Jes 51

Full text search

Jes 51
Jes 51.1
שִׁמְעוּ אֵלַי רֹדְפֵי צֶדֶק מְבַקְשֵׁי
יְהוָה הַבִּיטוּ אֶל־צוּר חֻצַּבְתֶּם
וְאֶל־מַקֶּבֶת בּוֺר נֻקַּרְתֶּם׃
Jes 51.2
הַבִּיטוּ אֶל־אַבְרָהָם אֲבִיכֶם
וְאֶל־שָׂרָה תְּחוֺלֶלְכֶם כִּי־אֶחָד
קְרָאתִיו וַאֲבָרְכֵהוּ וְאַרְבֵּהוּ׃
ס
Jes 51.3
כִּי־נִחַם יְהוָה צִיֺּון נִחַם
כָּל־חָרְבֹתֶיהָ וַיָּשֶׂם מִדְבָּרָהּ
כְּעֵדֶן וְעַרְבָתָהּ כְּגַנ־יְהוָה
שָׂשׂוֺן וְשִׂמְחָה יִמָּצֵא בָהּ תּוֺדָה
וְקוֺל זִמְרָה׃ ס
Jes 51.4
הַקְשִׁיבוּ אֵלַי עַמִּי וּלְאוּמִּי
אֵלַי הַאֲזִינוּ כִּי תוֺרָה מֵאִתִּי
תֵצֵא וּמִשְׁפָּטִי לְאוֺר עַמִּים
אַרְגִּיעַ׃
Jes 51.5
קָרוֺב צִדְקִי יָצָא יִשְׁעִי וּזְרֹעַי
עַמִּים יִשְׁפֹּטוּ אֵלַי אִיִּים
יְקַוּוּ וְאֶל־זְרֹעִי יְיַחֵלוּן׃
Jes 51.6
שְׂאוּ לַשָּׁמַיִם עֵינֵיכֶם וְהַבִּיטוּ
אֶל־הָאָרֶץ מִתַּחַת כִּי־שָׁמַיִם
כֶּעָשָׁן נִמְלָחוּ וְהָאָרֶץ כַּבֶּגֶד
תִּבְלֶה וְיֺשְׁבֶיהָ כְּמוֺ־כֵן יְמוּתוּן
וִישׁוּעָתִי לְעוֺלָם תִּהְיֶה וְצִדְקָתִי
לֹא תֵחָת׃ ס
Jes 51.7
שִׁמְעוּ אֵלַי יֺדְעֵי צֶדֶק עַם
תּוֺרָתִי בְלִבָּם אַל־תִּירְאוּ
חֶרְפַּת אֱנֺושׁ וּמִגִּדֻּפֹתָם אַל־תֵּחָתּוּ׃
Jes 51.8
כִּי כַבֶּגֶד יֺאכְלֵם עָשׁ וְכַצֶּמֶר
יֺאכְלֵם סָס וְצִדְקָתִי לְעוֺלָם
תִּהְיֶה וִישׁוּעָתִי לְדוֺר דּוֺרִים׃
ס
Jes 51.9
עוּרִי עוּרִי לִבְשִׁי־עֹז זְרוֺעַ
יְהוָה עוּרִי כִּימֵי קֶדֶם דֹּרוֺת
עוֺלָמִים הֲלוֺא אַתְּ־הִיא הַמַּחְצֶבֶת
רַהַב מְחוֺלֶלֶת תַּנִּין׃
Jes 51.10
הֲלוֺא אַתְּ־הִיא הַמַּחֲרֶבֶת יָם
מֵי תְּהוֺם רַבָּה הַשָּׂמָה מַעֲמַקֵּי־יָם
דֶּרֶך לַעֲבֹר גְּאוּלִים׃
Jes 51.11
וּפְדוּיֵי יְהוָה יְשׁוּבוּן וּבָאוּ
צִיֺּון בְּרִנָּה וְשִׂמְחַת עוֺלָם
עַל־רֹאשָׁם שָׂשׂוֺן וְשִׂמְחָה יַשִּׂיגוּן
נָסוּ יָגֺון וַאֲנָחָה׃ ס
Jes 51.12
אָנֺכִי אָנֺכִי הוּא מְנַחֶמְכֶם
מִי־אַתְּ וַתִּירְאִי מֵאֱנֺושׁ יָמוּת
וּמִבֶּנ־אָדָם חָצִיר יִנָּתֵן׃
Jes 51.13
וַתִּשְׁכַּח יְהוָה עֹשֶׂךָ נֺוטֶה שָׁמַיִם
וְיֺסֵד אָרֶץ וַתְּפַחֵד תָּמִיד כָּל־הַיֺּום
מִפְּנֵי חֲמַת הַמֵּצִיק כַּאֲשֶׁר כּוֺנֵן
לְהַשְׁחִית וְיֵּה חֲמַת הַמֵּצִיק׃
Jes 51.14
מִהַר צֹעֶה לְהִפָּתֵחַ וְלֹא־יָמוּת
לַשַּׁחַת וְלֹא יֶחְסַר לַחְמוֺ׃
Jes 51.15
וְאָנֺכִי יְהוָה אֱלֹהֶיךָ רֹגַע
הַיָּם וַיֶּהֱמוּ גַּלָּיו יְהוָה
צְבָאוֺת שְׁמוֺ׃
Jes 51.16
וָאָשִׂים דְּבָרַי בְּפִיךָ וּבְצֵל
יָדִי כִּסִּיתִיךָ לִנְטֹעַ שָׁמַיִם
וְלִיסֹד אָרֶץ וְלֵאמֹר לְצִיֺּון
עַמִּי־אָתָּה׃ ס
Jes 51.17
הִתְעוֺרְרִי הִתְעוֺרְרִי קוּמִי
יְרוּשָׁלִַם אֲשֶׁר שָׁתִית מִיַּד
יְהוָה אֶת־כּוֺס חֲמָתוֺ אֶת־קֻבַּעַת
כּוֺס הַתַּרְעֵלָה שָׁתִית מָצִית׃
Jes 51.18
אֵינ־מְנַהֵל לָהּ מִכָּל־בָּנִים
יָלָדָה וְאֵין מַחֲזִיק בְּיָדָהּ
מִכָּל־בָּנִים גִּדֵּלָה׃
Jes 51.19
שְׁתַּיִם הֵנָּה קֹרְאֹתַיִך מִי יָנוּד
לָך הַשֹּׁד וְהַשֶּׁבֶר וְהָרָעָב וְהַחֶרֶב
מִי אֲנַחֲמֵך׃
Jes 51.20
בָּנַיִך עֻלְּפוּ שָׁכְבוּ בְּרֹאשׁ כָּל־חוּצוֺת
כְּתוֺא מִכְמָר הַמְלֵאִים חֲמַת־יְהוָה
גַּעֲרַת אֱלֹהָיִך׃
Jes 51.21
לָכֵן שִׁמְעִי־נָא זֺאת עֲנִיָּה
וּשְׁכֻרַת וְלֹא מִיָּיִן׃ ס
Jes 51.22
כֹּה־אָמַר אֲדֹנַיִך יְהוָה וֵאלֹהַיִך
יָרִיב עַמּוֺ הִנֵּה לָקַחְתִּי מִיָּדֵך
אֶת־כּוֺס הַתַּרְעֵלָה אֶת־קֻבַּעַת
כּוֺס חֲמָתִי לֹא־תוֺסִיפִי לִשְׁתּוֺתָהּ
עוֺד׃
Jes 51.23
וְשַׂמְתִּיהָ בְּיַד־מוֺגַיִך אֲשֶׁר־אָמְרוּ
לְנַפְשֵׁך שְׁחִי וְנַעֲבֹרָה וַתָּשִׂימִי
כָאָרֶץ גֵּוֵך וְכַחוּץ לַעֹבְרִים׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages