1Reg 22

Full text search

1Reg 22
1Reg 22.1
וַיֵּשְׁבוּ שָׁלֹשׁ שָׁנִים אֵין מִלְחָמָה
בֵּין אֲרָם וּבֵין יִשְׂרָאֵל׃ ף
1Reg 22.2
וַיְהִי בַּשָּׁנָה הַשְּׁלִישִׁית וַיֵּרֶד
יְהוֺשָׁפָט מֶלֶכְ־יְהוּדָה אֶל־מֶלֶך
יִשְׂרָאֵל׃
1Reg 22.3
וַיֺּאמֶר מֶלֶכְ־יִשְׂרָאֵל אֶל־עֲבָדָיו
הַיְדַעְתֶּם כִּי־לָנוּ רָמֹת גִּלְעָד
וַאֲנַחְנוּ מַחְשִׁים מִקַּחַת אֹתָהּ
מִיַּד מֶלֶך אֲרָם׃
1Reg 22.4
וַיֺּאמֶר אֶל־יְהוֺשָׁפָט הֲתֵלֵך
אִתִּי לַמִּלְחָמָה רָמֹת גִּלְעָד וַיֺּאמֶר
יְהוֺשָׁפָט אֶל־מֶלֶך יִשְׂרָאֵל
כָּמוֺנִי כָמוֺךָ כְּעַמִּי כְמֶּךָ כְּסוּסַי
כְּסוּסֶיךָ׃
1Reg 22.5
וַיֺּאמֶר יְהוֺשָׁפָט אֶל־מֶלֶך
יִשְׂרָאֵל דְּרָשׁ־נָא כַיֺּום אֶת־דְּבַר
יְהוָה׃
1Reg 22.6
וַיִּקְבֹּץ מֶלֶכְ־יִשְׂרָאֵל אֶת־הַנְּבִיאִים
כְּאַרְבַּע מֵאוֺת אִישׁ וַיֺּאמֶר
אֲלֵהֶם הַאֵלֵך עַל־רָמֹת גִּלְעָד
לַמִּלְחָמָה אִמ־אֶחְדָּל וַאּמְרוּ
עֲלֵה וְיִתֵּן אֲדֹנָי בְּיַד הַמֶּלֶך׃
1Reg 22.7
וַיֺּאמֶר יְהוֺשָׁפָט הַאֵין פֹּה
נָבִיא לַיהוָה עוֺד וְנִדְרְשָׁה
מֵאוֺתוֺ׃
1Reg 22.8
וַיֺּאמֶר מֶלֶכְ־יִשְׂרָאֵל אֶל־יְהוֺשָׁפָט
עוֺד אִישׁ־אֶחָד לִדְרֹשׁ אֶת־יְהוָה
מֵאֹתוֺ וַאֲנִי שְׂנֵאתִיו כִּי לֹא־יִתְנַבֵּא
עָלַי טוֺב כִּיאִמ־רָע מִיכָיְהוּ
בֶּנ־יִמְלָה וַיֺּאמֶר יְהוֺשָׁפָט
אַל־יֺאמַר הַמֶּלֶך כֵּן׃
1Reg 22.9
וַיִּקְרָא מֶלֶך יִשְׂרָאֵל אֶל־סָרִיס
אֶחָד וַיֺּאמֶר מַהֲרָה מִיכָיְהוּ
בֶנ־יִמְלָה׃
1Reg 22.10
וּמֶלֶך יִשְׂרָאֵל וִיהוֺשָׁפָט מֶלֶכְ־יְהוּדָה
יֺשְׁבִים אִישׁ עַל־כִּסְאוֺ מְלֻבָּשִׁים
בְּגָדִים בְּגֺרֶן פֶּתַח שַׁעַר שֹׁמְרוֺן
וְכָל־הַנְּבִיאִי מִתְנַבְּאִים לִפְנֵיהֶם׃
1Reg 22.11
וַיַּעַשׂ לוֺ צִדְקִיָּה בֶנ־כְּנַעֲנָה
קַרְנֵי בַרְזֶל וַיֺּאמֶר כֹּה־אָמַר
יְהוָה בְּאֵלֶּה תְּנַגַּח אֶת־אֲרָם
עַד־כַּלֹּתָם׃
1Reg 22.12
וְכָל־הַנְּבִאִים נִבְּאִים כֵּן
לֵאמֹר עֲלֵה רָמֹת גִּלְעָד וְהַצְלַח
וְנָתַן יְהוָה בְּיַד הַמֶּלֶך׃
1Reg 22.13
וְהַמַּלְאָך אֲשֶׁר־הָלַך לִקְרֹא מִיכָיְהוּ
דִּבֶּר אֵלָיו לֵאמֹר הִנֵּה־נָא
דִּבְרֵי הַנְּבִיאִים פֶּה־אֶחָד טוֺב
אֶל־הַמֶּלֶך יְהִי־נָא 1 דִבְרֵיךָ 2 דְבָרְךָ
כִּדְבַר אַחַד מֵהֶם וְדִבַּרְתָּ טּוֺב׃
1Reg 22.14
וַיֺּאמֶר מִיכָיְהוּ חַי־יְהוָה
כִּי אֶת־אֲשֶׁר יֺאמַר יְהוָה אֵלַי
אֹתוֺ אֲדַבֵּר׃
1Reg 22.15
וַיָּבוֺא אֶל־הַמֶּלֶך וַיֺּאמֶר
הַמֶּלֶך אֵלָיו מִיכָיְהוּ הֲנֵלֵך
אֶל־רָמֹת גִּלְעָד לַמִּלְחָמָה אִמ־נֶחְדָּל
וַיֺּאמֶר אֵלָיו עֲלֵה וְהַצְלַח
וְנָתַן יְהוָה בְּיַד הַמֶּלֶך׃
1Reg 22.16
וַיֺּאמֶר אֵלָיו הַמֶּלֶך עַד־כַּמֶּה
פְעָמִים אֲנִי מַשְׁבִּעֶךָ אֲשֶׁר לֹא־תְדַבֵּר
אֵלַי רַק־אֱמֶת בְּשֵׁם יְהוָה׃
1Reg 22.17
וַיֺּאמֶר רָאִיתִי אֶת־כָּל־יִשְׂרָאֵל
נְפֹצִים אֶל־הֶהָרִים כַּצֹּאן אֲשֶׁר
אֵינ־לָהֶם רֹעֶה וַיֺּאמֶר יְהוָה
לֹא־אֲדֹנִים לָאֵלֶּה יָשׁוּבוּ
אִישׁ־לְבֵיתוֺ בְּשָׁלוֺם׃
1Reg 22.18
וַיֺּאמֶר מֶלֶכְ־יִשְׂרָאֵל אֶל־יְהוֺשָׁפָט
הֲלוֺא אָמַרְתִּי אֵלֶיךָ לוֺא־יִתְנַבֵּא
עָלַי טוֺב כִּי אִמ־רָע׃
1Reg 22.19
וַיֺּאמֶר לָכֵן שְׁמַע דְּבַר־יְהוָה
רָאִיתִי אֶת־יְהוָה יֺשֵׁב עַל־כִּסְאוֺ
וְכָל־צְבָא הַשָּׁמַיִם עֹמֵד עָלָיו
מִימִינֺו וּמִשְּׂמֹאלוֺ׃
1Reg 22.20
וַיֺּאמֶר יְהוָה מִי יְפַתֶּה אֶת־אַחְאָב
וְיַעַל וְיִפֹּל בְּרָמֹת גִּלְעָד וַיֺּאמֶר
זֶה בְּכֹה וְזֶה אֹמֵר בְּכֹה׃
1Reg 22.21
וַיֵּצֵא הָרוּחַ וַיַּעֲמֹד לִפְנֵי
יְהוָה וַיֺּאמֶר אֲנִי אֲפַתֶּנּוּ
וַיֺּאמֶר יְהוָה אֵלָיו בַּמָּה׃
1Reg 22.22
וַיֺּאמֶר אֵצֵא וְהָיִיתִי רוּחַ
שֶׁקֶר בְּפִי כָּל־נְבִיאָיו וַיֺּאמֶר
תְּפַתֶּה וְגַמ־תּוּכָל צֵא וַעֲשֵׂה־כֵן׃
1Reg 22.23
וְעַתָּה הִנֵּה נָתַן יְהוָה רוּחַ
שֶׁקֶר בְּפִי כָּל־נְבִיאֶיךָ אֵלֶּה
וַיהוָה דִּבֶּר עָלֶיךָ רָעָה׃
1Reg 22.24
וַיִּגַּשׁ צִדְקִיָּהוּ בֶנ־כְּנַעֲנָה
וַיַּכֶּה אֶת־מִיכָיְהוּ עַל־הַלֶּחִי
וַיֺּאמֶר אֵי־זֶה עָבַר רוּחַ־יְהוָה
מֵאִתִּי לְדַבֵּר אוֺתָך׃
1Reg 22.25
וַיֺּאמֶר מִיכָיְהוּ הִנְּךָ רֹאֶה
בַּיֺּום הַהוּא אֲשֶׁר תָּבֹא חֶדֶר
בְּחֶדֶר לְהֵחָבֵה׃
1Reg 22.26
וַיֺּאמֶר מֶלֶך יִשְׂרָאֵל קַח אֶת־מִיכָיְהוּ
וַהֲשִׁיבֵהוּ אֶל־אָמֹן שַׂר־הָעִיר
וְאֶל־יֺואָשׁ בֶּנ־הַמֶּלֶך׃
1Reg 22.27
וְאָמַרְתָּ כֹּה אָמַר הַמֶּלֶך שִׂימוּ
אֶת־זֶה בֵּית הַכֶּלֶא וְהַאֲכִילֻהוּ
לֶחֶם לַחַץ וּמַיִם לַחַץ עַד בֹּאִי
בְשָׁלוֺם׃
1Reg 22.28
וַיֺּאמֶר מִיכָיְהוּ אִמ־שׁוֺב
תָּשׁוּב בְּשָׁלוֺם לֹא־דִבֶּר יְהוָה
בִּי וַיֺּאמֶר שִׁמְעוּ עַמִּים כֻּלָּם׃
1Reg 22.29
וַיַּעַל מֶלֶכְ־יִשְׂרָאֵל וְיהוֺשָׁפָט
מֶלֶכְ־יְהוּדָה רָמֹת גִּלְעָד׃
1Reg 22.30
וַיֺּאמֶר מֶלֶך יִשְׂרָאֵל אֶל־יְהוֺשָׁפָט
הִתְחַפֵּשׂ וָבֹא בַמִּלְחָמָה וְאַתָּה
לְבַשׁ בְּגָדֶיךָ וַיִּתְחַפֵּשׂ מֶלֶך
יִשְׂרָאֵל וַיָּבוֺא בַּמִּלְחָמָה׃
1Reg 22.31
וּמֶלֶך אֲרָם צִוָּה אֶת־שָׂרֵי הָרֶכֶב
אֲשֶׁר־לוֺ שְׁלֹשִׁים וּשְׁנַיִם לֵאמֹר
לֹא תִּלָּחֲמוּ אֶת־קָטֹן וְאֶת־גָּדוֺל
כִּי אִמ־אֶת־מֶלֶך יִרָאֵל לְבַדּוֺ׃
1Reg 22.32
וַיְהִי כִּרְאוֺת שָׂרֵי הָרֶכֶב אֶת־יְהוֺשָׁפָט
וְהֵמָּה אָמְרוּ אַך מֶלֶכְ־יִשְׂרָאֵל
הוּא וַיָּסֻרוּ עָלָיו לְהִלָּחֵם
וַיִּזְעַק יְהוֺשָׁפָט׃
1Reg 22.33
וַיְהִי כִּרְאוֺת שָׂרֵי הָרֶכֶב
כִּי־לֹא־מֶלֶך יִשְׂרָאֵל הוּא וַיָּשׁוּבוּ
מֵאַחֲרָיו׃
1Reg 22.34
וְאִישׁ מָשַׁך בַּקֶּשֶׁת לְתֻמּוֺ וַיַּכֶּה
אֶת־מֶלֶך יִשְׂרָאֵל בֵּין הַדְּבָקִים
וּבֵין הַשִּׁרְיָן וַיֺּאמֶר לְרַכָּבוֺ
הֲפֹך יָדְךָ וְהוֺצִיאֵנִי מִנ־הַמַּחֲנֶה
כִּי הָחֳלֵיתִי׃
1Reg 22.35
וַתַּעֲלֶה הַמִּלְחָמָה בַּיֺּום הַהוּא
וְהַמֶּלֶך הָיָה מָעֳמָד בַּמֶּרְכָּבָה
נֺכַח אֲרָם וַיָּמָת בָּעֶרֶב וַיִּצֶק
דַּמ־הַמַּכָּה אֶל־חֵיקהָרָכֶב׃
1Reg 22.36
וַיַּעֲבֹר הָרִנָּה בַּמַּחֲנֶה כְּבֹא
הַשֶּׁמֶשׁ לֵאמֹר אִישׁ אֶל־עִירוֺ
וְאִישׁ אֶל־אַרְצוֺ׃
1Reg 22.37
וַיָּמָת הַמֶּלֶך וַיָּבוֺא שֹׁמְרוֺן
וַיִּקְבְּרוּ אֶת־הַמֶּלֶך בְּשֹׁמְרוֺן׃
1Reg 22.38
וַיִּשְׁטֹף אֶת־הָרֶכֶב עַל בְּרֵכַת
שֹׁמְרוֺן וַיָּלֹקּוּ הַכְּלָבִים אֶת־דָּמוֺ
וְהַזֺּנֺות רָחָצוּ כִּדְבַר יְהוָה
אֲשֶׁר דִּבֵּר׃
1Reg 22.39
וְיֶתֶר דִּבְרֵי אַחְאָב וְכָל־אֲשֶׁר
עָשָׂה וּבֵית הַשֵּׁן אֲשֶׁר בָּנָה
וְכָל־הֶעָרִים אֲשֶׁר בָּנָה הֲלוֺא־הֵם
כְּתוּבִים עַל־סֵפֶר דִּבְרֵי הַיָּמִים
לְמַלְכֵי יִשְׂרָאֵל׃
1Reg 22.40
וַיִּשְׁכַּב אַחְאָב עִמ־אֲבֹתָיו
וַיִּמְלֹך אֲחַזְיָהוּ בְנֺו תַּחְתָּיו׃
ף
1Reg 22.41
וִיהוֺשָׁפָט בֶּנ־אָסָא מָלַך עַל־יְהוּדָה
בִּשְׁנַת אַרְבַּע לְאַחְאָב מֶלֶך
יִשְׂרָאֵל׃
1Reg 22.42
יְהוֺשָׁפָט בֶּנ־שְׁלֹשִׁים וְחָמֵשׁ
שָׁנָה בְּמָלְכוֺ וְעֶשְׂרִים וְחָמֵשׁ
שָׁנָה מָלַך בִּירוּשָׁלִָם וְשֵׁם אִמּוֺ
עֲזוּבָה בַּת־שִׁלְחִי׃
1Reg 22.43
וַיֵּלֶך בְּכָל־דֶּרֶך אָסָא אָבִיו
לֹא־סָר מִמֶּנּוּ לַעֲשׂוֺת הַיָּשָׁר
בְּעֵינֵי יְהוָה׃
1Reg 22.44
אַך הַבָּמוֺת לֹא־סָרוּ עוֺד הָעָם
מְזַבְּחִים וּמְקַטְּרִים בַּבָּמוֺת׃
1Reg 22.45
וַיַּשְׁלֵם יְהוֺשָׁפָט עִמ־מֶלֶך יִשְׂרָאֵל׃
1Reg 22.46
וְיֶתֶר דִּבְרֵי יְהוֺשָׁפָט וּגְבוּרָתוֺ
אֲשֶׁר־עָשָׂה וַאֲשֶׁר נִלְחָם הֲלֹא־הֵם
כְּתוּבִים עַל־סֵפֶר דִּבְרֵי הַיָּמִים
לְמַלְכֵי יְהוּדָה׃
1Reg 22.47
וְיֶתֶר הַקָּדֵשׁ אֲשֶׁר נִשְׁאַר בִּימֵי
אָסָא אָבִיו בִּעֵר מִנ־הָאָרֶץ׃
1Reg 22.48
וּמֶלֶך אֵין בֶּאֱדוֺם נִצָּב מֶלֶך׃
1Reg 22.49
יְהוֺשָׁפָט 1 עָשָׂר 2 עָשָׂה אֳנִיֺּות
תַּרְשִׁישׁ לָלֶכֶת אוֺפִירָה לַזָּהָב
וְלֹא הָלָך כִּי־נִשְׁבְּרָה 2 נִשְׁבְּרוּ
אֳנִיֺּות בְּעֶצְיֺון גָּבֶר׃
1Reg 22.50
אָז אָמַר אֲחַזְיָהוּ בֶנ־אַחְאָב
אֶל־יְהוֺשָׁפָט יֵלְכוּ עֲבָדַי עִמ־עֲבָדֶיךָ
בָּאֳנִיֺּות וְלֹא אָבָה יְהוֺשָׁפָט׃
1Reg 22.51
וַיִּשְׁכַּב יְהוֺשָׁפָט עִמ־אֲבֹתָיו
וַיִּקָּבֵר עִמ־אֲבֹתָיו בְּעִיר
דָּוִד אָבִיו וַיִּמְלֹך יְהוֺרָם
בְּנֺו תַּחְתָּיו׃ ס
1Reg 22.52
אֲחַזְיָהוּ בֶנ־אַחְאָב מָלַך עַל־יִשְׂרָאֵל
בְּשֹׁמְרוֺן בִּשְׁנַת שְׁבַע עֶשְׂרֵה
לִיהוֺשָׁפָט מֶלֶך יְהוּדָה וַיִּמְלֹך
עַל־יִשְׂרָאֵל שְׁנָתָיִם׃
1Reg 22.53
וַיַּעַשׂ הָרַע בְּעֵינֵי יְהוָה
וַיֵּלֶך בדֶרֶך אָבִיו וּבְדֶרֶך
אִמּוֺ וּבְדֶרֶך יָרָבְעָם בֶּנ־נְבָט
אֲשֶׁר הֶחֱטִיא אֶת־יִשְׂרָאֵל׃
1Reg 22.54
וַיַּעֲבֹד אֶת־הַבַּעַל וַיִּשְׁתַּחֲוֶה
לוֺ וַיַּכְעֵס אֶת־יְהוָה אֱלֹהֵי
יִשְׂרָאֵל כְּכֹל אֲשֶׁר־עָשָׂה אָבִיו׃
 

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages