2Chron 15

Full text search

2Chron 15
2Chron 15.1
וַעֲזַרְיָהוּ בֶּנ־עוֺדֵד הָיְתָה
עָלָיו רוּחַ אֱלֹהִים׃
2Chron 15.2
וַיֵּצֵא לִפְנֵי אָסָא וַיֺּאמֶר לוֺ
שְׁמָעוּנִי אָסָא וְכָל־יְהוּדָה
וּבִנְיָמִן יְהוָה עִמָּכֶם בִּהְיֺותְכֶם
עִמּוֺ וְאִמ־תִּדְרְשֻׁהוּ יִמָּצֵא לָכֶם
וְאִמ־תַּעַזְבֻהוּ יַעֲזֺב אֶתְכֶם׃
ס
2Chron 15.3
וְיָמִים רַבִּים לְיִשְׂרָאֵל לְלֹא
אֱלֹהֵי אֱמֶת וּלְלֹא כֹּהֵן מוֺרֶה
וּלְלֹא תוֺרָה׃
2Chron 15.4
וַיָּשָׁב בַּצַּר־לוֺ עַל־יְהוָה
אֱלֹהֵי יִשְׂרָאֵל וַיְבַקְשֻׁהוּ וַיִּמָּצֵא
לָהֶם׃
2Chron 15.5
וּבָעִתִּים הָהֵם אֵין שָׁלוֺם
לַיֺּוצֵא וְלַבָּא כִּי מְהוּמֹת רַבּוֺת
עַל כָּל־יֺושְׁבֵי הָאֲרָצוֺת׃
2Chron 15.6
וְכֻתְּתוּ גֺוי־בְּגֺוי וְעִיר
בְּעִיר כִּי־אֱלֹהִים הֲמָמָם בְּכָל־צָרָה׃
2Chron 15.7
וְאַתֶּם חִזְקוּ וְאַל־יִרְפּוּ יְדֵיכֶם
כִּי יֵשׁ שָׂכָר לִפְעֻלַּתְכֶם׃ ס
2Chron 15.8
וְכִשְׁמֹעַ אָסָא הַדְּבָרִים הָאֵלֶּה
וְהַנְּבוּאָה עֹדֵד הַנָּבִיא הִתְחַזַּק
וַיַּעֲבֵר הַשִּׁקּוּצִים מִכָּל־אֶרֶץ
יְהוּדָה וּבִנְיָמִן וּמִנ־הֶעָרִים
אֲשֶׁר לָכַד מֵהַר אֶפְרָיִם וַיְחַדֵּשׁ
אֶת־מִזְבַּח יְהוָה אֲשֶׁר לִפְנֵי
אוּלָם יְהוָה׃
2Chron 15.9
וַיִּקְבֹּץ אֶת־כָּל־יְהוּדָה וּבִנְיָמִן
וְהַגָּרִים עִמָּהֶם מֵאֶפְרַיִם וּמְנַשֶּׁה
וּמִשִּׁמְעוֺן כִּי־נָפְלוּ עָלָיו
מִיִּשְׂרָאֵל לָרֹב בִּרְאֹתָמכִּי־יְהוָה
אֱלֹהָיו עִמּוֺ׃ ף
2Chron 15.10
וַיִּקָּבְצוּ יְרוּשָׁלִַם בַּחֹדֶשׁ הַשְּׁלִישִׁי
לִשְׁנַת חֲמֵשׁ־עֶשְׂרֵה לְמַלְכוּת
אָסָא׃
2Chron 15.11
וַיִּזְבְּחוּ לַיהוָה בַּיֺּום הַהוּא
מִנ־הַשָּׁלָל הֵבִיאוּ בָּקָר שְׁבַע
מֵאוֺת וְצֹאן שִׁבְעַת אֲלָפִים׃
2Chron 15.12
וַיָּבֹאוּ בַבְּרִית לִדְרוֺשׁ אֶת־יְהוָה
אֱלֹהֵי אֲבוֺתֵיהֶם בְּכָל־לְבָבָם
וּבְכָל־נַפְשָׁם׃
2Chron 15.13
וְכֹל אֲשֶׁר לֹא־יִדְרֹשׁ לַיהוָה
אֱלֹהֵי־יִשְׂרָאֵל יוּמָת לְמִנ־קָטֹן
וְעַד־גָּדוֺל לְמֵאִישׁ וְעַד־אִשָּׁה׃
2Chron 15.14
וַיִּשָּׁבְעוּ לַיהוָה בְּקוֺל גָּדוֺל
וּבִתְרוּעָה וּבַחֲצֹצְרוֺת וּבְשׁוֺפָרוֺת׃
2Chron 15.15
וַיִּשְׂמְחוּ כָל־יְהוּדָה עַל־הַשְּׁבוּעָה
כִּי בְכָל־לְבָבָם נִשְׁבָּעוּ וּבְכָל־רְצוֺנָם
בִּקְשֻׁהוּ וַיִּמָּצֵא לָהֶם וַיָּנַח
יְהוָה לָהֶם מִסָּבִיב
2Chron 15.16
וְגַמ־מַעֲכָה אֵם אָסָא הַמֶּלֶך
הֱסִירָהּ מִגְּבִירָה אֲשֶׁר־עָשְׂתָה
לַאֲשֵׁרָה מִפְלָצֶת וַיִּכְרֹת אָסָא
אֶת־מִפְלַצְתָּהּ וַיָּדֶק וַיִּשְׂרֹף
בְּנַחַל קִדְרוֺן׃
2Chron 15.17
וְהַבָּמוֺת לֹא־סָרוּ מִיִּשְׂרָאֵל
רַק לְבַב־אָסָא הָיָה שָׁלֵם כָּל־יָמָיו׃
2Chron 15.18
וַיָּבֵא אֶת־קָדְשֵׁי אָבִיו וְקָדָשָׁיו
בֵּית הָאֱלֹהִים כֶּסֶף וְזָהָב וְכֵלִים׃
2Chron 15.19
וּמִלְחָמָה לֹא הָיָתָה עַד שְׁנַת־שְׁלֹשִׁים
וְחָמֵשׁ לְמַלְכוּת אָסָא׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages