Ro 5

Full text search

Ro 5
Ro 5.1
iustificati igitur ex fide pacem habeamus ad Deum per Dominum nostrum Iesum Christum
Ro 5.2
per quem et accessum habemus fide in gratiam istam in qua stamus et gloriamur in spe gloriae filiorum Dei
Ro 5.3
non solum autem sed et gloriamur in tribulationibus scientes quod tribulatio patientiam operatur
Ro 5.4
patientia autem probationem probatio vero spem
Ro 5.5
spes autem non confundit quia caritas Dei diffusa est in cordibus nostris per Spiritum Sanctum qui datus est nobis
Ro 5.6
ut quid enim Christus cum adhuc infirmi essemus secundum tempus pro impiis mortuus est
Ro 5.7
vix enim pro iusto quis moritur nam pro bono forsitan quis et audeat mori
Ro 5.8
commendat autem suam caritatem Deus in nos quoniam cum adhuc peccatores essemus
Ro 5.9
Christus pro nobis mortuus est multo igitur magis iustificati nunc in sanguine ipsius salvi erimus ab ira per ipsum
Ro 5.10
si enim cum inimici essemus reconciliati sumus Deo per mortem Filii eius multo magis reconciliati salvi erimus in vita ipsius
Ro 5.11
non solum autem sed et gloriamur in Deo per Dominum nostrum Iesum Christum per quem nunc reconciliationem accepimus
Ro 5.12
propterea sicut per unum hominem in hunc mundum peccatum intravit et per peccatum mors et ita in omnes homines mors pertransiit in quo omnes peccaverunt
Ro 5.13
usque ad legem enim peccatum erat in mundo peccatum autem non inputatur cum lex non est
Ro 5.14
sed regnavit mors ab Adam usque ad Mosen etiam in eos qui non peccaverunt in similitudinem praevaricationis Adae qui est forma futuri
Ro 5.15
sed non sicut delictum ita et donum si enim unius delicto multi mortui sunt multo magis gratia Dei et donum in gratiam unius hominis Iesu Christi in plures abundavit
Ro 5.16
et non sicut per unum peccantem ita et donum nam iudicium ex uno in condemnationem gratia autem ex multis delictis in iustificationem
Ro 5.17
si enim in unius delicto mors regnavit per unum multo magis abundantiam gratiae et donationis et iustitiae accipientes in vita regnabunt per unum Iesum Christum
Ro 5.18
igitur sicut per unius delictum in omnes homines in condemnationem sic et per unius iustitiam in omnes homines in iustificationem vitae
Ro 5.19
sicut enim per inoboedientiam unius hominis peccatores constituti sunt multi ita et per unius oboeditionem iusti constituentur multi
Ro 5.20
lex autem subintravit ut abundaret delictum ubi autem abundavit delictum superabundavit gratia
Ro 5.21
ut sicut regnavit peccatum in morte ita et gratia regnet per iustitiam in vitam aeternam per Iesum Christum Dominum nostrum

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages