Cant 4

Full text search

Cant 4
Cant 4.1
quam pulchra es amica mea quam pulchra es oculi tui columbarum absque eo quod intrinsecus latet capilli tui sicut greges caprarum quae ascenderunt de monte Galaad
Cant 4.2
dentes tui sicut greges tonsarum quae ascenderunt de lavacro omnes gemellis fetibus et sterilis non est inter eas
Cant 4.3
sicut vitta coccinea labia tua et eloquium tuum dulce sicut fragmen mali punici ita genae tuae absque eo quod intrinsecus latet
Cant 4.4
sicut turris David collum tuum quae aedificata est cum propugnaculis mille clypei pendent ex ea omnis armatura fortium
Cant 4.5
duo ubera tua sicut duo hinuli capreae gemelli qui pascuntur in liliis
Cant 4.6
donec adspiret dies et inclinentur umbrae vadam ad montem murrae et ad collem turis
Cant 4.7
tota pulchra es amica mea et macula non est in te
Cant 4.8
veni de Libano sponsa veni de Libano veni coronaberis de capite Amana de vertice Sanir et Hermon de cubilibus leonum de montibus pardorum
Cant 4.9
vulnerasti cor meum soror mea sponsa vulnerasti cor meum in uno oculorum tuorum et in uno crine colli tui
Cant 4.10
quam pulchrae sunt mammae tuae soror mea sponsa pulchriora ubera tua vino et odor unguentorum tuorum super omnia aromata
Cant 4.11
favus distillans labia tua sponsa mel et lac sub lingua tua et odor vestimentorum tuorum sicut odor turis
Cant 4.12
hortus conclusus soror mea sponsa hortus conclusus fons signatus
Cant 4.13
emissiones tuae paradisus malorum punicorum cum pomorum fructibus cypri cum nardo
Cant 4.14
nardus et crocus fistula et cinnamomum cum universis lignis Libani murra et aloe cum omnibus primis unguentis
Cant 4.15
fons hortorum puteus aquarum viventium quae fluunt impetu de Libano
Cant 4.16
surge aquilo et veni auster perfla hortum meum et fluant aromata illius

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages