Jes 38

Full text search

Jes 38
Jes 38.1
בַּיָּמִים הָהֵם חָלָה חִזְקִיָּהוּ
לָמוּת וַיָּבוֺא אֵלָיו יְשַׁעְיָהוּ
בֶנ־אָמוֺץ הַנָּבִיא וַיֺּאמֶר
אֵלָיו כֹּה־אָמַר יְהוָה צַו לְבֵיתֶךָ
כִּי מֵת אַתָּה וְלֹא תִחְיֶה׃
Jes 38.2
וַיַּסֵּב חִזְקִיָּהוּ פָּנָיו אֶל־הַקִּיר
וַיִּתְפַּלֵּל אֶל־יְהוָה׃
Jes 38.3
וַיֺּאמַר אָנָּה יְהוָה זְכָר־נָא
אֵת אֲשֶׁר הִתְהַלַּכְתִּי לְפָנֶיךָ
בֶּאֱמֶת וּבְלֵב שָׁלֵם וְהַטּוֺב
בְּעֵינֶיךָ עָשִׂיתִי וַיֵּבְךְּ חִזְקִיָּהוּ
בְּכִי גָדוֺל׃ ס
Jes 38.4
וַיְהִי דְּבַר־יְהוָה אֶל־יְשַׁעְיָהוּ
לֵאמֹר׃
Jes 38.5
הָלוֺך וְאָמַרְתָּ אֶל־חִזְקִיָּהוּ
כֹּה־אָמַר יְהוָה אֱלֹהֵי דָּוִד
אָבִיךָ שָׁמַעְתִּי אֶת־תְּפִלָּתֶךָ רָאִיתִי
אֶת־דִּמְעָתֶךָ הִנְנִי יֺוסִ עַל־יָמֶיךָ
חֲמֵשׁ עֶשְׂרֵה שָׁנָה׃
Jes 38.6
וּמִכַּף מֶלֶכְ־אַשּׁוּר אַצִּילְךָ וְאֵת
הָעִיר הַזֺּאת וְגַנֺּותִי עַל־הָעִיר
הַזֺּאת׃
Jes 38.7
וְזֶה־לְּךָ הָאוֺת מֵאֵת יְהוָה
אֲשֶׁר יַעֲשֶׂה יְהוָה אֶת־הַדָּבָר
הַזֶּה אֲשֶׁר דִּבֵּר׃
Jes 38.8
הִנְנִי מֵשִׁיב אֶת־צֵל הַמַּעֲלוֺת
אֲשֶׁר יָרְדָה בְמַעֲלוֺת אָחָז בַּשֶּׁמֶשׁ
אֲחֹרַנִּית עֶשֶׂר מַעֲלוֺת וַתָּשָׁב
הַשֶּׁמֶשׁ עֶשֶׂר מַעֲלוֺתבַּמַּעֲלוֺת
אֲשֶׁר יָרָדָה׃ ס
Jes 38.9
מִכְתָּב לְחִזְקִיָּהוּ מֶלֶכְ־יְהוּדָה
בַּחֲלֹתוֺ וַיְחִי מֵחָלְיֺו׃
Jes 38.10
אֲנִי אָמַרְתִּי בִּדְמִי יָמַי אֵלֵכָה
בְּשַׁעֲרֵי שְׁאוֺל פֻּקַּדְתִּי יֶתֶר
שְׁנֺותָי׃
Jes 38.11
אָמַרְתִּי לֹא־אֶרְאֶה יָהּ יָהּ בְּאֶרֶץ
הַחַיִּים לֹא־אַבִּיט אָדָם עוֺד
עִמ־יֺושְׁבֵי חָדֶל׃
Jes 38.12
דּוֺרִי נִסַּע וְנִגְלָה מִנִּי כְּאֹהֶל
רֹעִי קִפַּדְתִּי כָאֹרֵג חַיַּי מִדַּלָּה
יְבַצְּעֵנִי מִיֺּום עַד־לַיְלָה
תַּשְׁלִימֵנִי׃
Jes 38.13
שִׁוִּיתִי עַד־בֹּקֶר כָּאֲרִי כֵּן
יְשַׁבֵּר כָּל־עַצְמוֺתָי מִיֺּום עַד־לַיְלָה
תַּשְׁלִימֵנִי׃
Jes 38.14
כְּסוּס עָגוּר כֵּן אֲצַפְצֵף אֶהְגֶּה
כַּיֺּונָה דַּלּוּ עֵינַי לַמָּרוֺם
אֲדֹנָי עָשְׁקָה־לִּי עָרְבֵנִי׃
Jes 38.15
מָה־אֲדַבֵּר וְאָמַר־לִי וְהוּא
עָשָׂה אֶדַּדֶּה כָל־שְׁנֺותַי עַל־מַר
נַפְשִׁי׃
Jes 38.16
אֲדֹנָי עֲלֵיהֶם יִחְיוּ וּלְכָל־בָּהֶן
חַיֵּי רוּחִי וְתַחֲלִימֵנִי וְהַחֲיֵנִי׃
Jes 38.17
הִנֵּה לְשָׁלוֺם מַר־לִי מָר וְאַתָּה
חָשַׁקְתָּ נַפְשִׁי מִשַּׁחַת בְּלִי כִּי
הִשְׁלַכְתָּ אַחֲרֵי גֵוְךָ כָּל־חֲטָאָי׃
Jes 38.18
כִּי לֹא שְׁאוֺל תּוֺדֶךָּ מָוֶת יְהַלְלֶךָּ
לֹא־יְשַׂבְּרוּ יֺורְדֵי־בוֺר אֶל־אֲמִתֶּךָ׃
Jes 38.19
חַי חַי הוּא יֺודֶךָ כָּמוֺנִי
הַיֺּום אָב לְבָנִים יֺודִיעַ
אֶל־אֲמִתֶּךָ׃
Jes 38.20
יְהוָה לְהוֺשִׁיעֵנִי וּנְגִנֺותַי
נְנַגֵּן כָּל־יְמֵי חַיֵּינוּ עַל־בֵּית
יְהוָה׃
Jes 38.21
וַיֺּאמֶר יְשַׁעְיָהוּ יִשְׂאוּ דְּבֶלֶת
תְּאֵנִים וְיִמְרְחוּ עַל־הַשְּׁחִין
וְיֶחִי׃
Jes 38.22
וַיֺּאמֶר חִזְקִיָּהוּ מָה אוֺת כִּי
אֶעֱלֶה בֵּית יְהוָה׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages