Zach 12

Full text search

Zach 12
Zach 12.1
מַשָּׂא דְבַר־יְהוָה עַל־יִשְׂרָאֵל
נְאֻמ־יְהוָה נֺטֶה שָׁמַיִם וְיֺסֵד
אָרֶץ וְיֺצֵר רוּחַ־אָדָם בְּקִרְבּוֺ׃
ף
Zach 12.2
הִנֵּה אָנֺכִי שָׂם אֶת־יְרוּשָׁלִַם
סַפ־רַעַל לְכָל־הָעַמִּים סָבִיב
וְגַם עַל־יְהוּדָה יִהְיֶה בַמָּצוֺר
עַל־יְרוּשָׁלִָם׃
Zach 12.3
וְהָיָה בַיֺּומ־הַהוּא אָשִׂים
אֶת־יְרוּשָׁלִַם אֶבֶן מַעֲמָסָה לְכָל־הָעַמִּים
כָּל־עֹמְסֶיהָ שָׂרוֺט יִשָּׂרֵטוּ
וְנֶאֶסְפוּ עָלֶיהָ כֹּל גֺּויֵי הָאָרֶץ׃
Zach 12.4
בַּיֺּום הַהוּא נְאֻמ־יְהוָה אַכֶּה
כָל־סוּס בַּתִּמָּהוֺן וְרֹכְבוֺ
בַּשִּׁגָּעוֺן וְעַל־בֵּית יְהוּדָה
אֶפְקַח אֶת־עֵינַי וְכֹל סוּס
הָעַמִּים כֶּה בַּעִוָּרוֺן׃
Zach 12.5
וְאָמְרוּ אַלֻּפֵי יְהוּדָה בְּלִבָּם
אַמְצָה לִי יֺשְׁבֵי יְרוּשָׁלִַם
בַּיהוָה צְבָאוֺת אֱלֹהֵיהֶם׃
Zach 12.6
בַּיֺּום הַהוּא אָשִׂים אֶת־אַלֻּפֵי
יְהוּדָה כְּכִיֺּור אֵשׁ בְּעֵצִים
וּכְלַפִּיד אֵשׁ בְּעָמִיר וְאָכְלוּ
עַל־יָמִין וְעַל־שְׂמֹאול אֶת־כָּל־הָעַמִּים
סָבִיב וְיָשְׁבָה יְרוּשָׁלִַם עוֺד
תַּחְתֶּיהָ בִּירוּשָׁלִָם׃ ף
Zach 12.7
וְהוֺשִׁיעַ יְהוָה אֶת־אָהֳלֵי יְהוּדָה
בָּרִאשֹׁנָה לְמַעַן לֹא־תִגְדַּל
תִּפְאֶרֶת בֵּית־דָּוִיד וְתִפְאֶרֶת
יֺשֵׁב יְרוּשָׁלִַם עַל־יְהוּדָה׃
Zach 12.8
בַּיֺּום הַהוּא יָגֵן יְהוָה בְּעַד
יֺושֵׁב יְרוּשָׁלִַם וְהָיָה הַנִּכְשָׁל
בָּהֶם בַּיֺּום הַהוּא כְּדָוִיד
וּבֵית דָּוִיד כֵּאלֹהִים כְּמַלְך
יְהוָה לִפְנֵיהֶם׃
Zach 12.9
וְהָיָה בַּיֺּום הַהוּא אֲבַקֵּשׁ לְהַשְׁמִיד
אֶת־כָּל־הַגֺּויִם הַבָּאִים עַל־יְרוּשָׁלִָם׃
Zach 12.10
וְשָׁפַכְתִּי עַל־בֵּית דָּוִיד וְעַל
יֺושֵׁב יְרוּשָׁלִַם רוּחַ חֵן וְתַחֲנוּנִים
וְהִבִּיטוּ אֵלַי אֵת אֲשֶׁר־דָּקָרוּ
וְסָפְדוּ עָלָיו כְּמִסְפֵּד עַל־הַיָּחִיד
וְהָמֵר עָלָיו כְּהָמֵר עַל־הַבְּכוֺר׃
Zach 12.11
בַּיֺּום הַהוּא יִגְדַּל הַמִּסְפֵּד
בִּירוּשָׁלִַם כְּמִסְפַּד הֲדַדְ־רִמּוֺן
בְּבִקְעַת מְגִדּוֺן׃
Zach 12.12
וְסָפְדָה הָאָרֶץ מִשְׁפָּחוֺת מִשְׁפָּחוֺת
לְבָד מִשְׁפַּחַת בֵּית־דָּוִיד לְבָד
וּנְשֵׁיהֶם לְבָד מִשְׁפַּחַת בֵּית־נָתָן
לְבָד וּנְשֵׁיהֶם לְבָד׃
Zach 12.13
מִשְׁפַּחַת בֵּית־לֵוִי לְבָד וּנְשֵׁיהֶם
לְבָד מִשְׁפַּחַת הַשִּׁמְעִי לְבָד וּנְשֵׁיהֶם
לְבָד׃
Zach 12.14
כֹּל הַמִּשְׁפָּחוֺת הַנִּשְׁאָרוֺת מִשְׁפָּחֹת
מִשְׁפָּחֹת לְבָד וּנְשֵׁיהֶם לְבָד׃
ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages