Eccl 1

Full text search

Eccl 1
Eccl 1.1
omnis sapientia a Deo Domino est et cum illo fuit semper et est ante aevum
Eccl 1.2
harenam maris et pluviae guttas et dies saeculi quis dinumeravit altitudinem caeli et latitudinem terrae et profundum abyssi quis mensus est
Eccl 1.3
sapientiam Dei praecedentem omnia quis investigavit
Eccl 1.4
prior omnium creata est sapientia et intellectus prudentiae ab aevo
Eccl 1.5
fons sapientiae verbum Dei in excelsis et ingressus illius mandata aeterna
Eccl 1.6
radix sapientiae cui revelata est et astutias illius quis agnovit
Eccl 1.7
disciplina sapientiae cui revelata est et manifestata et multiplicationem ingressus illius quis intellexit
Eccl 1.8
unus est Altissimus creator omnipotens rex potens et metuendus nimis sedens super thronum illius et dominans Deus
Eccl 1.9
ipse creavit illam spiritu sancto et vidit et dinumeravit et mensus est
Eccl 1.10
et effudit illam super omnia opera sua et super omnem carnem secundum datum suum et praebuit illam diligentibus se
Eccl 1.11
timor Domini gloria et gloriatio et laetitia et corona exultationis
Eccl 1.12
timor Domini delectabit cor et dabit laetitiam et gaudium in longitudine dierum
Eccl 1.13
timenti Dominum bene erit in extremis et in die defunctionis suae benedicetur
Eccl 1.14
dilectio Dei honorabilis sapientia
Eccl 1.15
quibus autem apparuerit in visu diligunt eam in visione et in agnitione magnalium suorum
Eccl 1.16
initium sapientiae timor Domini et cum fidelibus in vulva concreatus est et cum electis seminis creditur et cum iustis et fidelibus agnoscitur
Eccl 1.17
timor Domini scientiae religiositas
Eccl 1.18
religiositas custodiet et iustificabit cor iucunditatem atque gaudium dabit
Eccl 1.19
timenti Deum bene erit et in diebus consummationis illius benedicetur
Eccl 1.20
plenitudo sapientiae timere Deum et plenitudo a fructibus illius
Eccl 1.21
omnem domum illius implebit a generationibus et receptacula a thesauris illius
Eccl 1.22
corona sapientiae timor Domini repollens pacem et salutis fructum
Eccl 1.23
et vidit et dinumeravit eam utraque autem sunt dona Dei
Eccl 1.24
scientiam et intellectum prudentiae sapientia conpartietur et gloriam tenentium se inaltat
Eccl 1.25
radix sapientiae est timere Dominum rami enim illius longevi
Eccl 1.26
in thesauris sapientiae intellectus et scientiae religiositas execratio autem peccatoribus sapientia
Eccl 1.27
timor Dei expellit peccatum
Eccl 1.28
nam qui sine timore est non poterit iustificari iracundia enim animositatis illius subversio illius est
Eccl 1.29
usque in tempus sustinebit patiens et postea redditio iucunditatis
Eccl 1.30
bonus sensus usque in tempus abscondebit verba illius et labia multorum enarrabunt sensum illius
Eccl 1.31
Eccl 1.32
Eccl 1.33
concupiscens sapientiam conserva iustitiam et Deus praebebit illam tibi
Eccl 1.34
sapientia enim et disciplina timor Domini et quod beneplacitum est illi
Eccl 1.35
fides et mansuetudo et adimplebit thesauros illius
Eccl 1.36
non sis incredibilis timori Domini et ne accesseris ad illum duplici corde
Eccl 1.37
ne fueris hypocrita in conspectu hominum et non scandalizeris labiis tuis
Eccl 1.38
adtende in illis ne forte cadas et adducas animae tuae inhonorationem
Eccl 1.39
et revelet Deus absconsa tua et in medio synagogae elidat te
Eccl 1.40
quoniam accessisti maligne ad Dominum et cor tuum plenum est dolo et fallacia

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages