1Chron 22

Full text search

1Chron 22
1Chron 22.1
וַיֺּאמֶר דָּוִיד זֶה הוּא בֵּית
יְהוָה הָאֱלֹהִים וְזֶה־מִּזְבֵּחַ
לְעֹלָה לְיִשְׂרָאֵל׃ ס
1Chron 22.2
וַיֺּאמֶר דָּוִיד לִכְנֺוס אֶת־הַגֵּרִים
אֲשֶׁר בְּאֶרֶץ יִשְׂרָאֵל וַיַּעֲמֵד
חֹצְבִים לַחְצוֺב אַבְנֵי גָזִית
לִבְנֺות בֵּית הָאֱלֹהִים׃
1Chron 22.3
וּבַרְזֶל לָרֹב לַמִּסְמְרִים לְדַלְתוֺת
הַשְּׁעָרִים וְלַמְחַבְּרוֺת הֵכִין
דָּוִיד וּנְחֹשֶׁת לָרֹב אֵין מִשְׁקָל׃
1Chron 22.4
וַעֲצֵי אֲרָזִים לְאֵין מִסְפָּר
כִּי הֵבִיאוּ הַצִּידֹנִים וְהַצֹּרִים
עֲצֵי אֲרָזִים לָרֹב לְדָוִיד׃
ף
1Chron 22.5
וַיֺּאמֶר דָּוִיד שְׁלֹמֹה בְנִי נַעַר
וָרָך וְהַבַּיִת לִבְנֺות לַיהוָה
לְהַגְדִּיל לְמַעְלָה לְשֵׁם וּלְתִפְאֶרֶת
לְכָל־הָאֲרָצוֺת אָכִינָהנָּא לוֺ
וַיָּכֶן דָּוִיד לָרֹב לִפְנֵי מוֺתוֺ׃
1Chron 22.6
וַיִּקְרָא לִשְׁלֹמֹה בְנֺו וַיְצַוֵּהוּ
לִבְנֺות בַּיִת לַיהוָה אֱלֹהֵי
יִשְׂרָאֵל׃ ס
1Chron 22.7
וַיֺּאמֶר דָּוִיד לִשְׁלֹמֹה 1 בְּנֺו 2 בְּנִי
אֲנִי הָיָה עִמ־לְבָבִי לִבְנֺות
בַּיִת לְשֵׁם יְהוָה אֱלֹהָי׃
1Chron 22.8
וַיְהִי עָלַי דְּבַר־יְהוָה לֵאמֹר
דָּם לָרֹב שָׁפַכְתָּ וּמִלְחָמוֺת גְּדֹלוֺת
עָשִׂיתָ לֹא־תִבְנֶה בַיִת לִשְׁמִי
כִּי דָּמִים רַבִּים שָׁפַכְתָּ אַרְצָה
לְפָנָי׃
1Chron 22.9
הִנֵּה־בֵן נֺולָד לָך הוּא יִהְיֶה
אִישׁ מְנוּחָה וַהֲנִחוֺתִי לוֺ
מִכָּל־אוֺיְבָיו מִסָּבִיב כִּי
שְׁלֹמֹה יִהְיֶה שְׁמוֺ וְשָׁלוֺם וָשֶׁקֶט
אֶתֵּן עַל־יִשְׂרָאֵל בְּיָמָיו׃
1Chron 22.10
הוּא־יִבְנֶה בַיִת לִשְׁמִי וְהוּא
יִהְיֶה־לִּי לְבֵן וַאֲנִי־לוֺ לְאָב
וַהֲכִינֺותִי כִּסֵּא מַלְכוּתוֺ
עַל־יִשְׂרָאֵל עַד־עוֺלָם׃
1Chron 22.11
עַתָּה בְנִי יְהִי יְהוָה עִמָּך
וְהִצְלַחְתָּ וּבָנִיתָ בֵּית יְהוָה
אֱלֹהֶיךָ כַּאֲשֶׁר דִּבֶּר עָלֶיךָ׃
1Chron 22.12
אַך יִתֶּנ־לְּךָ יְהוָה שֵׂכֶל וּבִינָה
וִיצַוְּךָ עַל־יִשְׂרָאֵל וְלִשְׁמוֺר
אֶת־תּוֺרַת יְהוָה אֱלֹהֶיךָ׃
1Chron 22.13
אָז תַּצְלִיחַ אִמ־תִּשְׁמוֺר לַעֲשׂוֺת
אֶת־הַחֻקִּים וְאֶת־הַמִּשְׁפָּטִים
אֲשֶׁר צִוָּה יְהוָה אֶת־מֹשֶׁה עַל־יִשְׂרָאֵל
חֲזַק וֶאֱמָץ אַל־תִּירָא וְאַל־תֵּחָת׃
1Chron 22.14
וְהִנֵּה בְעָנְיִי הֲכִינֺותִי לְבֵית־יְהוָה
זָהָב כִּכָּרִים מֵאָה־אֶלֶף וְכֶסֶף
אֶלֶף אֲלָפִים כִּכָּרִים וְלַנְּחֹשֶׁת
וְלַבַּרְזֶל אֵין מִשְׁקָל כִּי לָרֹב
הָיָה וְעֵצִים וַאֲבָנִים הֲכִינֺותִי
וַעֲלֵיהֶם תּוֺסִיף׃
1Chron 22.15
וְעִמְּךָ לָרֹב עֹשֵׂי מְלָאכָה חֹצְבִים
וְחָרָשֵׁי אֶבֶן וָעֵץ וְכָל־חָכָם
בְּכָל־מְלָאכָה׃
1Chron 22.16
לַזָּהָב לַכֶּסֶף וְלַנְּחֹשֶׁת וְלַבַּרְזֶל
אֵין מִסְפָּר קוּם וַעֲשֵׂה וִיהִי
יְהוָה עִמָּך׃
1Chron 22.17
וַיְצַו דָּוִיד לְכָל־שָׂרֵי יִשְׂרָאֵל
לַעְזֺר לִשְׁלֹמֹה בְנֺו׃
1Chron 22.18
הֲלֹא יְהוָה אֱלֹהֵיכֶם עִמָּכֶם
וְהֵנִיחַ לָכֶם מִסָּבִיב כִּי נָתַן
בְּיָדִי אֵת יֺשְׁבֵי הָאָרֶץ וְנִכְבְּשָׁה
הָאָרֶץ לִפְנֵי יְהוָה וְפְנֵי עַמּוֺ׃
1Chron 22.19
עַתָּה תְּנוּ לְבַבְכֶם וְנַפְשְׁכֶם
לִדְרוֺשׁ לַיהוָה אֱלֹהֵיכֶם וְקוּמוּ
וּבְנוּ אֶת־מִקְדַּשׁ יְהוָה הָאֱלֹהִים
לְהָבִיא אֶת־אֲרוֺן בְּרִית־יְהוָה
וּכְלֵי קֹדֶשׁ הָאֱלֹהִים לַבַּיִת
הַנִּבְנֶה לְשֵׁמ־יְהוָה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages