Jes 42

Full text search

Jes 42
Jes 42.1
הֵן עַבְדִּי אֶתְמָכְ־בּוֺ בְּחִירִי
רָצְתָה נַפְשִׁי נָתַתִּי רוּחִי
עָלָיו מִשְׁפָּט לַגֺּויִם יֺוצִיא׃
Jes 42.2
לֹא יִצְעַק וְלֹא יִשָּׂא וְלֹא־יַשְׁמִיעַ
בַּחוּץ קוֺלוֺ׃
Jes 42.3
קָנֶה רָצוּץ לֹא יִשְׁבּוֺר וּפִשְׁתָּה
כֵהָה לֹא יְכַבֶּנָּה לֶאֱמֶת יֺוצִיא
מִשְׁפָּט׃
Jes 42.4
לֹא יִכְהֶה וְלֹא יָרוּץ עַד־יָשִׂים
בָּאָרֶץ מִשְׁפָּט וּלְתוֺרָתוֺ אִיִּים
יְיַחֵילוּ׃ ף
Jes 42.5
כֹּה־אָמַר הָאֵל יְהוָה בּוֺרֵא
הַשָּׁמַיִם וְנֺוטֵיהֶם רֹקַע הָאָרֶץ
וְצֶאֱצָאֶיהָ נֺתֵן נְשָׁמָה לָעָם
עָלֶיהָ וְרוּחַ לַהֹלְכִים בָּהּ
Jes 42.6
אֲנִי יְהוָה קְרָאתִיךָ בְצֶדֶק
וְאַחְזֵק בְּיָדֶךָ וְאֶצָּרְךָ וְאֶתֶּנְךָ
לִבְרִית עָם לְאוֺר גֺּויִם׃
Jes 42.7
לִפְקֹחַ עֵינַיִם עִוְרוֺת לְהוֺצִיא
מִמַּסְגֵּר אַסִּיר מִבֵּית כֶּלֶא
יֺשְׁבֵי חֹשֶׁך׃
Jes 42.8
אֲנִי יְהוָה הוּא שְׁמִי וּכְבוֺדִי
לְאַחֵר לֹא־אֶתֵּן וּתְהִלָּתִי לַפְּסִילִים׃
Jes 42.9
הָרִאשֹׁנֺות הִנֵּה־בָאוּ וַחֲדָשׁוֺת
אֲנִי מַגִּיד בְּטֶרֶם תִּצְמַחְנָה
אַשְׁמִיע אֶתְכֶם׃ ף
Jes 42.10
שִׁירוּ לַיהוָה שִׁיר חָדָשׁ תְּהִלָּתוֺ
מִקְצֵה הָאָרֶץ יֺורְדֵי הַיָּם
וּמְלֹאוֺ אִיִּים וְיֺשְׁבֵיהֶם׃
Jes 42.11
יִשְׂאוּ מִדְבָּר וְעָרָיו חֲצֵרִים
תֵּשֵׁב קֵדָר יָרֹנּוּ יֺשְׁבֵי סֶלַע
מֵרֹאשׁ הָרִים יִצְוָחוּ׃
Jes 42.12
יָשִׂימוּ לַיהוָה כָּבוֺד וּתְהִלָּתוֺ
בָּאִיִּים יַגִּידוּ׃
Jes 42.13
יְהוָה כַּגִּבּוֺר יֵצֵא כְּאִישׁ מִלְחָמוֺת
יָעִיר קִנְאָה יָרִיעַ אַפ־יַצְרִיחַ
עַל־אֹיְבָיו יִתְגַּבָּר׃ ס
Jes 42.14
הֶחֱשֵׁיתִי מֵעוֺלָם אַחֲרִישׁ אֶתְאַפָּק
כַּיֺּולֵדָה אֶפְעֶה אֶשֹּׁם וְאֶשְׁאַף
יָחַד׃
Jes 42.15
אַחֲרִיב הָרִים וּגְבָעוֺת וְכָל־עֶשְׂבָּם
אוֺבִישׁ וְשַׂמְתִּי נְהָרוֺת לָאִיִּים
וַאֲגַמִּים אוֺבִישׁ׃
Jes 42.16
וְהוֺלַכְתִּי עִוְרִים בְּדֶרֶך לֹא
יָדָעוּ בִּנְתִיבוֺת לֹא־יָדְעוּ
אַדְרִיכֵם אָשִׂים מַחְשָׁך לִפְנֵיהֶם
לָאוֺר וּמַעֲקַשִּׁים לְמִישׁוֺר
אֵלֶּה הַדְּבָרִים עֲשִׂיתִם וְלֹא
עֲזַבְתִּים׃
Jes 42.17
נָסֹגוּ אָחוֺר יֵבֹשׁוּ בֹשֶׁת הַבֹּטְחִים
בַּפָּסֶל הָאֹמְרִים לְמַסֵּכָה אַתֶּם
אֱלֹהֵינוּ׃ ס
Jes 42.18
הַחֵרְשִׁים שְׁמָעוּ וְהַעִוְרִים הַבִּיטוּ
לִרְאוֺת׃
Jes 42.19
מִי עִוֵּר כִּי אִמ־עַבְדִּי וְחֵרֵשׁ
כְּמַלְאָכִי אֶשְׁלָח מִי עִוֵּר כִּמְשֻׁלָּם
וְעִוֵּר כְּעֶבֶד יְהוָה׃
Jes 42.20
רָאִיתָ 2 רָאוֺת רַבּוֺת וְלֹא תִשְׁמֹר
פָּקוֺחַ אָזְנַיִם וְלֹא יִשְׁמָע׃
Jes 42.21
יְהוָה חָפֵץ לְמַעַן צִדְקוֺ יַגְדִּיל
תּוֺרָה וְיַאְדִּיר׃
Jes 42.22
וְהוּא עַמ־בָּזוּז וְשָׁסוּי הָפֵחַ
בַּחוּרִים כֻּלָּם וּבְבָתֵּי כְלָאִים
הָחְבָּאוּ הָיוּ לָבַז וְאֵין מַצִּיל
מְשִׁסָּה וְאֵינ־אֹמֵר הָשַׁב׃
Jes 42.23
מִי בָכֶם יַאֲזִין זֺאת יַקְשִׁב
וְיִשְׁמַע לְאָחוֺר׃
Jes 42.24
מִי־נָתַן 1 לִמְשׁוֺסֶה 2 לִמְשִׁיסָּה
יַעֲקֹב וְיִשְׂרָאֵל לְבֹזְזִים הֲלוֺא
יְהוָה זוּ חָטָאנוּ לוֺ וְלֹא־אָבוּ
בִדְרָכָיו הָלוֺך וְלֹא שָׁמְע בְּתוֺרָתוֺ׃
Jes 42.25
וַיִּשְׁפֹּך עָלָיו חֵמָה אַפּוֺ וֶעֱזוּז
מִלְחָמָה וַתְּלַהֲטֵהוּ מִסָּבִיב
וְלֹא יָדָע וַתִּבְעַר־בּוֺ וְלֹא־יָשִׂים
עַל־לֵב׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages