Dan 6

Full text search

Dan 6
Dan 6.1
וְדָרְיָוֶשׁ 1 מָדָיָא 2 מָדָאָה קַבֵּל
מַלְכוּתָא כְּבַר שְׁנִין שִׁתִּין
וְתַרְתֵּין׃
Dan 6.2
שְׁפַר קֳדָם דָּרְיָוֶשׁ וַהֲקִים עַל־מַלְכוּתָא
לַאֲחַשְׁדַּרְפְּנַיָּא מְאָה וְעֶשְׂרִין
דִּי לֶהֱוֺן בְּכָל־מַלְכוּתָא׃
Dan 6.3
וְעֵלָּא מִנְּהוֺן סָרְכִין תְּלָתָא
דִּי דָנִיֵּאל חַד־מִנְּהוֺן דִּי־לֶהֱוֺן
אֲחַשְׁדַּרְפְּנַיָּא אִלֵּין יָהֲבִין
לְהוֺן טַעְמָא וּמַלְכָּאלָא־לֶהֱוֵא
נָזִק׃
Dan 6.4
אֱדַיִן דָּנִיֵּאל דְּנָה הֲוָא מִתְנַצַּח
עַל־סָרְכַיָּא וַאֲחַשְׁדַּרְפְּנַיָּא
כָּל־קֳבֵל דִּי רוּחַ יַתִּירָא בֵּהּ
וּמַלְכָּא עֲשִׁית לַהֲמוּתֵהּ עַל־כָּל־מַלְכוּתָא׃
Dan 6.5
אֱדַיִן סָרְכַיָּא וַאֲחַשְׁדַּרְפְּנַיָּא
הֲוֺו בָעַיִן עִלָּה לְהַשְׁכָּחָה
לְדָנִיֵּאל מִצַּד מַלְכוּתָא וְכָל־עִלָּה
וּשְׁחִיתָה לָא־יָכְלִין לְשְׁכָּחָה
כָּל־קֳבֵל דִּי־מְהֵימַן הוּא וְכָל־שָׁלוּ
וּשְׁחִיתָה לָא הִשְׁתְּכַחַת עֲלוֺהִי׃
Dan 6.6
אֱדַיִן גֻּבְרַיָּא אִלֵּך אָמְרִין
דִּי לָא נְהַשְׁכַּח לְדָנִיֵּאל דְּנָה
כָּל־עִלָּא לָהֵן הַשְׁכַּחְנָה עֲלוֺהִי
בְּדָת אֱלָהֵהּ׃ ס
Dan 6.7
אֱדַיִן סָרְכַיָּא וַאֲחַשְׁדַּרְפְּנַיָּא
אִלֵּן הַרְגִּשׁוּ עַל־מַלְכָּא וְכֵן
אָמְרִין לֵהּ דָּרְיָוֶשׁ מַלְכָּא
לְעָלְמִין חֱיִי׃
Dan 6.8
אִתְיָעַטוּ כֹּל סָרְכֵי מַלְכוּתָא
סִגְנַיָּא וַאֲחַשְׁדַּרְפְּנַיָּא הַדָּבְרַיָּא
וּפַחֲוָתָא לְקַיָּמָה קְיָם מַלְכָּא
וּלְתַקָּפָה אֱסָר דִּי כָל־דִּי־יִבְעֵה
בָעוּ מִנ־כָּל־אֱלָהּ וֶאֱנָשׁ עַד־יֺומִין
תְּלָתִין לָהֵן מִנָּך מַלְכָּא יִתְרְמֵא
לְגֺב אַרְיָוָתָא׃
Dan 6.9
כְּעַן מַלְכָּא תְּקִים אֱסָרָא וְתִרְשֻׁם
כְּתָבָא דִּי לָא לְהַשְׁנָיָה כְּדָת־מָדַי
וּפָרַס דִּי־לָא תֶעְדֵּא׃
Dan 6.10
כָּל־קֳבֵל דְּנָה מַלְכָּא דָּרְיָוֶשׁ
רְשַׁם כְּתָבָא וֶאֱסָרָא׃
Dan 6.11
וְדָנִיֵּאל כְּדִי יְדַע דִּי־רְשִׁים
כְּתָבָא עַל לְבַיְתֵהּ וְכַוִּין פְּתִיחָן
לֵהּ בְּעִלִּיתֵהּ נֶגֶד יְרוּשְׁלֶם
וְזִמְנִין תְּלָתָה בְיֺוא הוּא
בָּרֵך עַל־בִּרְכוֺהִי וּמְצַלֵּא וּמוֺדֵא
קֳדָם אֱלָהֵהּ כָּל־קֳבֵל דִּי־הֲוָא
עָבֵד מִנ־קַדְמַת דְּנָה׃ ס
Dan 6.12
אֱדַיִן גֻּבְרַיָּא אִלֵּך הַרְגִּשׁוּ
וְהַשְׁכַּחוּ לְדָנִיֵּאל בָּעֵא וּמִתְחַנַּן
קֳדָם אֱלָהֵהּ׃
Dan 6.13
בֵּאדַיִן קְרִיבוּ וְאָמְרִין קֳדָמ־מַלְכָּא
עַל־אֱסָר מַלְכָּא הֲלָא אֱסָר
רְשַׁמְתָּ דִּי כָל־אֱנָשׁ דִּי־יִבְעֵה
מִנ־כָּל־אֱלָהּ וֶאֱנָשׁ ד־יֺומִין
תְּלָתִין לָהֵן מִנָּך מַלְכָּא יִתְרְמֵא
לְגֺוב אַרְיָותָא עָנֵה מַלְכָּא
וְאָמַר יַצִּיבָא מִלְּתָא כְּדָת־מָדַי
וּפָרַס דִּי־לָא תֶעְדֵּא׃
Dan 6.14
בֵּאדַיִן עֲנֺו וְאָמְרִין קֳדָם
מַלְכָּא דִּי דָנִיֵּאל דִּי מִנ־בְּנֵי
גָלוּתָא דִּי יְהוּד לָא־שָׂם 1 עֲלַיִך 2 עֲלָך
מַלְכָּא טְעֵם וְעַלאֱסָרָא דִּי רְשַׁמְתָּ
וְזִמְנִין תְּלָתָה בְּיֺומָא בָּעֵא
בָּעוּתֵהּ׃
Dan 6.15
אֱדַיִן מַלְכָּא כְּדִי מִלְּתָא שְׁמַע
שַׂגִּיא בְּאֵשׁ עֲלוֺהִי וְעַל דָּנִיֵּאל
שָׂם בָּל לְשֵׁיזָבוּתֵהּ וְעַד מֶעָלֵי
שִׁמְשָׁא הֲוָא מִשְׁתַּדַּר לְהַצָּלוּתֵהּ׃
Dan 6.16
בֵּאדַיִן גֻּבְרַיָּא אִלֵּך הַרְגִּשׁוּ
עַל־מַלְכָּא וְאָמְרִין לְמַלְכָּא
דַּע מַלְכָּא דִּי־דָת לְמָדַי וּפָרַס
דִּי־כָל־אֱסָר וּקְיָם דִּ־מַלְכָּא
יְהָקֵים לָא לְהַשְׁנָיָה׃
Dan 6.17
בֵּאדַיִן מַלְכָּא אֲמַר וְהַיְתִיו
לְדָנִיֵּאל וּרְמוֺ לְגֻבָּא דִּי
אַרְיָוָתָא עָנֵה מַלְכָּא וְאָמַר
לְדָנִיֵּאל אֱלָהָך דִּי 1 אַנְתָּה 2 אַנְתְּ
פָּלַח־לֵהּ בִּתְדִירָא הוּא יְשֵׁיזְבִנָּך׃
Dan 6.18
וְהֵיתָיִת אֶבֶן חֲדָה וְשֻׂמַת עַל־פֻּם
גֻּבָּא וְחַתְמַהּ מַלְכָּא בְּעִזְקְתֵהּ
וּבְעִזְקָת רַבְרְבָנֺוהִי דִּי לָא־תִשְׁנֵא
צְבוּ בְּדָנִיֵּאל
Dan 6.19
אֱדַיִן אֲזַל מַלְכָּא לְהֵיכְלֵהּ
וּבָת טְוָת וְדַחֲוָן לָא־הַנְעֵל
קָדָמוֺהִי וְשִׁנְתֵּהּ נַדַּת עֲלוֺהִי׃
Dan 6.20
בֵּאדַיִן מַלְכָּא בִּשְׁפַרְפָּרָא יְקוּם
בְּנָגְהָא וּבְהִתְבְּהָלָה לְגֻבָּא דִי־אַרְיָוָתָא
אֲזַל׃
Dan 6.21
וּכְמִקְרְבֵהּ לְגֻבָּא לְדָנִיֵּאל
בְּקָל עֲצִיב זְעִק עָנֵה מַלְכָּא
וְאָמַר לְדָנִיֵּאל דָּנִיֵּאל עֲבֵד
אֱלָהָא חַיָּא אֱלָהָך דִּיאַנְתָּה 2 אַנְתְּ
פָּלַח־לֵהּ בִּתְדִירָא הַיְכִל לְשֵׁיזָבוּתָך
מִנ־אַרְיָוָתָא׃
Dan 6.22
אֱדַיִן דָּנִיֶּאל עִמ־מַלְכָּא מַלִּל
מַלְכָּא לְעָלְמִין חֱיִי׃
Dan 6.23
אֱלָהִי שְׁלַח מַלְאֲכֵהּ וּסֲגַר פֻּם
אַרְיָוָתָא וְלָא חַבְּלוּנִי כָּל־קֳבֵל
דִּי קָדָמוֺהִי זָכוּ הִשְׁתְּכַחַת
לִי וְאַף 1 קָדָמַיִך 2 קָדָמָך מַלְכָּא
חֲבוּלָה לָא עַבְדֵת׃
Dan 6.24
בֵּאדַיִן מַלְכָּא שַׂגּיא טְאֵב עֲלוֺהִי
וּלְדָנִיֵּאל אֲמַר לְהַנְסָקָה מִנ־גֻּבָּא
וְהֻסַּק דָּנִיֵּאל מִנ־גֻּבָּא וְכָל־חֲבָל
לָא־הִשְׁתְּכַח בֵּהּ דִּי הֵימִן
בֵּאלָהֵהּ׃
Dan 6.25
וַאֲמַר מַלְכָּא וְהַיְתִיו גֻּבְרַיָּא
אִלֵּך דִּי־אֲכַלוּ קַרְצוֺהִי דִּי
דָנִיֵּאל וּלְגֺב אַרְיָוָתָא רְמוֺ
אִנּוּן בְּנֵיהוֺן וּנְשֵׁיון וְלָא־מְטוֺ
לְאַרְעִית גֻּבָּא עַד דִּי־שְׁלִטוּ
בְהוֺן אַרְיָוָתָא וְכָל־גַּרְמֵיהוֺן
הַדִּקוּ׃
Dan 6.26
בֵּאדַיִן דָּרְיָוֶשׁ מַלְכָּא כְּתַב
לְכָל־עַמְמַיָּא אֻמַיָּא וְלִשָּׁנַיָּא
דִּי־דָאֲרִין 2 דָיְרִין בְּכָל־אַרְעָא
שְׁלָמְכוֺן יִשְׂגֵּא׃
Dan 6.27
מִנ־קֳדָמַי שִׂים טְעֵם דִּי בְּכָל־שָׁלְטָן
מַלְכוּתִי לֶהֱוֺן 1 זָאֲעִין 2 זָיְעִין
וְדָחֲלִין מִנ־קֳדָם אֱלָהֵהּ דִּי־דָנִיֵּאל
דִּי־הוּ אֱלָהָא חַיָּא וְקַיָּם לְעָלְמִין
וּמַלְכוּתֵהּ דִּי־לָא תִתְחַבַּל וְשָׁלְטָנֵהּ
עַד־סוֺפָא׃
Dan 6.28
מְשֵׁיזִב וּמַצִּל וְעָבֵד אָתִין
וְתִמְהִין בִּשְׁמַיָּא וּבְאַרְעָא
דִּי שֵׁיזִיב לְדָנִיֵּאל מִנ־יַד
אַרְיָוָתָא׃
Dan 6.29
וְדָנִיֵּאל דְּנָה הַצְלַח בְּמַלְכוּת
דָּרְיָוֶשׁ וּבְמַלְכוּת כּוֺרֶשׁ 1 פָּרְסָיָא 2 פָּרְסָאָה׃
ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages