Cant 1

Full text search

Cant 1
Cant 1.1
osculetur me osculo oris sui quia meliora sunt ubera tua vino
Cant 1.2
fraglantia unguentis optimis oleum effusum nomen tuum ideo adulescentulae dilexerunt te
Cant 1.3
trahe me post te curremus introduxit me rex in cellaria sua exultabimus et laetabimur in te memores uberum tuorum super vinum recti diligunt te
Cant 1.4
nigra sum sed formonsa filiae Hierusalem sicut tabernacula Cedar sicut pelles Salomonis
Cant 1.5
nolite me considerare quod fusca sim quia decoloravit me sol filii matris meae pugnaverunt contra me posuerunt me custodem in vineis vineam meam non custodivi
Cant 1.6
indica mihi quem diligit anima mea ubi pascas ubi cubes in meridie ne vagari incipiam per greges sodalium tuorum
Cant 1.7
si ignoras te o pulchra inter mulieres egredere et abi post vestigia gregum et pasce hedos tuos iuxta tabernacula pastorum
Cant 1.8
equitatui meo in curribus Pharaonis adsimilavi te amica mea
Cant 1.9
pulchrae sunt genae tuae sicut turturis collum tuum sicut monilia
Cant 1.10
murenulas aureas faciemus tibi vermiculatas argento
Cant 1.11
dum esset rex in accubitu suo nardus mea dedit odorem suum
Cant 1.12
fasciculus murrae dilectus meus mihi inter ubera mea commorabitur
Cant 1.13
botrus cypri dilectus meus mihi in vineis Engaddi
Cant 1.14
ecce tu pulchra es amica mea ecce tu pulchra oculi tui columbarum
Cant 1.15
ecce tu pulcher es dilecte mi et decorus lectulus noster floridus
Cant 1.16
tigna domorum nostrarum cedrina laquearia nostra cypressina

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages