Zach 13

Full text search

Zach 13
Zach 13.1
בַּיֺּום הַהוּא יִהְיֶה מָקוֺר
נִפְתָּח לְבֵית דָּוִיד וּלְיֺשְׁבֵי
יְרוּשָׁלִָם לְחַטַּאת וּלְנִדָּה׃
Zach 13.2
וְהָיָה בַיֺּום הַהוּא נְאֻם יְהוָה
צְבָאוֺת אַכְרִית אֶת־שְׁמוֺת
הָעֲצַבִּים מִנ־הָאָרֶץ וְלֹא יִזָּכְרוּ
עוֺד וְגַם אֶת־הַנְּבִיאִים וְאֶת־רוּחַ
הַטֻּמְאָה אַעֲבִיר מִנ־הָאָרֶץ׃
Zach 13.3
וְהָיָה כִּי־יִנָּבֵא אִישׁ עוֺד
וְאָמְרוּ אֵלָיו אָבִיו וְאִמּוֺ
יֺלְדָיו לֹא תִחְיֶה כִּי שֶׁקֶר
דִּבַּרְתָּ בְּשֵׁם יְהוָה וּדְקָרֻהוּ
אָבִיהוּ וְאִמּוֺ יֺלְדָיו בְּהִנָּבְאוֺ׃
Zach 13.4
וְהָיָה בַּיֺּום הַהוּא יֵבֹשׁוּ הַנְּבִיאִים
אִישׁ מֵחֶזְיֺנֺו בְּהִנָּבְאֹתוֺ וְלֹא
יִלְבְּשׁוּ אַדֶּרֶת שֵׂעָר לְמַעַן כַּחֵשׁ׃
Zach 13.5
וְאָמַר לֹא נָבִיא אָנֺכִי אִישׁ־עֹבֵד
אֲדָמָה אָנֺכִי כִּי אָדָם הִקְנַנִי
מִנְּעוּרָי׃
Zach 13.6
וְאָמַר אֵלָיו מָה הַמַּכּוֺת הָאֵלֶּה
בֵּין יָדֶיךָ וְאָמַר אֲשֶׁר הֻכֵּיתִי
בֵּית מְאַהֲבָי׃ ס
Zach 13.7
חֶרֶב עוּרִי עַל־רֹעִי וְעַל־גֶּבֶר
עֲמִיתִי נְאֻם יְהוָה צְבָאוֺת
הַך אֶת־הָרֹעֶה וּתְפוּצֶיןָ הַצֹּאן
וַהֲשִׁבֹתִי יָדִי עַל־הַצֹּעֲרִים׃
Zach 13.8
וְהָיָה בְכָל־הָאָרֶץ נְאֻמ־יְהוָה
פִּי־שְׁנַיִם בָּהּ יִכָּרְתוּ יִגְוָעוּ
וְהַשְּׁלִשִׁית יִוָּתֶר בָּהּ׃
Zach 13.9
וְהֵבֵאתִי אֶת־הַשְּׁלִשִׁית בָּאֵשׁ
וּצְרַפְתִּים כִּצְרֹף אֶת־הַכֶּסֶף
וּבְחַנְתִּים כִּבְחֹן אֶת־הַזָּהָב
הוּא יִקְרָא בִשְׁמִי וַאֲנִי אֶעֱנֶה
אֹתוֺ אָמַרְתִּי עַמִּי הוּא וְהוּא
יֺאמַר יְהוָה אֱלֹהָי׃ ס

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages