2Chron 2

Full text search

2Chron 2
2Chron 2.1
וַיִּסְפֹּר שְׁלֹמֹה שִׁבְעִים אֶלֶף
אִישׁ סַבָּל וּשְׁמוֺנִים אֶלֶף אִישׁ
חֹצֵב בָּהָר וּמְנַצְּחִים עֲלֵיהֶם
שְׁלֹשֶׁת אֲלָפִים וְשֵׁשׁ מֵאוֺת׃
ף
2Chron 2.2
וַיִּשְׁלַח שְׁלֹמֹה אֶל־חוּרָם מֶלֶכְ־צֹר
לֵאמֹר כַּאֲשֶׁר עָשִׂיתָ עִמ־דָּוִיד
אָבִי וַתִּשְׁלַח־לוֺ אֲרָזִים לִבְנֺות־לוֺ
בַיִת לָשֶׁבֶת בּוֺ׃
2Chron 2.3
הִנֵּה אֲנִי בוֺנֶה־בַּיִת לְשֵׁם
יְהוָה אֱלֹהָי לְהַקְדִּישׁ לוֺ לְהַקְטִיר
לְפָנָיו קְטֹרֶת־סַמִּים וּמַעֲרֶכֶת
תָּמִיד וְעֹלוֺת לַבֹּקֶר וְלָעֶרֶב
לַשַּׁבָּתוֺת וְלֶחֳדָשִׁים וּלְמוֺעֲדֵי
יְהוָה אֱלֹהֵינוּ לְעוֺלָם זֺאת
עַל־יִשְׂרָאֵל׃
2Chron 2.4
וְהַבַּיִת אֲשֶׁר־אֲנִי בוֺנֶה גָּדוֺל
כִּי־גָדוֺל אֱלֹהֵינוּ מִכָּל־הָאֱלֹהִים׃
2Chron 2.5
וּמִי יַעֲצָר־כֹּחַ לִבְנֺות־לוֺ
בַיִת כִּי הַשָּׁמַיִם וּשְׁמֵי הַשָּׁמַיִם
לֹא יְכַלְכְּלֻהוּ וּמִי אֲנִי אֲשֶׁר
אֶבְנֶה־לּוֺ בַיִת כִּי אִמלְהַקְטִיר
לְפָנָיו׃
2Chron 2.6
וְעַתָּה שְׁלַח־לִי אִישׁ־חָכָם לַעֲשׂוֺת
בַּזָּהָב וּבַכֶּסֶף וּבַנְּחֹשֶׁת וּבַבַּרְזֶל
וּבָאַרְגְּוָן וְכַרְמִיל וּתְכֵלֶת
וְיֺדֵעַ לְפַתֵּחַ פִּתּוּחִים עִמ־הַחֲכָמִים
אֲשֶׁר עִמִּי בִּיהוּדָה וּבִירוּשָׁלִַם
אֲשֶׁר הֵכִין דָּוִיד אָבִי׃
2Chron 2.7
וּשְׁלַח־לִי עֲצֵי אֲרָזִים בְּרוֺשִׁים
וְאַלְגּוּמִּים מֵהַלְּבָנֺון כִּי
אֲנִי יָדַעְתִּי אֲשֶׁר עֲבָדֶיךָ יֺודְעִים
לִכְרוֺת עֲצֵי לְנֺון וְהִנֵּה עֲבָדַי
עִמ־עֲבָדֶיךָ׃
2Chron 2.8
וּלְהָכִין לִי עֵצִים לָרֹב כִּי
הַבַּיִת אֲשֶׁר־אֲנִי בוֺנֶה גָּדוֺל
וְהַפְלֵא׃
2Chron 2.9
וְהִנֵּה לַחֹטְבִים לְכֹרְתֵי הָעֵצִים
נָתַתִּי חִטִּים מַכּוֺת לַעֲבָדֶיךָ
כֹּרִים עֶשְׂרִים אֶלֶף וּשְׂעֹרִים
כֹּרִים עֶשְׂרִים אָלֶף וְיַיִן בַּתִּים
עֶשְׂרִים אֶלֶף וְשֶׁמֶן בַּתִּים עֶשְׂרִים
אָלֶף׃ ף
2Chron 2.10
וַיֺּאמֶר חוּרָם מֶלֶכְ־צֹר בִּכְתָב
וַיִּשְׁלַח אֶל־שְׁלֹמֹה בְּאַהֲבַת יְהוָה
אֶת־עַמּוֺ נְתָנְךָ עֲלֵיהֶם מֶלֶך׃
2Chron 2.11
וַיֺּאמֶר חוּרָם בָּרוּך יְהוָה
אֱלֹהֵי יִשְׂרָאֵל אֲשֶׁר עָשָׂה אֶת־הַשָּׁמַיִם
וְאֶת־הָאָרֶץ אֲשֶׁר נָתַן לְדָוִיד
הַמֶּלֶך בֵּן חָכָם יֺודֵעַ שֵׂכֶל
וּבִינָה אֲשֶׁר יִבְנֶה־בַּיִת לַיהוָה
וּבַיִת לְמַלְכוּתוֺ׃
2Chron 2.12
וְעַתָּה שָׁלַחְתִּי אִישׁ־חָכָם יֺודֵעַ
בִּינָה לְחוּרָם אָבִי׃
2Chron 2.13
בֶּנ־אִשָּׁה מִנ־בְּנֺות דָּן וְאָבִיו
אִישׁ־צֹרִי יֺודֵעַ לַעֲשׂוֺת בַּזָּהָב־וּבַכֶּסֶף
בַּנְּחֹשֶׁת בַּבַּרְזֶל בָּאֲבָנִים וּבָעֵצִים
בָּאַרְגָּמָנבַּתְּכֵלֶת וּבַבּוּץ וּבַכַּרְמִיל
וּלְפַתֵּחַ כָּל־פִּתּוּחַ וְלַחְשֹׁב
כָּל־מַחֲשָׁבֶת אֲשֶׁר יִנָּתֶנ־לוֺ
עִמ־חֲכָמֶיךָ וְחַכְמֵי אֲדֹנִי דָּוִיד
אָבִיךָ׃
2Chron 2.14
וְעַתָּה הַחִטִּים וְהַשְּׂעֹרִים הַשֶּׁמֶן
וְהַיַּיִן אֲשֶׁר אָמַר אֲדֹנִי יִשְׁלַח
לַעֲבָדָיו׃
2Chron 2.15
וַאֲנַחְנוּ נִכְרֹת עֵצִים מִנ־הַלְּבָנֺון
כְּכָל־צָרְכֶּךָ וּנְבִיאֵם לְךָ רַפְסֹדוֺת
עַל־יָם יָפוֺ וְאַתָּה תַּעֲלֶה אֹתָם
יְרוּשָׁלִָם׃ ף
2Chron 2.16
וַיִּסְפֹּר שְׁלֹמֹה כָּל־הָאֲנָשִׁים
הַגֵּירִים אֲשֶׁר בְּאֶרֶץ יִשְׂרָאֵל
אַחֲרֵי הַסְּפָר אֲשֶׁר סְפָרָם דָּוִיד
אָבִיו וַיִּמָּצְאוּ מֵאָה וַחֲשִּׁים
אֶלֶף וּשְׁלֹשֶׁת אֲלָפִים וְשֵׁשׁ
מֵאוֺת׃
2Chron 2.17
וַיַּעַשׂ מֵהֶם שִׁבְעִים אֶלֶף סַבָּל
וּשְׁמֹנִים אֶלֶף חֹצֵב בָּהָר וּשְׁלֹשֶׁת
אֲלָפִים וְשֵׁשׁ מֵאוֺת מְנַצְּחִים
לְהַעֲבִיד אֶת־הָעָם׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages