶה׃
Deut 3.29
וַנֵּשֶׁב בַּגָּיְא מוּל בֵּית פְּעוֺר׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages