1Reg 8

Full text search

1Reg 8
1Reg 8.1
אָז יַקְהֵל שְׁלֹמֹה אֶת־זִקְנֵי
יִשְׂרָאֵל אֶת־כָּל־רָאשֵׁי הַמַּטּוֺת
נְשִׂיאֵי הָאָבוֺת לִבְנֵי יִשְׂרָאֵל
אֶל־הַמֶּלֶך שְׁלֹמֹה יְרוּשָׁלִָם לְהַעֲלוֺת
אֶת־אֲרוֺן בְּרִית־יְהוָה מֵעִיר
דָּוִד הִיא צִיֺּון׃
1Reg 8.2
וַיִּקָּהֲלוּ אֶל־הַמֶּלֶך שְׁלֹמֹה
כָּל־אִישׁ יִשְׂרָאֵל בְּיֶרַח הָאֵתָנִים
בֶּחָג הוּא הַחֹדֶשׁ הַשְּׁבִיעִי׃
1Reg 8.3
וַיָּבֹאוּ כֹּל זִקְנֵי יִשְׂרָאֵל וַיִּשְׂאוּ
הַכֹּהֲנִים אֶת־הָאָרוֺן׃
1Reg 8.4
וַיַּעֲלוּ אֶת־אֲרוֺן יְהוָה וְאֶת־אֹהֶל
מוֺעֵד וְאֶת־כָּל־כְּלֵי הַקֹּדֶשׁ
אֲשֶׁר בָּאֹהֶל וַיַּעֲלוּ אֹתָם הַכֹּהֲנִים
וְהַלְוִיִּם׃
1Reg 8.5
וְהַמֶּלֶך שְׁלֹמֹה וְכָל־עֲדַת יִשְׂרָאֵל
הַנֺּועָדִים עָלָיו אִתּוֺ לִפְנֵי
הָאָרוֺן מְזַבְּחִים צֹאן וּבָקָר
אֲשֶׁר לֹא־יִסָּפְרוּ וְלֹא יִמָּנוּ
מֵרֹב׃
1Reg 8.6
וַיָּבִאוּ הַכֹּהֲנִים אֶת־אֲרוֺן
בְּרִית־יְהוָה אֶל־מְקוֺמוֺ אֶל־דְּבִיר
הַבַּיִת אֶל־קֹדֶשׁ הַקֳּדָשִׁים אֶל־תַּחַת
כַּנְפֵי הַכְּרוּבִים׃
1Reg 8.7
כִּי הַכְּרוּבִים פֹּרְשִׂים כְּנָפַיִם
אֶל־מְקוֺם הָאָרוֺן וַיָּסֹכּוּ
הַכְּרֻבִים עַל־הָאָרוֺן וְעַל־בַּדָּיו
מִלְמָעְלָה׃
1Reg 8.8
וַיַּאֲרִכוּ הַבַּדִּים וַיֵּרָאוּ רָאשֵׁי
הַבַּדִּים מִנ־הַקֹּדֶשׁ עַל־פְּנֵי
הַדְּבִיר וְלֹא יֵרָאוּ הַחוּצָה
וַיִּהְיוּ שָׁם עַד הַיֺּום הַזֶּה׃
1Reg 8.9
אֵין בָּאָרוֺן רַק שְׁנֵי לֻחוֺת
הָאֲבָנִים אֲשֶׁר הִנִּחַ שָׁם מֹשֶׁה
בְּחֹרֵב אֲשֶׁר כָּרַת יְהוָה עִמ־בְּנֵי
יִשְׂרָאֵל בְּצֵאתָם מֵאֶרֶץ צְרָיִם׃
1Reg 8.10
וַיְהִי בְּצֵאת הַכֹּהֲנִים מִנ־הַקֹּדֶשׁ
וְהֶעָנָן מָלֵא אֶת־בֵּית יְהוָה׃
1Reg 8.11
וְלֹא־יָכְלוּ הַכֹּהֲנִים לַעֲמֹד
לְשָׁרֵת מִפְּנֵי הֶעָנָן כִּי־מָלֵא
כְבוֺד־יְהוָה אֶת־בֵּית יְהוָה׃
ף
1Reg 8.12
אָז אָמַר שְׁלֹמֹה יְהוָה אָמַר
לִשְׁכֹּן בָּעֲרָפֶל׃
1Reg 8.13
בָּנֺה בָנִיתִי בֵּית זְבֻל לָך
מָכוֺן לְשִׁבְתְּךָ עוֺלָמִים׃
1Reg 8.14
וַיַּסֵּב הַמֶּלֶך אֶת־פָּנָיו וַיְבָרֶך
אֵת כָּל־קְהַל יִשְׂרָאֵל וְכָל־קְהַל
יִשְׂרָאֵל עֹמֵד׃
1Reg 8.15
וַיֺּאמֶר בָּרוּך יְהוָה אֱלֹהֵי
יִשְׂרָאֵל אֲשֶׁר דִּבֶּר בְּפִיו אֵת
דָּוִד אָבִי וּבְיָדוֺ מִלֵּא לֵאמֹר׃
1Reg 8.16
מִנ־הַיֺּום אֲשֶׁר הוֺצֵאתִי אֶת־עַמִּי
אֶת־יִשְׂרָאֵל מִמִּצְרַיִם לֹא־בָחַרְתִּי
בְעִיר מִכֹּל שִׁבְטֵי יִשְׂרָאֵל
לִבְנֺות בַּיִת לִהְיֺות שְׁמִי שָׁם
וָאֶבְחַר בְּדָוִד לִהְיֺות עַל־עַמִּי
יִשְׂרָאֵל׃
1Reg 8.17
וַיְהִי עִמ־לְבַב דָּוִד אָבִי לִבְנֺות
בַּיִת לְשֵׁם יְהוָה אֱלֹהֵי יִשְׂרָאֵל׃
1Reg 8.18
וַיֺּאמֶר יְהוָה אֶל־דָּוִד אָבִי
יַעַן אֲשֶׁר הָיָה עִמ־לְבָבְךָ
לִבְנֺות בַּיִת לִשְׁמִי הֱטִיבֹתָ
כִּי הָיָה עִמ־לְבָבֶךָ׃
1Reg 8.19
רַק אַתָּה לֹא תִבְנֶה הַבָּיִת
כִּי אִמ־בִּנְךָ הַיֺּצֵא מֵחֲלָצֶיךָ
הוּא־יִבְנֶה הַבַּיִת לִשְׁמִי׃
1Reg 8.20
וַיָּקֶם יְהוָה אֶת־דְּבָרוֺ אֲשֶׁר
דִּבֵּר וָאָקֻם תַּחַת דָּוִד אָבִי
וָאֵשֵׁב עַל־כִּסֵּא יִשְׂרָאֵל כַּאֲשֶׁר
דִּבֶּר יְהוָה וָאֶבְנֶה הַבַּיִת לְשֵׁם
יְהוָה אֱלֹהֵי יִשְׂרָאֵל׃
1Reg 8.21
וָאָשִׂם שָׁם מָקוֺם לָאָרוֺן אֲשֶׁר־שָׁם
בְּרִית יְהוָה אֲשֶׁר כָּרַת עִמ־אֲבֹתֵינוּ
בְּהוֺצִיאוֺ אֹתָם מֵאֶרֶץ מִצְרָיִם׃
ס
1Reg 8.22
וַיַּעֲמֹד שְׁלֹמֹה לִפְנֵי מִזְבַּח
יְהוָה נֶגֶד כָּל־קְהַל יִשְׂרָאֵל
וַיִּפְרֹשׂ כַּפָּיו הַשָּׁמָיִם׃
1Reg 8.23
וַיֺּאמַר יְהוָה אֱלֹהֵי יִשְׂרָאֵל
אֵינ־כָּמוֺךָ אֱלֹהִים בַּשָּׁמַיִם
מִמַּעַל וְעַל־הָאָרֶץ מִתָּחַת שֹׁמֵר
הַבְּרִית וְהַחֶסֶד לַעֲבָדֶיךָ הַהֹכִים
לְפָנֶיךָ בְּכָל־לִבָּם׃
1Reg 8.24
אֲשֶׁר שָׁמַרְתָּ לְעַבְדְּךָ דָּוִד אָבִי
אֵת אֲשֶׁר־דִּבַּרְתָּ לוֺ וַתְּדַבֵּר
בְּפִיךָ וּבְיָדְךָ מִלֵּאתָ כַּיֺּום
הַזֶּה׃
1Reg 8.25
וְעַתָּה יְהוָה אֱלֹהֵי יִשְׂרָאֵל
שְׁמֹר לְעַבְדְּךָ דָוִד אָבִי אֵת
אֲשֶׁר דִּבַּרְתָּ לּוֺ לֵאמֹר לֹא־יִכָּרֵת
לְךָ אִישׁ מִלְּפָנַי יֺשֵׁבעַל־כִּסֵּא
יִשְׂרָאֵל רַק אִמ־יִשְׁמְרוּ בָנֶיךָ
אֶת־דַּרְכָּם לָלֶכֶת לְפָנַי כַּאֲשֶׁר
הָלַכְתָּ לְפָנָי׃
1Reg 8.26
וְעַתָּה אֱלֹהֵי יִשְׂרָאֵל יֵאָמֶן
נָא 1 דְּבָרֶיךָ 2 דְּבָרְךָ אֲשֶׁר דִּבַּרְתָּ
לְעַבְדְּךָ דָּוִד אָבִי׃
1Reg 8.27
כִּי הַאֻמְנָם יֵשֵׁב אֱלֹהִים
עַל־הָאָרֶץ הִנֵּה הַשָּׁמַיִם וּשְׁמֵי
הַשָּׁמַיִם לֹא יְכַלְכְּלוּךָ אַף
כִּי־הַבַּיִת הַזֶּה אֲשֶׁר בָּנִיתִ׃
1Reg 8.28
וּפָנִיתָ אֶל־תְּפִלַּת עַבְדְּךָ וְאֶל־תְּחִנָּתוֺ
יְהוָה אֱלֹהָי לִשְׁמֹעַ אֶל־הָרִנָּה
וְאֶל־הַתְּפִלָּה אֲשֶׁר עַבְדְּךָ מִתְפַּלֵּל
לְפָנֶיךָ הַיֺּום׃
1Reg 8.29
לִהְיֺות עֵינֶךָ פְתֻחוֺת אֶל־הַבַּיִת
הַזֶּה לַיְלָה וָיֺום אֶל־הַמָּקוֺם
אֲשֶׁר אָמַרְתָּ יִהְיֶה שְׁמִי שָׁם
לִשְׁמֹעַ אֶל־הַתְּפִלָּה אֲשֶׁריִתְפַּלֵּל
עַבְדְּךָ אֶל־הַמָּקוֺם הַזֶּה׃
1Reg 8.30
וְשָׁמַעְתָּ אֶל־תְּחִנַּת עַבְדְּךָ וְעַמְּךָ
יִשְׂרָאֵל אֲשֶׁר יִתְפַּלְלוּ אֶל־הַמָּקוֺם
הַזֶּה וְאַתָּה תִּשְׁמַע אֶל־מְקוֺם
שִׁבְתְּךָ אֶל־הַשָּׁמַיִם וְשָׁמַעְתָּ וְסָלָחְתָּ׃
1Reg 8.31
אֵת אֲשֶׁר יֶחֱטָא אִישׁ לְרֵעֵהוּ
וְנָשָׁא־בוֺ אָלָה לְהַאֲלֹתוֺ וּבָא
אָלָה לִפְנֵי מִזְבַּחֲךָ בַּבַּיִת
הַזֶּה׃
1Reg 8.32
וְאַתָּה תִּשְׁמַע הַשָּׁמַיִם וְעָשִׂיתָ
וְשָׁפַטְתָּ אֶת־עֲבָדֶיךָ לְהַרְשִׁיעַ
רָשָׁע לָתֵת דַּרְכּוֺ בְּרֹאשׁוֺ וּלְהַצְדִּיק
צַדִּיק לָתֶת לוֺ כְּצִדְקָתוֺ׃
ס
1Reg 8.33
בְּהִנָּגֵף עַמְּךָ יִשְׂרָאֵל לִפְנֵי
אוֺיֵב אֲשֶׁר יֶחֶטְאוּ־לָך וְשָׁבוּ
אֵלֶיךָ וְהוֺדוּ אֶת־שְׁמֶךָ וְהִתְפַּלְלוּ
וְהִתְחַנְּנוּ אֵלֶיךָ בַּבַּיִת הַזֶּה׃
1Reg 8.34
וְאַתָּה תִּשְׁמַע הַשָּׁמַיִם וְסָלַחְתָּ
לְחַטַּאת עַמְּךָ יִשְׂרָאֵל וַהֲשֵׁבֹתָם
אֶל־הָאֲדָמָה אֲשֶׁר נָתַתָּ לַאֲבוֺתָם׃
ס
1Reg 8.35
בְּהֵעָצֵר שָׁמַיִם וְלֹא־יִהְיֶה
מָטָר כִּי יֶחֶטְאוּ־לָך וְהִתְפַּלְלוּ
אֶל־הַמָּקוֺם הַזֶּה וְהוֺדוּ אֶת־שְׁמֶךָ
וּמֵחַטָּאתָם יְשׁוּבוּן כִּי עֲנֵם׃
1Reg 8.36
וְאַתָּה תִּשְׁמַע הַשָּׁמַיִם וְסָלַחְתָּ
לְחַטַּאת עֲבָדֶיךָ וְעַמְּךָ יִשְׂרָאֵל
כִּי תוֺרֵם אֶת־הַדֶּרֶך הַטּוֺבָה
אֲשֶׁר יֵלְכוּ־בָהּ וְתַתָּה מָטָר
עַל־אַרְצְךָ אֲשֶׁר־נָתַתָּה לְעַמְּךָ
לְנַחֲלָה׃ ס
1Reg 8.37
רָעָב כִּי־יִהְיֶה בָאָרֶץ דֶּבֶר
כִּי־יִהְיֶה שִׁדָּפוֺן יֵרָקוֺן
אַרְבֶּה חָסִיל כִּי יִהְיֶה כִּי
יָצַר־לוֺ אֹיְבוֺ בְּאֶרֶץ שְׁעָרָיו
כָּלנֶגַע כָּל־מַחֲלָה׃
1Reg 8.38
כָּל־תְּפִלָּה כָל־תְּחִנָּה אֲשֶׁר תִהְיֶה
לְכָל־הָאָדָם לְכֹל עַמְּךָ יִשְׂרָאֵל
אֲשֶׁר יֵדְעוּן אִישׁ נֶגַע לְבָבוֺ
וּפָרַשׂ כַּפָּיו אֶל־הַבַּיִת הַזֶּה׃
1Reg 8.39
וְאַתָּה תִּשְׁמַע הַשָּׁמַיִם מְכוֺן
שִׁבְתֶּךָ וְסָלַחְתָּ וְעָשִׂיתָ וְנָתַתָּ
לָאִישׁ כְּכָל־דְּרָכָיו אֲשֶׁר תֵּדַע
אֶת־לְבָבוֺ כִּי־אַתָּה יָדַעְתָּ
לְבַדְּךָ אֶת־לְבַב כָּל־בְּנֵי הָאָדָם׃
1Reg 8.40
לְמַעַן יִרָאוּךָ כָּל־הַיָּמִים אֲשֶׁר־הֵם
חַיִּים עַל־פְּנֵי הָאֲדָמָה אֲשֶׁר
נָתַתָּה לַאֲבֹתֵינוּ׃
1Reg 8.41
וְגַם אֶל־הַנָּכְרִי אֲשֶׁר לֹא־מֵעַמְּךָ
יִשְׂרָאֵל הוּא וּבָא מֵאֶרֶץ רְחוֺקָה
לְמַעַן שְׁמֶךָ׃
1Reg 8.42
כִּי יִשְׁמְעוּן אֶת־שִׁמְךָ הַגָּדוֺל
וְאֶת־יָדְךָ הַחֲזָקָה וּזְרֹעֲךָ
הַנְּטוּיָה וּבָא וְהִתְפַּלֵּל אֶל־הַבַּיִת
הַזֶּה׃
1Reg 8.43
אַתָּה תִּשְׁמַע הַשָּׁמַיִם מְכוֺן
שִׁבְתֶּךָ וְעָשִׂיתָ כְּכֹל אֲשֶׁר־יִקְרָא
אֵלֶיךָ הַנָּכְרִי לְמַעַן יֵדְעוּן
כָּל־עַמֵּי הָאָרֶץ אֶת־שְׁמֶךָ לְיִרְאָה
אֹתְךָ כְּעַמְּךָ יִשְׂרָאֵל וְלָדַעַת
כִּי־שִׁמְךָ נִקְרָא עַל־הַבַּיִת
הַזֶּה אֲשֶׁר בָּנִיתִי׃
1Reg 8.44
כִּי־יֵצֵא עַמְּךָ לַמִּלְחָמָה עַל־אֹיְבוֺ
בַּדֶּרֶך אֲשֶׁר תִּשְׁלָחֵם וְהִתְפַּלְלוּ
אֶל־יְהוָה דֶּרֶך הָעִיר אֲשֶׁר
בָּחַרְתָּ בָּהּ וְהַבַּיִת אֲשֶׁר־בָּנִתִי
לִשְׁמֶךָ׃
1Reg 8.45
וְשָׁמַעְתָּ הַשָּׁמַיִם אֶת־תְּפִלָּתָם
וְאֶת־תְּחִנָּתָם וְעָשִׂיתָ מִשְׁפָּטָם׃
1Reg 8.46
כִּי יֶחֶטְאוּ־לָך כִּי אֵין אָדָם
אֲשֶׁר לֹא־יֶחֱטָא וְאָנַפְתָּ בָם
וּנְתַתָּם לִפְנֵי אוֺיֵב וְשָׁבוּם
שֹׁבֵיהֶם אֶל־אֶרֶץ הָאוֺיֵב רְחוֺקָה
אוֺ קְרוֺבָה׃
1Reg 8.47
וְהֵשִׁיבוּ אֶל־לִבָּם בָּאָרֶץ אֲשֶׁר
נִשְׁבּוּ־שָׁם וְשָׁבוּ וְהִתְחַנְּנוּ
אֵלֶיךָ בְּאֶרֶץ שֹׁבֵיהֶם לֵאמֹר
חָטָאנוּ וְהֶעֱוִינוּ רָשָׁעְנוּ׃
1Reg 8.48
וְשָׁבוּ אֵלֶיךָ בְּכָל־לְבָבָם וּבְכָל־נַפְשָׁם
בְּאֶרֶץ אֹיְבֵיהֶם אֲשֶׁר־שָׁבוּ אֹתָם
וְהִתְפַּלְלוּ אֵלֶיךָ דֶּרֶך אַרְצָם
אֲשֶׁר נָתַתָּה לַבוֺתָם הָעִיר
אֲשֶׁר בָּחַרְתָּ וְהַבַּיִת אֲשֶׁר־בָּנִיתָ 2 בָּנִיתִי
לִשְׁמֶךָ׃
1Reg 8.49
וְשָׁמַעְתָּ הַשָּׁמַיִם מְכוֺן שִׁבְתְּךָ
אֶת־תְּפִלָּתָם וְאֶת־תְּחִנָּתָם וְעָשִׂיתָ
מִשְׁפָּטָם׃
1Reg 8.50
וְסָלַחְתָּ לְעַמְּךָ אֲשֶׁר חָטְאוּ־לָך
וּלְכָל־פִּשְׁעֵיהֶם אֲשֶׁר פָּשְׁעוּ־בָך
וּנְתַתָּם לְרַחֲמִים לִפְנֵי שֹׁבֵיהֶם
וְרִחֲמוּם׃
1Reg 8.51
כִּי־עַמְּךָ וְנַחֲלָתְךָ הֵם אֲשֶׁר
הוֺצֵאתָ מִמִּצְרַיִם מִתּוֺך כּוּר
הַבַּרְזֶל׃
1Reg 8.52
לִהְיֺות עֵינֶיךָ פְתֻחוֺת אֶל־תְּחִנַּת
עַבְדְּךָ וְאֶל־תְּחִנַּת עַמְּךָ יִשְׂרָאֵל
לִשְׁמֹעַ אֲלֵיהֶם בְּכֹל קָרְאָם אֵלֶיךָ׃
1Reg 8.53
כִּי־אַתָּה הִבְדַּלְתָּם לְךָ לְנַחֲלָה
מִכֹּל עַמֵּי הָאָרֶץ כַּאֲשֶׁר דִּבַּרְתָּ
בְּיַד מֹשֶׁה עַבְדֶּךָ בְּהוֺצִיאֲךָ
אֶת־אֲבֹתֵינוּ מִמִּצְרַיִם אֲדֹנָי
יְהוִה׃ ף
1Reg 8.54
וַיְהִי כְּכַלּוֺת שְׁלֹמֹה לְהִתְפַּלֵּל
אֶל־יְהוָה אֵת כָּל־הַתְּפִלָּה וְהַתְּחִנָּה
הַזֺּאת קָם מִלִּפְנֵי מִזְבַּח יְהוָה
מִכְּרֹעַ עַל־בִּרְכָּיו וְכַפָּיו פְּרֻשׂוֺת
הַשָּׁמָיִם׃
1Reg 8.55
וַיַּעְמֹד וַיְבָרֶך אֵת כָּל־קְהַל
יִשְׂרָאֵל קוֺל גָּדוֺל לֵאמֹר׃
1Reg 8.56
בָּרוּך יְהוָה אֲשֶׁר נָתַן מְנוּחָה
לְעַמּוֺ יִשְׂרָאֵל כְּכֹל אֲשֶׁר דִּבֵּר
לֹא־נָפַל דָּבָר אֶחָד מִכֹּל דְּבָרוֺ
הַטּוֺב אֲשֶׁר דִּבֶּ בְּיַד מֹשֶׁה עַבְדּוֺ׃
1Reg 8.57
יְהִי יְהוָה אֱלֹהֵינוּ עִמָּנוּ
כַּאֲשֶׁר הָיָה עִמ־אֲבֹתֵינוּ אַל־יַעַזְבֵנוּ
וְאַל־יִטְּשֵׁנוּ׃
1Reg 8.58
לְהַטּוֺת לְבָבֵנוּ אֵלָיו לָלֶכֶת
בְּכָל־דְּרָכָיו וְלִשְׁמֹר מִצְוֺתָיו
וְחֻקָּיו וּמִשְׁפָּטָיו אֲשֶׁר צִוָּה
אֶת־אֲבֹתֵינוּ׃
1Reg 8.59
וְיִהְיוּ דְבָרַי אֵלֶּה אֲשֶׁר הִתְחַנַּנְתִּי
לִפְנֵי יְהוָה קְרֹבִים אֶל־יְהוָה
אֱלֹהֵינוּ יֺומָם וָלָיְלָה לַעֲשׂוֺת
מִשְׁפַּט עַבְדּוֺ מִשְׁפַּט עַמּוֺ יִשְׂרָאֵל
דְּבַר־יֺום בְּיֺומוֺ׃
1Reg 8.60
לְמַעַן דַּעַת כָּל־עַמֵּי הָאָרֶץ
כִּי יְהוָה הוּא הָאֱלֹהִים אֵין
עוֺד׃
1Reg 8.61
וְהָיָה לְבַבְכֶם שָׁלֵם עִם יְהוָה
אֱלֹהֵינוּ לָלֶכֶת בְּחֻקָּיו וְלִשְׁמֹר
מִצְוֺתָיו כַּיֺּום הַזֶּה׃
1Reg 8.62
וְהַמֶּלֶך וְכָל־יִשְׂרָאֵל עִמּוֺ זֺבְחִים
זֶבַח לִפְנֵי יְהוָה׃
1Reg 8.63
וַיִּזְבַּח שְׁלֹמֹה אֵת זֶבַח הַשְּׁלָמִים
אֲשֶׁר זָבַח לַיהוָה בָּקָר עֶשְׂרִים
וּשְׁנַיִם אֶלֶף וְצֹאן מֵאָה וְעֶשְׂרִים
אָלֶף וַיַּחְנְכוּ ת־בֵּית יְהוָה
הַמֶּלֶך וְכָל־בְּנֵי יִשְׂרָאֵל׃
1Reg 8.64
בַּיֺּום הַהוּא קִדַּשׁ הַמֶּלֶך אֶת־תּוֺך
הֶחָצֵר אֲשֶׁר לִפְנֵי בֵית־יְהוָה
כִּי־עָשָׂה שָׁם אֶת־הָעֹלָה וְאֶת־הַמִּנְחָה
וְאֵת חֶלְבֵי הַשְּׁלָמִים כִּי־מִזְבַּח
הַנְּחֹשֶׁת אֲשֶׁר לִפְנֵי יְהוָה קָטֹן
מֵהָכִיל אֶת־הָעֹלָה וְאֶת־הַמִּנְחָה
וְאֵת חֶלְבֵי הַשְּׁלָמִים׃
1Reg 8.65
וַיַּעַשׂ שְׁלֹמֹה בָעֵת־הַהִיא אֶת־הֶחָג
וְכָל־יִשְׂרָאֵל עִמּוֺ קָהָל גָּדוֺל
מִלְּבוֺא חֲמָת עַד־נַחַל מִצְרַיִם
לִפְנֵי יְהוָה אֱלֹהֵינוּ שִׁבְעַת
יָמִים וְשִׁבְעַת יָמִים אַרְבָּעָה
עָשָׂר יֺום׃
1Reg 8.66
בַּיֺּום הַשְּׁמִינִי שִׁלַּח אֶת־הָעָם
וַיְבָרֲכוּ אֶת־הַמֶּלֶך וַיֵּלְכוּ
לְאָהֳלֵיהֶם שְׂמֵחִים וְטוֺבֵי לֵב
עַל כָּל־הַטּוֺבָה אֲשֶׁר עָשָׂה יְוָה
לְדָוִד עַבְדּוֺ וּלְיִשְׂרָאֵל עַמּוֺ׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages