Micha 3

Full text search

Micha 3
Micha 3.1
וָאֹמַר שִׁמְעוּ־נָא רָאשֵׁי יַעֲקֹב
וּקְצִינֵי בֵּית יִשְׂרָאֵל הֲלוֺא
לָכֶם לָדַעַת אֶת־הַמִּשְׁפָּט׃
Micha 3.2
שֹׂנְאֵי טוֺב וְאֹהֲבֵי 1 רָעָה 2 רָע
גֺּזְלֵי עוֺרָם מֵעֲלֵיהֶם וּשְׁאֵרָם
מֵעַל עַצְמוֺתָם׃
Micha 3.3
וַאֲשֶׁר אָכְלוּ שְׁאֵר עַמִּי וְעוֺרָם
מֵעֲלֵיהֶם הִפְשִׁיטוּ וְאֶת־עַצְמֹתֵיהֶם
פִּצֵּחוּ וּפָרְשׂוּ כַּאֲשֶׁר בַּסִּיר
וּכְבָשָׂר בְּתוֺך קַלָּת׃
Micha 3.4
אָז יִזְעֲקוּ אֶל־יְהוָה וְלֹא
יַעֲנֶה אוֺתָם וְיַסְתֵּר פָּנָיו
מֵהֶם בָּעֵת הַהִיא כַּאֲשֶׁר הֵרֵעוּ
מַעַלְלֵיהֶם׃ ף
Micha 3.5
כֹּה אָמַר יְהוָה עַל־הַנְּבִיאִים
הַמַּתְעִים אֶת־עַמִּי הַנֺּשְׁכִים
בְּשִׁנֵּיהֶם וְקָרְאוּ שָׁלוֺם וַאֲשֶׁר
לֹא־יִתֵּן עַל־פִּיהֶם וְקִדְּשׁוּ
עָלָו מִלְחָמָה׃
Micha 3.6
לָכֵן לַיְלָה לָכֶם מֵחָזֺון וְחָשְׁכָה
לָכֶם מִקְּסֹם וּבָאָה הַשֶּׁמֶשׁ עַל־הַנְּבִיאִים
וְקָדַר עֲלֵיהֶם הַיֺּום׃
Micha 3.7
וּבֹשׁוּ הַחֹזִים וְחָפְרוּ הַקֹּסְמִים
וְעָטוּ עַל־שָׂפָם כֻּלָּם כִּי אֵין
מַעֲנֵה אֱלֹהִים׃
Micha 3.8
וְאוּלָם אָנֺכִי מָלֵאתִי כֹחַ אֶת־רוּחַ
יְהוָה וּמִשְׁפָּט וּגְבוּרָה לְהַגִּיד
לְיַעֲקֹב פִּשְׁעוֺ וּלְיִשְׂרָאֵל חַטָּאתוֺ׃
ס
Micha 3.9
שִׁמְעוּ־נָא זֺאת רָאשֵׁי בֵּית
יַעֲקֹב וּקְצִינֵי בֵּית יִשְׂרָאֵל
הַמֲתַעֲבִים מִשְׁפָּט וְאֵת כָּל־הַיְשָׁרָה
יְעַקֵּשׁוּ׃
Micha 3.10
בֹּנֶה צִיֺּון בְּדָמִים וִירוּשָׁלִַם
בְּעַוְלָה׃
Micha 3.11
רָאשֶׁיהָ בְּשֹׁחַד יִשְׁפֹּטוּ וְכֹהֲנֶיהָ
בִּמְחִיר יֺורוּ וּנְבִיאֶיהָ בְּכֶסֶף
יִקְסֹמוּ וְעַל־יְהוָה יִשָּׁעֵנוּ
לֵאמֹר הֲלוֺא יְהוָה בְּקִרְבֵּנוּ
לֹא־תָבוֺא עָלֵינוּ רָעָה׃
Micha 3.12
לָכֵן בִּגְלַלְכֶם צִיֺּון שָׂדֶה תֵחָרֵשׁ
וִירוּשָׁלִַם עִיִּין תִּהְיֶה וְהַר
הַבַּיִת לְבָמוֺת יָעַר׃ ף

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages