Dan 11

Full text search

Dan 11
Dan 11.1
וַאֲנִי בִּשְׁנַת אַחַת לְדָרְיָוֶשׁ
הַמָּדִי עָמְדִי לְמַחֲזִיק וּלְמָעוֺז
לוֺ׃
Dan 11.2
וְעַתָּה אֱמֶת אַגִּיד לָך הִנֵּה־עוֺד
שְׁלֹשָׁה מְלָכִים עֹמְדִים לְפָרַס
וְהָרְבִיעִי יַעֲשִׁיר עֹשֶׁר־גָּדוֺל
מִכֹּל וּכְחֶזְקָתוֺ בְעָשְׁרוֺיָעִיר
הַכֹּל אֵת מַלְכוּת יָוָן׃
Dan 11.3
וְעָמַד מֶלֶך גִּבּוֺר וּמָשַׁל מִמְשָׁל
רַב וְעָשָׂה כִּרְצוֺנֺו׃
Dan 11.4
וּכְעָמְדוֺ תִּשָּׁבֵר מַלְכוּתוֺ וְתֵחָץ
לְאַרְבַּע רוּחוֺת הַשָּׁמָיִם וְלֹא
לְאַחֲרִיתוֺ וְלֹא כְמָשְׁלוֺ אֲשֶׁר
מָשָׁל כִּי תִנָּתֵשׁ מַלְכוּתוֺ וְלַאֲחֵרִים
מִלְּבַד־אֵלֶּה׃
Dan 11.5
וְיֶחֱזַק מֶלֶכְ־הַנֶּגֶב וּמִנ־שָׂרָיו
וְיֶחֱזַק עָלָיו וּמָשָׁל מִמְשָׁל
רַב מֶמְשַׁלְתּוֺ׃
Dan 11.6
וּלְקֵץ שָׁנִים יִתְחַבָּרוּ וּבַת
מֶלֶכְ־הַנֶּגֶב תָּבוֺא אֶל־מֶלֶך
הַצָּפוֺן לַעֲשׂוֺת מֵישָׁרִים וְלֹא־תַעְצֹר
כּוֺחַ הַזְּרוֺעַ וְלֹא יַעֲםֹ וּזְרֹעוֺ
וְתִנָּתֵן הִיא וּמְבִיאֶיהָ וְהַיֺּלְדָהּ
וּמַחֲזִקָהּ בָּעִתִּים׃
Dan 11.7
וְעָמַד מִנֵּצֶר שָׁרָשֶׁיהָ כַּנֺּו
וְיָבֹא אֶל־הַחַיִל וְיָבֹא בְּמָעוֺז
מֶלֶך הַצָּפוֺן וְעָשָׂה בָהֶם וְהֶחֱזִיק׃
Dan 11.8
וְגַם אֱלֹהֵיהֶם עִמ־נְסִכֵיהֶם
עִמ־כְּלֵי חֶמְדָּתָם כֶּסֶף וְזָהָב
בַּשְּׁבִי יָבִא מִצְרָיִם וְהוּא שָׁנִים
יַעֲמֹד מִמֶּלֶך חַצָּפוֺן׃
Dan 11.9
וּבָא בְּמַלְכוּת מֶלֶך הַנֶּגֶב
וְשָׁב אֶל־אַדְמָתוֺ׃
Dan 11.10
וּבְנֺו 2 וּבָנָיו יִתְגָּרוּ וְאָסְפוּ
הֲמוֺן חֲיָלִים רַבִּים וּבָא
בוֺא וְשָׁטַף וְעָבָר וְיָשֹׁב 1 וְיִתְגָּרוּ 2 וְיִתְגָּרֶה
עַד־מָעֻזָּה 2 מָעֻזֺּו׃
Dan 11.11
וְיִתְמַרְמַר מֶלֶך הַנֶּגֶב וְיָצָא
וְנִלְחַם עִמּוֺ עִמ־מֶלֶך הַצָּפוֺן
וְהֶעֱמִיד הָמוֺן רָב וְנִתַּן
הֶהָמוֺן בְּיָדוֺ׃
Dan 11.12
וְנִשָּׂא הֶהָמוֺן 1 יָרוּם 2 וְרָם לְבָבוֺ
וְהִפִּיל רִבֹּאוֺת וְלֹא יָעוֺז׃
Dan 11.13
וְשָׁב מֶלֶך הַצָּפוֺן וְהֶעֱמִיד
הָמוֺן רַב מִנ־הָרִאשׁוֺן וּלְקֵץ
הָעִתִּים שָׁנִים יָבוֺא בוֺא בְּחַיִל
גָּדוֺל וּבִרְכוּשׁ רָב׃
Dan 11.14
וּבָעִתִּים הָהֵם רַבִּים יַעַמְדוּ
עַל־מֶלֶך הַנֶּגֶב וּבְנֵי פָּרִיצֵי
עַמְּךָ יִנַּשְּׂאוּ לְהַעֲמִיד חָזֺון
וְנִכְשָׁלוּ׃
Dan 11.15
וְיָבֹא מֶלֶך הַצָּפוֺן וְיִשְׁפֹּך
סוֺלֲלָה וְלָכַד עִיר מִבְצָרוֺת
וּזְרֹעוֺת הַנֶּגֶב לֹא יַעֲמֹדוּ
וְעַם מִבְחָרָיו וְאֵין כֹּחַ לַעֲמֹד׃
Dan 11.16
וְיַעַשׂ הַבָּא אֵלָיו כִּרְצוֺנֺו
וְאֵין עוֺמֵד לְפָנָיו וְיַעֲמֹד
בְּאֶרֶצ־הַצְּבִי וְכָלָה בְיָדוֺ׃
Dan 11.17
וְיָשֵׂם פָּנָיו לָבוֺא בְּתֹקֶף כָּל־מַלְכוּתוֺ
וִישָׁרִים עִמּוֺ וְעָשָׂה וּבַת
הַנָּשִׁים יִתֶּנ־לוֺ לְהַשְׁחִיתָהּ
וְלֹא תַעֲמֹד וְלֹא־לוֺ תִהְיֶה׃
Dan 11.18
וְיָשֵׁב 2 וְיָשֵׁם פָּנָיו לְאִיִּים
וְלָכַד רַבִּים וְהִשְׁבִּית קָצִין
חֶרְפָּתוֺ לוֺ בִּלְתִּי חֶרְפָּתוֺ
יָשִׁיב לוֺ׃
Dan 11.19
וְיָשֵׁב פָּנָיו לְמָעוּזֵּי אַרְצוֺ
וְנִכְשַׁל וְנָפַל וְלֹא יִמָּצֵא׃
Dan 11.20
וְעָמַד עַל־כַּנֺּו מַעֲבִיר נֺוגֵשׂ
הֶדֶר מַלְכוּת וּבְיָמִים אֲחָדִים
יִשָּׁבֵר וְלֹא בְאַפַּיִם וְלֹא בְמִלְחָמָה׃
Dan 11.21
וְעָמַד עַל־כַּנֺּו נִבְזֶה וְלֹא־נָתְנוּ
עָלָיו הוֺד מַלְכוּת וּבָא בְשַׁלְוָה
וְהֶחֱזִיק מַלְכוּת בַּחֲלַקְלַקּוֺת׃
Dan 11.22
וּזְרֹעוֺת הַשֶּׁטֶף יִשָּׁטְפוּ מִלְּפָנָיו
וְיִשָּׁבֵרוּ וְגַם נְגִיד בְּרִית׃
Dan 11.23
וּמִנ־הִתְחַבְּרוּת אֵלָיו יַעֲשֶׂה
מִרְמָה וְעָלָה וְעָצַם בִּמְעַט־גֺּוי׃
Dan 11.24
בְּשַׁלְוָה וּבְמִשְׁמַנֵּי מְדִינָה יָבוֺא
וְעָשָׂה אֲשֶׁר לֹא־עָשׂוּ אֲבֹתָיו
וַאֲבוֺת אֲבֹתָיו בִּזָּה וְשָׁלָל
וּרְכוּשׁ לָהֶם יִבְזֺור וְעַל
מִבְצָרִים יְחַשֵּׁב מַחְשְׁבֹתָיו וְעַד־עֵת׃
Dan 11.25
וְיָעֵר כֹּחוֺ וּלְבָבוֺ עַל־מֶלֶך
הַנֶּגֶב בְּחַיִל גָּדוֺל וּמֶלֶך הַנֶּגֶב
יִתְגָּרֶה לַמִּלְחָמָה בְּחַיִל־גָּדוֺל
וְעָצוּם עַד־מְאֹד וְלֹאיַעֲמֹד
כִּי־יַחְשְׁבוּ עָלָיו מַחֲשָׁבוֺת׃
Dan 11.26
וְאֹכְלֵי פַת־בָּגֺו יִשְׁבְּרוּהוּ
וְחֵילוֺ יִשְׁטוֺף וְנָפְלוּ חֲלָלִים
רַבִּים׃
Dan 11.27
וּשְׁנֵיהֶם הַמְּלָכִים לְבָבָם לְמֵרָע
וְעַל־שֻׁלְחָן אֶחָד כָּזָב יְדַבֵּרוּ
וְלֹא תִצְלָח כִּי־עוֺד קֵץ לַמּוֺעֵד׃
Dan 11.28
וְיָשֹׁב אַרְצוֺ בִּרְכוּשׁ גָּדוֺל
וּלְבָבוֺ עַל־בְּרִית קֹדֶשׁ וְעָשָׂה
וְשָׁב לְאַרְצוֺ׃
Dan 11.29
לַמּוֺעֵד יָשׁוּב וּבָא בַנֶּגֶב
וְלֹא־תִהְיֶה כָרִאשֹׁנָה וְכָאַחֲרֹנָה׃
Dan 11.30
וּבָאוּ בוֺ צִיִּים כִּתִּים וְנִכְאָה
וְשָׁב וְזָעַם עַל־בְּרִית־קוֺדֶשׁ
וְעָשָׂה וְשָׁב וְיָבֵן עַל־עֹזְבֵי
בְּרִית קֹדֶשׁ׃
Dan 11.31
וּזְרֹעִים מִמֶּנּוּ יַעֲמֹדוּ וְחִלְּלוּ
הַמִּקְדָּשׁ הַמָּעוֺז וְהֵסִירוּ הַתָּמִיד
וְנָתְנוּ הַשִּׁקּוּץ מְשׁוֺמֵם׃
Dan 11.32
וּמַרְשִׁיעֵי בְרִית יַחֲנִיף בַּחֲלַקּוֺת
וְעַם יֺדְעֵי אֱלֹהָיו יַחֲזִקוּ
וְעָשׂוּ׃
Dan 11.33
וּמַשְׂכִּילֵי עָם יָבִינוּ לָרַבִּים
וְנִכְשְׁלוּ בְּחֶרֶב וּבְלֶהָבָה בִּשְׁבִי
וּבְבִזָּה יָמִים׃
Dan 11.34
וּבְהִכָּשְׁלָם יֵעָזְרוּ עֵזֶר מְעָט
וְנִלְווּ עֲלֵיהֶם רַבִּים בַּחֲלַקְלַקּוֺת׃
Dan 11.35
וּמִנ־הַמַּשְׂכִּילִים יִכָּשְׁלוּ לִצְרוֺף
בָּהֶם וּלְבָרֵר וְלַלְבֵּן עַד־עֵת
קֵץ כִּי־עוֺד לַמּוֺעֵד׃
Dan 11.36
וְעָשָׂה כִרְצוֺנֺו הַמֶּלֶך וְיִתְרוֺמֵם
וְיִתְגַּדֵּל עַל־כָּל־אֵל וְעַל אֵל
אֵלִים יְדַבֵּר נִפְלָאוֺת וְהִצְלִיחַ
עַד־כָּלָה זַעַם כִּי נֶחֱרָצָה נֶעֱשָׂתָה׃
Dan 11.37
וְעַל־אֱלֹהֵי אֲבֹתָיו לֹא יָבִין
וְעַל־חֶמְדַּת נָשִׁים וְעַל־כָּל־אֱלוֺהַּ
לֹא יָבִין כִּי עַל־כֹּל יִתְגַּדָּל׃
Dan 11.38
וְלֶאֱלֹהַּ מָעֻזִּים עַל־כַּנֺּו יְכַבֵּד
וְלֶאֱלוֺהַּ אֲשֶׁר לֹא־יְדָעֻהוּ
אֲבֹתָיו יְכַבֵּד בְּזָהָב וּבְכֶסֶף
וּבְאֶבֶן יְקָרָה וּבַחֲמֻדֹת׃
Dan 11.39
וְעָשָׂה לְמִבְצְרֵי מָעֻזִּים עִמ־אֱלוֺהַּ
נֵכָר אֲשֶׁר 1 הִכִּיר 2 יַכִּיר יַרְבֶּה
כָבוֺד וְהִמְשִׁילָם בָּרַבִּים וַאֲדָמָה
וְחַלֵּק בִּמְחִיר
Dan 11.40
וּבְעֵת קֵץ יִתְנַגַּח עִמּוֺ מֶלֶך
הַנֶּגֶב וְיִשְׂתָּעֵר עָלָיו מֶלֶך
הַצָּפוֺן בְּרֶכֶב וּבְפָרָשִׁים וּבָאֳנִיֺּות
רַבּוֺת וּבָא בַאֲרָצוֺת וְשָׁטַף
וְעָבָר׃
Dan 11.41
וּבָא בְּאֶרֶץ הַצְּבִי וְרַבּוֺת יִכָּשֵׁלוּ
וְאֵלֶּה יִמָּלְטוּ מִיָּדוֺ אֱדוֺם
וּמוֺאָב וְרֵאשִׁית בְּנֵי עַמּוֺן׃
Dan 11.42
וְיִשְׁלַח יָדוֺ בַּאֲרָצוֺת וְאֶרֶץ
מִצְרַיִם לֹא תִהְיֶה לִפְלֵיטָה׃
Dan 11.43
וּמָשַׁל בְּמִכְמַנֵּי הַזָּהָב וְהַכֶּסֶף
וּבְכֹל חֲמֻדוֺת מִצְרָיִם וְלֻבִים
וְכֻשִׁים בְּמִצְעָדָיו׃
Dan 11.44
וּשְׁמֻעוֺת יְבַהֲלֻהוּ מִמִּזְרָח וּמִצָּפוֺן
וְיָצָא בְּחֵמָא גְדֹלָה לְהַשְׁמִיד
וּלְהַחֲרִים רַבִּים׃
Dan 11.45
וְיִטַּע אָהֳלֶי אַפַּדְנֺו בֵּין יַמִּים
לְהַר־צְבִי־קֹדֶשׁ וּבָא עַד־קִצּוֺ
וְאֵין עוֺזֵר לוֺ׃

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages