Ez 46

Full text search

Ez 46
Ez 46.1
כֹּה־אָמַר אֲדֹנָי יְהוִה שַׁעַר
הֶחָצֵר הַפְּנִימִית הַפֹּנֶה קָדִים
יִהְיֶה סָגוּר שֵׁשֶׁת יְמֵי הַמַּעֲשֶׂה
וּבְיֺום הַשַּׁבָּת יִפָּתֵחַ וּבְיֺום
הַחֹדֶשׁ יִפָּתֵחַ׃
Ez 46.2
וּבָא הַנָּשִׂיא דֶּרֶך אוּלָם הַשַּׁעַר
מִחוּץ וְעָמַד עַל־מְזוּזַת הַשַּׁעַר
וְעָשׂוּ הַכֹּהֲנִים אֶת־עוֺלָתוֺ
וְאֶת־שְׁלָמָיו וְהִשְׁתַּחֲוָה עַל־מִפְתַּן
הַשַּׁעַר וְיָצָא וְהַשַּׁעַר לֹא־יִסָּגֵר
עַד־הָעָרֶב׃
Ez 46.3
וְהִשְׁתַּחֲווּ עַמ־הָאָרֶץ פֶּתַח הַשַּׁעַר
הַהוּא בַּשַּׁבָּתוֺת וּבֶחֳדָשִׁים לִפְנֵי
יְהוָה׃
Ez 46.4
וְהָעֹלָה אֲשֶׁר־יַקְרִב הַנָּשִׂיא
לַיהוָה בְּיֺום הַשַּׁבָּת שִׁשָּׁה כְבָשִׂים
תְּמִימִם וְאַיִל תָּמִים׃
Ez 46.5
וּמִנְחָה אֵיפָה לָאַיִל וְלַכְּבָשִׂים
מִנְחָה מַתַּת יָדוֺ וְשֶׁמֶן הִין
לָאֵיפָה׃
Ez 46.6
וּבְיֺום הַחֹדֶשׁ פַּר בֶּנ־בָּקָר
תְּמִימִם וְשֵׁשֶׁת כְּבָשִׂם וָאַיִל
תְּמִימִם יִהְיוּ׃
Ez 46.7
וְאֵיפָה לַפָּר וְאֵיפָה לָאַיִל
יַעֲשֶׂה מִנְחָה וְלַכְּבָשִׂים כַּאֲשֶׁר
תַּשִּׂיג יָדוֺ וְשֶׁמֶן הִין לָאֵיפָה׃
Ez 46.8
וּבְבוֺא הַנָּשִׂיא דֶּרֶך אוּלָם
הַשַּׁעַר יָבוֺא וּבְדַרְכּוֺ יֵצֵא׃
Ez 46.9
וּבְבוֺא עַמ־הָאָרֶץ לִפְנֵי יְהוָה
בַּמּוֺעֲדִים הַבָּא דֶּרֶכְ־שַׁעַר צָפוֺן
לְהִשְׁתַּחֲוֺת יֵצֵא דֶּרֶכְ־שַׁעַר נֶגֶב
וְהַבָּא דֶּרֶכְ־שַׁעַר נֶגֶב יֵצֵא
דֶּרֶכְ־שַׁעַר צָפוֺנָה לֹא יָשׁוּב
דֶּרֶך הַשַּׁעַר אֲשֶׁר־בָּא בוֺ כִּי
נִכְחוֺ 1 יֵצְאוּ 2 יֵצֵא׃
Ez 46.10
וְהַנָּשִׂיא בְּתוֺכָם בְּבוֺאָם יָבוֺא
וּבְצֵאתָם יֵצֵאוּ׃
Ez 46.11
וּבַחַגִּים וּבַמּוֺעֲדִים תִּהְיֶה
הַמִּנְחָה אֵיפָה לַפָּר וְאֵיפָה
לָאַיִל וְלַכְּבָשִׂים מַתַּת יָדוֺ
וְשֶׁמֶן הִין לָאֵיפָה׃ ס
Ez 46.12
וְכִי־יַעֲשֶׂה הַנָּשִׂיא נְדָבָה עוֺלָה
אוֺ־שְׁלָמִים נְדָבָה לַיהוָה
וּפָתַח לוֺ אֶת הַשַּׁעַר הַפֹּנֶה
קָדִים וְעָשָׂה אֶת־עֹלָתוֺ וְאֶת־שְׁלָמָיו
כַּאֲשֶׁר יַעֲשֶׂה בְּיֺום הַשַּׁבָּת וְיָצָא
וְסָגַר אֶת־הַשַּׁעַר אַחֲרֵי צֵאתוֺ׃
Ez 46.13
וְכֶבֶשׂ בֶּנ־שְׁנָתוֺ תָּמִים תַּעֲשֶׂה
עוֺלָה לַיֺּום לַיהֹוָה בַּבֹּקֶר
בַּבֹּקֶר תַּעֲשֶׂה אֹתוֺ׃
Ez 46.14
וּמִנְחָה תַעֲשֶׂה עָלָיו בַּבֹּקֶר
בַּבֹּקֶר שִׁשִּׁית הָאֵיפָה וְשֶׁמֶן
שְׁלִישִׁית הַהִין לָרֹס אֶת־הַסֹּלֶת
מִנְחָה לַיהוָה חֻקּוֺת עוֺלָם
תָּמִיד׃
Ez 46.15
וַעָשׂוּ 2 יַעֲשׂוּ אֶת־הַכֶּבֶשׂ וְאֶת־הַמִּנְחָה
וְאֶת־הַשֶּׁמֶן בַּבֹּקֶר בַּבֹּקֶר עוֺלַת
תָּמִיד׃ ף
Ez 46.16
כֹּה־אָמַר אֲדֹנָי יְהֹוִה כִּי־יִתֵּן
הַנָּשִׂיא מַתָּנָה לְאִישׁ מִבָּנָיו
נַחֲלָתוֺ הִיא לְבָנָיו תִּהְיֶה
אֲחֻזָּתָם הִיא בְּנַחֲלָה׃
Ez 46.17
וְכִי־יִתֵּן מַתָּנָה מִנַּחֲלָתוֺ
לְאַחַד מֵעֲבָדָיו וְהָיְתָה לּוֺ
עַד־שְׁנַת הַדְּרוֺר וְשָׁבַת לַנָּשִׂיא
אַך נַחֲלָתוֺ בָּנָיו לָהֶם תִּיֶה׃
Ez 46.18
וְלֹא־יִקַּח הַנָּשִׂיא מִנַּחֲלַת הָעָם
לְהוֺנֺתָם מֵאֲחֻזָּתָם מֵאֲחֻזָּתוֺ
יַנְחִל אֶת־בָּנָיו לְמַעַן אֲשֶׁר
לֹא־יָפֻצוּ עַמִּי אִישׁ מֵחֻזָּתוֺ׃
Ez 46.19
וַיְבִיאֵנִי בַמָּבוֺא אֲשֶׁר עַל־כֶּתֶף
הַשַּׁעַר אֶל־הַלִּשְׁכוֺת הַקֹּדֶשׁ
אֶל־הַכֹּהֲנִים הַפֹּנֺות צָפוֺנָה
וְהִנֵּה־שָׁם מָקוֺם 1 בַּיַּרְכֹתִם 2 יַּרְכָתַיִם
יָמָּה׃ ס
Ez 46.20
וַיֺּאמֶר אֵלַי זֶה הַמָּקוֺם אֲשֶׁר
יְבַשְּׁלוּ־שָׁם הַכֹּהֲנִים אֶת־הָאָשָׁם
וְאֶת־הַחַטָּאת אֲשֶׁר יֺאפוּ אֶת־הַמִּנְחָה
לְבִלְתִּי הוֺצִיא אֶל־הֶצֵר הַחִיצוֺנָה
לְקַדֵּשׁ אֶת־הָעָם׃
Ez 46.21
וַיֺּוצִיאֵנִי אֶל־הֶחָצֵר הַחִיצֹנָה
וַיַּעֲבִירֵנִי אֶל־אַרְבַּעַת מִקְצוֺעֵי
הֶחָצֵר וְהִנֵּה חָצֵר בְּמִקְצֹעַ הֶחָצֵר
חָצֵר בְּמִקְצֹעַ הֶצֵר׃
Ez 46.22
בְּאַרְבַּעַת מִקְצֹעוֺת הֶחָצֵר חֲצֵרוֺת
קְטֻרוֺת אַרְבָּעִים אֹרֶך וּשְׁלֹשִׁים
רֹחַב מִדָּה אַחַת לְאַרְבַּעְתָּם מְהֻקְצָעוֺת׃
Ez 46.23
וְטוּר סָבִיב בָּהֶם סָבִיב לְאַרְבַּעְתָּם
וּמְבַשְּׁלוֺת עָשׂוּי מִתַּחַת הַטִּירוֺת
סָבִיב׃
Ez 46.24
וַיֺּאמֶר אֵלָי אֵלֶּה בֵּית הַמְבַשְּׁלִים
אֲשֶׁר יְבַשְּׁלוּ־שָׁם מְשָׁרְתֵי הַבַּיִת
אֶת־זֶבַח הָעָם׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages