Eccl 14

Full text search

Eccl 14
Eccl 14.1
beatus vir qui non est lapsus verbo ex ore suo et non est stimulatus in tristitia delicti
Eccl 14.2
felix qui non habuit animi sui tristitiam et non excidit ab spe sua
Eccl 14.3
viro cupido et tenaci sine ratione est substantia et homini livido ad quid aurum
Eccl 14.4
qui acervat ex animo suo iniuste aliis congregat et in bonis illius alius luxuriabitur
Eccl 14.5
qui sibi nequa est cui alii bonus erit et non iucundabitur in bonis suis
Eccl 14.6
qui sibi invidet nihil est illo nequius et haec redditio est malitiae illius
Eccl 14.7
et si bene fecerit ignoranter et non volens facit et in novissimo manifestat malitiam suam
Eccl 14.8
nequa est oculus lividi et avertens faciem et despiciens animam suam
Eccl 14.9
insatiabilis oculus cupidi in parte iniquitatis non satiabitur donec consummet arefaciens animam suam
Eccl 14.10
oculus malus ad mala et non satiabitur pane et in tristitia erit super mensam suam
Eccl 14.11
fili si habes benefac tecum et Deo bonas oblationes offer
Eccl 14.12
memor esto quoniam mors non tardat et testamentum inferorum quia demonstratum est tibi testamentum enim huius mundi morte morietur
Eccl 14.13
ante mortem benefac amico tuo et secundum vires tuas exporrigens da pauperi
Eccl 14.14
non defrauderis a die bono et particula boni doni non te praetereat
Eccl 14.15
nonne aliis relinques dolores et labores tuos in divisione sortis
Eccl 14.16
da et accipe et iustifica animam tuam
Eccl 14.17
ante obitum tuum operare iustitiam quoniam non est apud inferos invenire cibum
Eccl 14.18
omnis caro sicut faenum veterescit et sicut folium fructificans in arbore viridi
Eccl 14.19
alia generat et alia deicit sic generatio carnis et sanguinis alia finitur et alia nascitur
Eccl 14.20
omne opus corruptibile in fine deficiet et qui illud operatur ibit cum ipso
Eccl 14.21
et omne opus electum iustificabitur et qui operatur illud honorabitur in illo
Eccl 14.22
beatus vir qui in sapientia sua morietur et qui in iustitia sua meditabitur et in sensu cogitabit circumspectionem Dei
Eccl 14.23
qui excogitat vias illius in suo corde et in absconsis illius intellegens vadens post illam quasi vestigator et in viis illius consistens
Eccl 14.24
qui respicit per fenestras et in ianuas illius audiens
Eccl 14.25
qui requiescit iuxta domum illius et in parietibus illius figens palum statuet casulam suam ad manus illius et requiescunt in casula eius bona per aevum
Eccl 14.26
statuet filios suos sub tegimen illius et sub ramis illius morabitur
Eccl 14.27
protegetur in subtegmine illius a fervore et in gloria eius requiescet

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages