Jes 40

Full text search

Jes 40
Jes 40.1
נַחֲמוּ נַחֲמוּ עַמִּי יֺאמַר אֱלֹהֵיכֶם׃
Jes 40.2
דַּבְּרוּ עַל־לֵב יְרוּשָׁלִַם וְקִרְאוּ
אֵלֶיהָ כִּי מָלְאָה צְבָאָהּ כִּי
נִרְצָה עֲוֺנָהּ כִּי לָקְחָה מִיַּד
יְהוָה כִּפְלַיִם בְּכָל־טֹּאתֶיהָ׃
ס
Jes 40.3
קוֺל קוֺרֵא בַּמִּדְבָּר פַּנּוּ דֶּרֶך
יְהוָה יַשְּׁרוּ בָּעֲרָבָה מְסִלָּה
לֵאלֹהֵינוּ׃
Jes 40.4
כָּל־גֶּיא יִנָּשֵׂא וְכָל־הַר וְגִבְעָה
יִשְׁפָּלוּ וְהָיָה הֶעָקֹב לְמִישׁוֺר
וְהָרְכָסִים לְבִקְעָה׃
Jes 40.5
וְנִגְלָה כְּבוֺד יְהוָה וְרָאוּ
כָל־בָּשָׂר יַחְדָּו כִּי פִּי יְהוָה
דִּבֵּר׃ ס
Jes 40.6
קוֺל אֹמֵר קְרָא וְאָמַר מָה
אֶקְרָא כָּל־הַבָּשָׂר חָצִיר וְכָל־חַסְדּוֺ
כְּצִיץ הַשָּׂדֶה׃
Jes 40.7
יָבֵשׁ חָצִיר נָבֵל צִיץ כִּי רוּחַ
יְהוָה נָשְׁבָה בּוֺ אָכֵן חָצִיר
הָעָם׃
Jes 40.8
יָבֵשׁ חָצִיר נָבֵל צִיץ וּדְבַר־אֱלֹהֵינוּ
יָקוּם לְעוֺלָם׃ ס
Jes 40.9
עַל הַר־גָּבֹהַ עֲלִי־לָך מְבַשֶּׂרֶת
צִיֺּון הָרִימִי בַכֹּחַ קוֺלֵך
מְבַשֶּׂרֶת יְרוּשָׁלִָם הָרִימִי אַל־תִּירָאִי
אִמְרִי לְעָרֵי יְהוּדָה הִנֵּה אֱלֹהֵיכֶם׃
Jes 40.10
הִנֵּה אֲדֹנָי יְהוִה בְּחָזָק יָבוֺא
וּזְרֹעוֺ מֹשְׁלָה לוֺ הִנֵּה שְׂכָרוֺ
אִתּוֺ וּפְעֻלָּתוֺ לְפָנָיו׃
Jes 40.11
כְּרֹעֶה עֶדְרוֺ יִרְעֶה בִּזְרֹעוֺ
יְקַבֵּץ טְלָאִים וּבְחֵיקוֺ יִשָּׂא
עָלוֺת יְנַהֵל׃ ס
Jes 40.12
מִי־מָדַד בְּשָׁעֳלוֺ מַיִם וְשָׁמַיִם
בַּזֶּרֶת תִּכֵּן וְכָל בַּשָּׁלִשׁ עֲפַר
הָאָרֶץ וְשָׁקַל בַּפֶּלֶס הָרִים
וּגְבָעוֺת בְּמֹאזְנָיִם׃
Jes 40.13
מִי־תִכֵּן אֶת־רוּחַ יְהוָה וְאִישׁ
עֲצָתוֺ יֺודִיעֶנּוּ׃
Jes 40.14
אֶת־מִי נֺועָץ וַיְבִינֵהוּ וַיְלַמְּדֵהוּ
בְּאֹרַח מִשְׁפָּט וַיְלַמְּדֵהוּ דַעַת
וְדֶרֶך תְּבוּנֺות יֺודִיעֶנּוּ׃
Jes 40.15
הֵן גֺּויִם כְּמַר מִדְּלִי וּכְשַׁחַק
מֹאזְנַיִם נֶחְשָׁבוּ הֵן אִיִּים
כַּדַּק יִטּוֺל׃
Jes 40.16
וּלְבָנֺון אֵין דֵּי בָּעֵר וְחַיָּתוֺ
אֵין דֵּי עוֺלָה׃ ס
Jes 40.17
כָּל־הַגֺּויִם כְּאַיִן נֶגְדּוֺ מֵאֶפֶס
וָתֹהוּ נֶחְשְׁבוּ־לוֺ׃
Jes 40.18
וְאֶל־מִי תְּדַמְּיוּן אֵל וּמַה־דְּמוּת
תַּעַרְכוּ לוֺ׃
Jes 40.19
הַפֶּסֶל נָסַך חָרָשׁ וְצֹרֵף בַּזָּהָב
יְרַקְּעֶנּוּ וּרְתֻקוֺת כֶּסֶף צוֺרֵף׃
Jes 40.20
הַמְסֻכָּן תְּרוּמָה עֵץ לֹא־יִרְקַב
יִבְחָר חָרָשׁ חָכָם יְבַקֶּשׁ־לוֺ
לְהָכִין פֶּסֶל לֹא יִמּוֺט׃
Jes 40.21
הֲלוֺא תֵדְעוּ הֲלוֺא תִשְׁמָעוּ
הֲלוֺא הֻגַּד מֵרֹאשׁ לָכֶם הֲלוֺא
הֲבִינֺתֶם מוֺסְדוֺת הָאָרֶץ׃
Jes 40.22
הַיֺּשֵׁב עַל־חוּג הָאָרֶץ וְיֺשְׁבֶיהָ
כַּחֲגָבִים הַנֺּוטֶה כַדֹּק שָׁמַיִם
וַיִּמְתָּחֵם כָּאֹהֶל לָשָׁבֶת׃
Jes 40.23
הַנֺּותֵן רוֺזְנִים לְאָיִן שֹׁפְטֵי
אֶרֶץ כַּתֹּהוּ עָשָׂה׃
Jes 40.24
אַף בַּל־נִטָּעוּ אַף בַּל־זֺרָעוּ
אַף בַּל־שֹׁרֵשׁ בָּאָרֶץ גִּזְעָם
וְגַמ־נָשַׁף בָּהֶם וַיִּבָשׁוּ וּסְעָרָה
כַּקַּשׁ תִּשָּׂאֵם׃ ס
Jes 40.25
וְאֶל־מִי תְדַמְּיוּנִי וְאֶשְׁוֶה
יֺאמַר קָדוֺשׁ׃
Jes 40.26
שְׂאוּ־מָרוֺם עֵינֵיכֶם וּרְאוּ
מִי־בָרָא אֵלֶּה הַמּוֺצִיא בְמִסְפָּר
צְבָאָם לְכֻלָּם בְּשֵׁם יִקְרָא מֵרֹב
אוֺנִים וְאַמִּיץ כֹּחַ אִישׁ לֹא
נֶעְדָּר׃ ס
Jes 40.27
לָמָּה תֹאמַר יַעֲקֹב וּתְדַבֵּר יִשְׂרָאֵל
נִסְתְּרָה דַרְכִּי מֵיְהוָה וּמֵאֱלֹהַי
מִשְׁפָּטִי יַעֲבוֺר׃
Jes 40.28
הֲלוֺא יָדַעְתָּ אִמ־לֹא שָׁמַעְתָּ
אֱלֹהֵי עוֺלָם יְהוָה בּוֺרֵא קְצוֺת
הָאָרֶץ לֹא יִיעַף וְלֹא יִיגָע
אֵין חֵקֶר לִתְבוּנָתוֺ׃
Jes 40.29
נֺתֵן לַיָּעֵף כֹּחַ וּלְאֵין אוֺנִים
עָצְמָה יַרְבֶּה׃
Jes 40.30
וְיִעֲפוּ נְעָרִים וְיִגָעוּ וּבַחוּרִים
כָּשׁוֺל יִכָּשֵׁלוּ׃
Jes 40.31
וְקוֺיֵ יְהוָה יַחֲלִיפוּ כֹחַ יַעֲלוּ
אֵבֶר כַּנְּשָׁרִים יָרוּצוּ וְלֹא
יִיגָעוּ יֵלְכוּ וְלֹא יִיעָפוּ׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages