Jes 7

Full text search

Jes 7
Jes 7.1
וַיְהִי בִּימֵי אָחָז בֶּנ־יֺותָם
בֶּנ־עֻזִּיָּהוּ מֶלֶך יְהוּדָה עָלָה
רְצִין מֶלֶכְ־אֲרָם וּפֶקַח בֶּנ־רְמַלְיָהוּ
מֶלֶכְ־יִשְׂרָאֵל יְרוּשָׁלִַם לַמִּלְחָמָה
עָלֶיהָ וְלֹא יָכֹל לְהִלָּחֵם עָלֶיהָ׃
Jes 7.2
וַיֻּגַּד לְבֵית דָּוִד לֵאמֹר נָחָה
אֲרָם עַל־אֶפְרָיִם וַיָּנַע לְבָבוֺ
וּלְבַב עַמּוֺ כְּנֺועַ עֲצֵי־יַעַר
מִפְּנֵי־רוּחַ׃
Jes 7.3
וַיֺּאמֶר יְהוָה אֶל־יְשַׁעְיָהוּ
צֵא־נָא לִקְרַאת אָחָז אַתָּה וּשְׁאָר
יָשׁוּב בְּנֶךָ אֶל־קְצֵה תְּעָלַת
הַבְּרֵכָה הָעֶלְיֺונָה אֶל־מְסִלַּת
שְׂדֵה כוֺבֵס׃
Jes 7.4
וְאָמַרְתָּ אֵלָיו הִשָּׁמֵר וְהַשְׁקֵט
אַל־תִּירָא וּלְבָבְךָ אַל־יֵרַך
מִשְּׁנֵי זַנְבוֺת הָאוּדִים הָעֲשֵׁנִים
הָאֵלֶּה בָּחֳרִי־אַף רְצִין וַאֲרָם
וּבֶנ־רְמַלְיָהוּ׃
Jes 7.5
יַעַן כִּי־יָעַץ עָלֶיךָ אֲרָם
רָעָה אֶפְרַיִם וּבֶנ־רְמַלְיָהוּ
לֵאמֹר׃
Jes 7.6
נַעֲלֶה בִיהוּדָה וּנְקִיצֶנָּה
וְנַבְקִעֶנָּה אֵלֵינוּ וְנַמְלִיך
מֶלֶך בְּתוֺכָהּ אֵת בֶּנ־טָבְאַל׃
ס
Jes 7.7
כֹּה אָמַר אֲדֹנָי יְהוִה לֹא תָקוּם
וְלֹא תִהְיֶה׃
Jes 7.8
כִּי רֹאשׁ אֲרָם דַּמֶּשֶׂק וְרֹאשׁ
דַּמֶּשֶׂק רְצִין וּבְעוֺד שִׁשִּׁים
וְחָמֵשׁ שָׁנָה יֵחַת אֶפְרַיִם מֵעָם׃
Jes 7.9
וְרֹאשׁ אֶפְרַיִם שֹׁמְרוֺן וְרֹאשׁ
שֹׁמְרוֺן בֶּנ־רְמַלְיָהוּ אִם לֹא
תַאֲמִינוּ כִּי לֹא תֵאָמֵנוּ׃ ס
Jes 7.10
וַיֺּוסֶף יְהוָה דַּבֵּר אֶל־אָחָז
לֵאמֹר׃
Jes 7.11
שְׁאַל־לְךָ אוֺת מֵעִם יְהוָה
אֱלֹהֶיךָ הַעְמֵק שְׁאָלָה אוֺ הַגְבֵּהַּ
לְמָעְלָה׃
Jes 7.12
וַיֺּאמֶר אָחָז לֹא־אֶשְׁאַל וְלֹא־אֲנַסֶּה
אֶת־יְהוָה׃
Jes 7.13
וַיֺּאמֶר שִׁמְעוּ־נָא בֵּית דָּוִד
הַמְעַט מִכֶּם הַלְאוֺת אֲנָשִׁים
כִּי תַלְאוּ גַּם אֶת־אֱלֹהָי׃
Jes 7.14
לָכֵן יִתֵּן אֲדֹנָי הוּא לָכֶם
אוֺת הִנֵּה הָעַלְמָה הָרָה וְיֺלֶדֶת
בֵּן וְקָרָאת שְׁמוֺ עִמָּנוּ אֵל׃
Jes 7.15
חֶמְאָה וּדְבַשׁ יֺאכֵל לְדַעְתּוֺ
מָאוֺס בָּרָע וּבָחוֺר בַּטּוֺב׃
Jes 7.16
כִּי בְּטֶרֶם יֵדַע הַנַּעַר מָאֹס
בָּרָע וּבָחֹר בַּטּוֺב תֵּעָזֵב הָאֲדָמָה
אֲשֶׁר אַתָּה קָץ מִפְּנֵי שְׁנֵי
מְלָכֶיהָ׃
Jes 7.17
יָבִיא יְהוָה עָלֶיךָ וְעַל־עַמְּךָ
וְעַל־בֵּית אָבִיךָ יָמִים אֲשֶׁר
לֹא־בָאוּ לְמִיֺּום סוּר־אֶפְרַיִם
מֵעַל יְהוּדָה אֵת מֶלֶך אַשּׁוּר׃
ף
Jes 7.18
וְהָיָה בַּיֺּום הַהוּא יִשְׁרֹק
יְהוָה לַזְּבוּב אֲשֶׁר בִּקְצֵה יְאֹרֵי
מִצְרָיִם וְלַדְּבוֺרָה אֲשֶׁר בְּאֶרֶץ
אַשּׁוּר׃
Jes 7.19
וּבָאוּ וְנָחוּ כֻלָּם בְּנַחֲלֵי הַבַּתּוֺת
וּבִנְקִיקֵי הַסְּלָעִים וּבְכֹל
הַנַּעֲצוּצִים וּבְכֹל הַנַּהֲלֹלִים׃
Jes 7.20
בַּיֺּום הַהוּא יְגַלַּח אֲדֹנָי בְּתַעַר
הַשְּׂכִירָה בְּעֶבְרֵי נָהָר בְּמֶלֶך
אַשּׁוּר אֶת־הָרֹאשׁ וְשַׂעַר הָרַגְלָיִם
וְגַם אֶת־הַזָּקָן תִּסְפֶּה׃ ס
Jes 7.21
וְהָיָה בַּיֺּום הַהוּא יְחַיֶּה־אִישׁ
עֶגְלַת בָּקָר וּשְׁתֵּי־צֹאן׃
Jes 7.22
וְהָיָה מֵרֹב עֲשׂוֺת חָלָב יֺאכַל
חֶמְאָה כִּי־חֶמְאָה וּדְבַשׁ יֺאכֵל
כָּל־הַנֺּותָר בְּקֶרֶב הָאָרֶץ׃
Jes 7.23
וְהָיָה בַּיֺּום הַהוּא יִהְיֶה
כָל־מָקוֺם אֲשֶׁר יִהְיֶה־שָּׁם אֶלֶף
גֶּפֶן בְּאֶלֶף כָּסֶף לַשָּׁמִיר וְלַשַּׁיִת
יִהְיֶה׃
Jes 7.24
בַּחִצִּים וּבַקֶּשֶׁת יָבוֺא שָׁמָּה
כִּי־שָׁמִיר וָשַׁיִת תִּהְיֶה כָל־הָאָרֶץ׃
Jes 7.25
וְכֹל הֶהָרִים אֲשֶׁר בַּמַּעְדֵּר יֵעָדֵרוּן
לֹא־תָבוֺא שָׁמָּה יִרְאַת שָׁמִיר
וָשָׁיִת וְהָיָה לְמִשְׁלַח שׁוֺר
וּלְמִרְמַס שֶׂה׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages