Jes 29

Full text search

Jes 29
Jes 29.1
הוֺי אֲרִיאֵל אֲרִיאֵל קִרְיַת
חָנָה דָוִד סְפוּ שָׁנָה עַל־שָׁנָה
חַגִּים יִנְקֹפוּ׃
Jes 29.2
וַהֲצִיקוֺתִי לַאֲרִיאֵל וְהָיְתָה
תַאֲנִיָּה וַאֲנִיָּה וְהָיְתָה לִּי
כַּאֲרִיאֵל׃
Jes 29.3
וְחָנִיתִי כַדּוּר עָלָיִך וְצַרְתִּי
עָלַיִך מֻצָּב וַהֲקִימֹתִי עָלַיִך
מְצֻרֹת׃
Jes 29.4
וְשָׁפַלְתְּ מֵאֶרֶץ תְּדַבֵּרִי וּמֵעָפָר
תִּשַּׁח אִמְרָתֵך וְהָיָה כְּאוֺב
מֵאֶרֶץ קוֺלֵך וּמֵעָפָר אִמְרָתֵך
תְּצַפְצֵף׃
Jes 29.5
וְהָיָה כְּאָבָק דַּק הֲמוֺן זָרָיִך
וּכְמֹץ עֹבֵר הֲמוֺן עָרִיצִים
וְהָיָה לְפֶתַע פִּתְאֹם׃
Jes 29.6
מֵעִם יְהוָה צְבָאוֺת תִּפָּקֵד
בְּרַעַם וּבְרַעַשׁ וְקוֺל גָּדוֺל
סוּפָה וּסְעָרָה וְלַהַב אֵשׁ אוֺכֵלָה׃
Jes 29.7
וְהָיָה כַּחֲלוֺם חֲזֺון לַיְלָה
הֲמוֺן כָּל־הַגֺּויִם הַצֹּבְאִים
עַל־אֲרִיאֵל וְכָל־צֹבֶיהָ וּמְצֹדָתָהּ
וְהַמְּצִיקִים לָהּ׃
Jes 29.8
וְהָיָה כַּאֲשֶׁר יַחֲלֹם הָרָעֵב וְהִנֵּה
אוֺכֵל וְהֵקִיץ וְרֵיקָה נַפְשׁוֺ
וְכַאֲשֶׁר יַחֲלֹם הַצָּמֵא וְהִנֵּה
שֹׁתֶה וְהֵקִיץ וְהִנֵּה עָיֵפוְנַפְשׁוֺ
שׁוֺקֵקָה כֵּן יִהְיֶה הֲמוֺן כָּל־הַגֺּויִם
הַצֹּבְאִים עַל־הַר צִיֺּון׃ ס
Jes 29.9
הִתְמַהְמְהוּ וּתְמָהוּ הִשְׁתַּעַשְׁעוּ
וָשֹׁעוּ שָׁכְרוּ וְלֹא־יַיִן נָעוּ
וְלֹא שֵׁכָר׃
Jes 29.10
כִּי־נָסַך עֲלֵיכֶם יְהוָה רוּחַ
תַּרְדֵּמָה וַיְעַצֵּם אֶת־עֵינֵיכֶם
אֶת־הַנְּבִיאִים וְאֶת־רָאשֵׁיכֶם
הַחֹזִים כִּסָּה׃
Jes 29.11
וַתְּהִי לָכֶם חָזוּת הַכֹּל כְּדִבְרֵי
הַסֵּפֶר הֶחָתוּם אֲשֶׁר־יִתְּנוּ אֹתוֺ
אֶל־יֺודֵעַ 1 הַסֵּפֶר 2 סֵפֶר לֵאמֹר
קְרָא נָא־זֶה וְאָמַר לֹאאוּכַל
כִּי חָתוּם הוּא׃
Jes 29.12
וְנִתַּן הַסֵּפֶר עַל אֲשֶׁר לֹא־יָדַע
סֵפֶר לֵאמֹר קְרָא נָא־זֶה וְאָמַר
לֹא יָדַעְתִּי סֵפֶר׃ ס
Jes 29.13
וַיֺּאמֶר אֲדֹנָי יַעַן כִּי נִגַּשׁ
הָעָם הַזֶּה בְּפִיו וּבִשְׂפָתָיו
כִּבְּדוּנִי וְלִבּוֺ רִחַק מִמֶּנִּי
וַתְּהִי יִרְאָתָם אֹתִי מִצְוַת אֲנָשִׁים
מְלֻמָּדָה׃
Jes 29.14
לָכֵן הִנְנִי יֺוסִף לְהַפְלִיא
אֶת־הָעָמ־הַזֶּה הַפְלֵא וָפֶלֶא
וְאָבְדָה חָכְמַת חֲכָמָיו וּבִינַת
נְבֹנָיו תִּסְתַּתָּר׃ ס
Jes 29.15
הוֺי הַמַּעֲמִיקִים מֵיהוָה לַסְתִּר
עֵצָה וְהָיָה בְמַחְשָׁך מַעֲשֵׂיהֶם
וַיֺּאמְרוּ מִי רֹאֵנוּ וּמִי יֺודְעֵנוּ׃
Jes 29.16
הַפְכְּכֶם אִמ־כְּחֹמֶר הַיֺּצֵר יֵחָשֵׁב
כִּי־יֺאמַר מַעֲשֶׂה לְעֹשֵׂהוּ לֹא
עָשָׂנִי וְיֵצֶר אָמַר לְיֺוצְרוֺ
לֹא הֵבִין׃
Jes 29.17
הֲלוֺא־עוֺד מְעַט מִזְעָר וְשָׁב
לְבָנֺון לַכַּרְמֶל וְהַכַּרְמֶל לַיַּעַר
יֵחָשֵׁב׃
Jes 29.18
וְשָׁמְעוּ בַיֺּומ־הַהוּא הַחֵרְשִׁים
דִּבְרֵי־סֵפֶר וּמֵאֹפֶל וּמֵחֹשֶׁך
עֵינֵי עִוְרִים תִּרְאֶינָה׃
Jes 29.19
וְיָסְפוּ עֲנָוִים בַּיהוָה שִׂמְחָה
וְאֶבְיֺונֵי אָדָם בִּקְדוֺשׁ יִשְׂרָאֵל
יָגִילוּ׃
Jes 29.20
כִּי־אָפֵס עָרִיץ וְכָלָה לֵץ וְנִכְרְתוּ
כָּל־שֹׁקְדֵי אָוֶן׃
Jes 29.21
מַחֲטִיאֵי אָדָם בְּדָבָר וְלַמּוֺכִיחַ
בַּשַּׁעַר יְקֹשׁוּן וַיַּטּוּ בַתֹּהוּ
צַדִּיק׃ ס
Jes 29.22
לָכֵן כֹּה־אָמַר יְהוָה אֶל־בֵּית
יַעֲקֹב אֲשֶׁר פָּדָה אֶת־אַבְרָהָם
לֹא־עַתָּה יֵבוֺשׁ יַעֲקֹב וְלֹא
עַתָּה פָּנָיו יֶחֱוָרוּ׃
Jes 29.23
כִּי בִרְאֹתוֺ יְלָדָיו מַעֲשֵׂה יָדַי
בְּקִרְבּוֺ יַקְדִּישׁוּ שְׁמִי וְהִקְדִּישׁוּ
אֶת־קְדוֺשׁ יַעֲקֹב וְאֶת־אֱלֹהֵי
יִשְׂרָאֵל יַעֲרִיצוּ׃
Jes 29.24
וְיָדְעוּ תֹעֵי־רוּחַ בִּינָה וְרוֺגְנִים
יִלְמְדוּ־לֶקַח׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages