Eccl 2

Full text search

Eccl 2
Eccl 2.1
אָמַרְתִּי אֲנִי בְּלִבִּי לְכָה־נָּא
אֲנַסְּכָה בְשִׂמְחָה וּרְאֵה בְטוֺב
וְהִנֵּה גַמ־הוּא הָבֶל׃
Eccl 2.2
לִשְׂחוֺק אָמַרְתִּי מְהוֺלָל וּלְשִׂמְחָה
מַה־זֺּה עֹשָׂה׃
Eccl 2.3
תַּרְתִּי בְלִבִּי לִמְשׁוֺך בַּיַּיִן
אֶת־בְּשָׂרִי וְלִבִּי נֺהֵג בַּחָכְמָה
וְלֶאֱחֹז בְּסִכְלוּת עַד אֲשֶׁר־אֶרְאֶה
אֵי־זֶה טוֺב לִבְנֵי הָאָם אֲשֶׁר
יַעֲשׂוּ תַּחַת הַשָּׁמַיִם מִסְפַּר
יְמֵי חַיֵּיהֶם׃
Eccl 2.4
הִגְדַּלְתִּי מַעֲשָׂי בָּנִיתִי לִי
בָּתִּים נָטַעְתִּי לִי כְּרָמִים׃
Eccl 2.5
עָשִׂיתִי לִי גַּנֺּות וּפַרְדֵּסִים
וְנָטַעְתִּי בָהֶם עֵץ כָּל־פֶּרִי׃
Eccl 2.6
עָשִׂיתִי לִי בְּרֵכוֺת מָיִם לְהַשְׁקוֺת
מֵהֶם יַעַר צוֺמֵחַ עֵצִים׃
Eccl 2.7
קָנִיתִי עֲבָדִים וּשְׁפָחוֺת וּבְנֵי־בַיִת
הָיָה לִי גַּם מִקְנֶה בָקָר וָצֹאן
הַרְבֵּה הָיָה לִי מִכֹּל שֶׁהָיוּ
לְפָנַי בִּירוּשָׁלִָם׃
Eccl 2.8
כָּנַסְתִּי לִי גַּמ־כֶּסֶף וְזָהָב
וּסְגֻלַּת מְלָכִים וְהַמְּדִינֺות
עָשִׂיתִי לִי שָׁרִים וְשָׁרוֺת וְתַעֲנוּגֺת
בְּנֵי הָאָדָם שִׁדָּה וְשִׁדּוֺת
Eccl 2.9
וְגָדַלְתִּי וְהוֺסַפְתִּי מִכֹּל שֶׁהָיָה
לְפָנַי בִּירוּשָׁלִָם אַף חָכְמָתִי
עָמְדָה לִּי׃
Eccl 2.10
וְכֹל אֲשֶׁר שָׁאֲלוּ עֵינַי לֹא
אָצַלְתִּי מֵהֶם לֹא־מָנַעְתִּי אֶת־לִבִּי
מִכָּל־שִׂמְחָה כִּי־לִבִּי שָׂמֵחַ מִכָּל־עֲמָלִי
וְזֶה־הָיָה לְקִי מִכָּל־עֲמָלִי׃
Eccl 2.11
וּפָנִיתִי אֲנִי בְּכָל־מַעֲשַׂי שֶׁעָשׂוּ
יָדַי וּבֶעָמָל שֶׁעָמַלְתִּי לַעֲשׂוֺת
וְהִנֵּה הַכֹּל הֶבֶל וּרְעוּת רוּחַ
וְאֵין יִתְרוֺן תַּת הַשָּׁמֶשׁ׃
Eccl 2.12
וּפָנִיתִי אֲנִי לִרְאוֺת חָכְמָה
וְהוֺלֵלוֺת וְסִכְלוּת כִּי מֶה
הָאָדָם שֶׁיָּבוֺא אַחֲרֵי הַמֶּלֶך
אֵת אֲשֶׁר־כְּבָר עָשׂוּהוּ׃
Eccl 2.13
וְרָאִיתִי אָנִי שֶׁיֵּשׁ יִתְרוֺן
לַחָכְמָה מִנ־הַסִּכְלוּת כִּיתְרוֺן
הָאוֺר מִנ־הַחֹשֶׁך׃
Eccl 2.14
הֶחָכָם עֵינָיו בְּרֹאשׁוֺ וְהַכְּסִיל
בַּחֹשֶׁך הוֺלֵך וְיָדַעְתִּי גַמ־אָנִי
שֶׁמִּקְרֶה אֶחָד יִקְרֶה אֶת־כֻּלָּם׃
Eccl 2.15
וְאָמַרְתִּי אֲנִי בְּלִבִּי כְּמִקְרֵה
הַכְּסִיל גַּמ־אֲנִי יִקְרֵנִי וְלָמָּה
חָכַמְתִּי אֲנִי אָז יֺותֵר וְדִבַּרְתִּי
בְלִבִּי שֶׁגַּמ־זֶההָבֶל׃
Eccl 2.16
כִּי אֵין זִכְרוֺן לֶחָכָם עִמ־הַכְּסִיל
לְעוֺלָם בְּשֶׁכְּבָר הַיָּמִים הַבָּאִים
הַכֹּל נִשְׁכָּח וְאֵיך יָמוּת הֶחָכָם
עִמ־הַכְּסִיל׃
Eccl 2.17
וְשָׂנֵאתִי אֶת־הַחַיִּים כִּי רַע
עָלַי הַמַּעֲשֶׂה שֶׁנַּעֲשָׂה תַּחַת
הַשָּׁמֶשׁ כִּי־הַכֹּל הֶבֶל וּרְעוּת
רוּחַ׃
Eccl 2.18
וְשָׂנֵאתִי אֲנִי אֶת־כָּל־עֲמָלִי
שֶׁאֲנִי עָמֵל תַּחַת הַשָּׁמֶשׁ שֶׁאַנִּיחֶנּוּ
לָאָדָם שֶׁיִּהְיֶה אַחֲרָי׃
Eccl 2.19
וּמִי יֺודֵעַ הֶחָכָם יִהְיֶה אוֺ
סָכָל וְיִשְׁלַט בְּכָל־עֲמָלִי שֶׁעָמַלְתִּי
וְשֶׁחָכַמְתִּי תַּחַת הַשָּׁמֶשׁ גַּמ־זֶה
הָבֶל׃
Eccl 2.20
וְסַבּוֺתִי אֲנִי לְיַאֵשׁ אֶת־לִבִּי
עַל כָּל־הֶעָמָל שֶׁעָמַלְתִּי תַּחַת
הַשָּׁמֶשׁ׃
Eccl 2.21
כִּי־יֵשׁ אָדָם שֶׁעֲמָלוֺ בְּחָכְמָה
וּבְדַעַת וּבְכִשְׁרוֺן וּלְאָדָם שֶׁלֹּא
עָמַל־בּוֺ יִתְּנֶנּוּ חֶלְקוֺ גַּמ־זֶה
הֶבֶל וְרָעָה רַבָּה׃
Eccl 2.22
כִּי מֶה־הֹוֶה לָאָדָם בְּכָל־עֲמָלוֺ
וּבְרַעְיֺון לִבּוֺ שֶׁהוּא עָמֵל
תַּחַת הַשָּׁמֶשׁ׃
Eccl 2.23
כִּי כָל־יָמָיו מַכְאֹבִים וָכַעַס
עִנְיָנֺו גַּמ־בַּלַּיְלָה לֹא־שָׁכַב
לִבּוֺ גַּמ־זֶה הֶבֶל הוּא׃
Eccl 2.24
אֵינ־טוֺב בָּאָדָם שֶׁיֺּאכַל וְשָׁתָה
וְהֶרְאָה אֶת־נַפְשׁוֺ טוֺב בַּעֲמָלוֺ
גַּמ־זֺה רָאִיתִי אָנִי כִּי מִיַּד
הָאֱלֹהִים הִיא׃
Eccl 2.25
כִּי מִי יֺאכַל וּמִי יָחוּשׁ חוּץ
מִמֶּנִּי׃
Eccl 2.26
כִּי לְאָדָם שֶׁטּוֺב לְפָנָיו נָתַן
חָכְמָה וְדַעַת וְשִׂמְחָה וְלַחוֺטֶא
נָתַן עִנְיָן לֶאֱסוֺף וְלִכְנֺוס
לָתֵת לְטוֺב לִפְנֵי הָאֱלֹהִים
גַּמ־זֶה הֶבֶל וּרְעוּת רוּחַ׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages