Jes 5

Full text search

Jes 5
Jes 5.1
אָשִׁירָה נָּא לִידִידִי שִׁירַת
דּוֺדִי לְכַרְמוֺ כֶּרֶם הָיָה לִידִידִי
בְּקֶרֶן בֶּנ־שָׁמֶן׃
Jes 5.2
וַיְעַזְּקֵהוּ וַיְסַקְּלֵהוּ וַיִּטָּעֵהוּ
שֹׂרֵק וַיִּבֶן מִגְדָּל בְּתוֺכוֺ
וְגַמ־יֶקֶב חָצֵב בּוֺ וַיְקַו
לַעֲשׂוֺת עֲנָבִים וַיַּעַשׂ בְּאֻשִׁים׃
Jes 5.3
וְעַתָּה יֺושֵׁב יְרוּשָׁלִַם וְאִישׁ
יְהוּדָה שִׁפְטוּ־נָא בֵּינִי וּבֵין
כַּרְמִי׃
Jes 5.4
מַה־לַּעֲשׂוֺת עוֺד לְכַרְמִי וְלֹא
עָשִׂיתִי בּוֺ מַדּוּעַ קִוֵּיתִי
לַעֲשׂוֺת עֲנָבִים וַיַּעַשׂ בְּאֻשִׁים׃
Jes 5.5
וְעַתָּה אוֺדִיעָה־נָּא אֶתְכֶם אֵת
אֲשֶׁר־אֲנִי עֹשֶׂה לְכַרְמִי הָסֵר
מְשׂוּכָּתוֺ וְהָיָה לְבָעֵר פָּרֹץ
גְּדֵרוֺ וְהָיָה לְמִרְמָס׃
Jes 5.6
וַאֲשִׁיתֵהוּ בָתָה לֹא יִזָּמֵר וְלֹא
יֵעָדֵר וְעָלָה שָׁמִיר וָשָׁיִת
וְעַל הֶעָבִים אֲצַוֶּה מֵהַמְטִיר
עָלָיו מָטָר׃
Jes 5.7
כִּי כֶרֶם יְהוָה צְבָאוֺת בֵּית
יִשְׂרָאֵל וְאִישׁ יְהוּדָה נְטַע
שַׁעֲשׁוּעָיו וַיְקַו לְמִשְׁפָּט וְהִנֵּה
מִשְׂפָּח לִצְדָקָה וְהִנֵּה צְעָקָה׃ס
Jes 5.8
הוֺי מַגִּיעֵי בַיִת בְּבַיִת שָׂדֶה
בְשָׂדֶה יַקְרִיבוּ עַד אֶפֶס מָקוֺם
וְהוּשַׁבְתֶּם לְבַדְּכֶם בְּקֶרֶב הָאָרֶץ׃
Jes 5.9
בְּאָזְנָי יְהוָה צְבָאוֺת אִמ־לֹא
בָּתִּים רַבִּים לְשַׁמָּה יִהְיוּ גְּדֹלִים
וְטוֺבִים מֵאֵין יֺושֵׁב׃
Jes 5.10
כִּי עֲשֶׂרֶת צִמְדֵּי־כֶרֶם יַעֲשׂוּ
בַּת אֶחָת וְזֶרַע חֹמֶר יַעֲשֶׂה
אֵיפָה׃ ף
Jes 5.11
הוֺי מַשְׁכִּימֵי בַבֹּקֶר שֵׁכָר יִרְדֹּפוּ
מְאַחֲרֵי בַנֶּשֶׁף יַיִן יַדְלִיקֵם׃
Jes 5.12
וְהָיָה כִנֺּור וָנֶבֶל תֹּף וְחָלִיל
וָיַיִן מִשְׁתֵּיהֶם וְאֵת פֹּעַל
יְהוָה לֹא יַבִּיטוּ וּמַעֲשֵׂה יָדָיו
לֹא רָאוּ׃
Jes 5.13
לָכֵן גָּלָה עַמִּי מִבְּלִי־דָעַת
וּכְבוֺדוֺ מְתֵי רָעָב וַהֲמוֺנֺו
צִחֵה צָמָא׃
Jes 5.14
לָכֵן הִרְחִיבָה שְּׁאוֺל נַפְשָׁהּ
וּפָעֲרָה פִיהָ לִבְלִי־חֹק וְיָרַד
הֲדָרָהּ וַהֲמוֺנָהּ וּשְׁאוֺנָהּ וְעָלֵז
בָּהּ׃
Jes 5.15
וַיִּשַּׁח אָדָם וַיִּשְׁפַּל־אִישׁ וְעֵינֵי
גְבֹהִים תִּשְׁפַּלְנָה׃
Jes 5.16
וַיִּגְבַּה יְהוָה צְבָאוֺת בַּמִּשְׁפָּט
וְהָאֵל הַקָּדוֺשׁ נִקְדָּשׁ בִּצְדָקָה׃
Jes 5.17
וְרָעוּ כְבָשִׂים כְּדָבְרָם וְחָרְבוֺת
מֵחִים גָּרִים יֺאכֵלוּ׃
Jes 5.18
הוֺי מֹשְׁכֵי הֶעָוֺן בְּחַבְלֵי הַשָּׁוְא
וְכַעֲבוֺת הָעֲגָלָה חַטָּאָה׃
Jes 5.19
הָאֹמְרִים יְמַהֵר יָחִישָׁה מַעֲשֵׂהוּ
לְמַעַן נִרְאֶה וְתִקְרַב וְתָבוֺאָה
עֲצַת קְדוֺשׁ יִשְׂרָאֵל וְנֵדָעָה׃
ס
Jes 5.20
הוֺי הָאֹמְרִים לָרַע טוֺב וְלַטּוֺב
רָע שָׂמִים חֹשֶׁך לְאוֺר וְאוֺר
לְחֹשֶׁך שָׂמִים מַר לְמָתוֺק וּמָתוֺק
לְמָר׃ ס
Jes 5.21
הוֺי חֲכָמִים בְּעֵינֵיהֶם וְנֶגֶד
פְּנֵיהֶם נְבֹנִים׃
Jes 5.22
הוֺי גִּבּוֺרִים לִשְׁתּוֺת יָיִן
וְאַנְשֵׁי־חַיִל לִמְסֹך שֵׁכָר׃
Jes 5.23
מַצְדִּיקֵי רָשָׁע עֵקֶב שֹׁחַד וְצִדְקַת
צַדִּיקִים יָסִירוּ מִמֶּנּוּ׃ ס
Jes 5.24
לָכֵן כֶּאֱכֹל קַשׁ לְשׁוֺן אֵשׁ וַחֲשַׁשׁ
לֶהָבָה יִרְפֶּה שָׁרְשָׁם כַּמָּק יִהְיֶה
וּפִרְחָם כָּאָבָק יַעֲלֶה כִּי מָאֲסוּ
אֵת תּוֺרַת יְוָה צְבָאוֺת וְאֵת
אִמְרַת קְדוֺשׁ־יִשְׂרָאֵל נִאֵצוּ׃
Jes 5.25
עַל־כֵּן חָרָה אַפ־יְהוָה בְּעַמּוֺ
וַיֵּט יָדוֺ עָלָיו וַיַּכֵּהוּ וַיִּרְגְּזוּ
הֶהָרִים וַתְּהִי נִבְלָתָם כַּסּוּחָה
בְּקֶרֶב חוּצוֺת בְּכָ־זֺאת לֹא־שָׁב
אַפּוֺ וְעוֺד יָדוֺ נְטוּיָה׃
Jes 5.26
וְנָשָׂא־נֵס לַגֺּויִם מֵרָחוֺק וְשָׁרַק
לוֺ מִקְצֵה הָאָרֶץ וְהִנֵּה מְהֵרָה
קַל יָבוֺא׃
Jes 5.27
אֵינ־עָיֵף וְאֵינ־כּוֺשֵׁל בּוֺ
לֹא יָנוּם וְלֹא יִישָׁן וְלֹא
נִפְתַּח אֵזֺור חֲלָצָיו וְלֹא נִתַּק
שְׂרוֺך נְעָלָיו׃
Jes 5.28
אֲשֶׁר חִצָּיו שְׁנוּנִים וְכָל־קַשְּׁתֹתָיו
דְּרֻכוֺת פַּרְסוֺת סוּסָיו כַּצַּר
נֶחְשָׁבוּ וְגַלְגִּלָּיו כַּסּוּפָה׃
Jes 5.29
שְׁאָגָה לוֺ כַּלָּבִיא 1 וְשָׁאַג 2 יִשְׁאַג
כַּכְּפִירִים וְיִנְהֹם וְיֺאחֵז
טֶרֶף וְיַפְלִיט וְאֵין מַצִּיל׃
Jes 5.30
וְיִנְהֹם עָלָיו בַּיֺּום הַהוּא
כְּנַהֲמַת־יָם וְנִבַּט לָאָרֶץ וְהִנֵּה־חֹשֶׁך
צַר וָאוֺר חָשַׁך בַּעֲרִיפֶיהָ׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages