Jac 1

Full text search

Jac 1
Jac 1.1
Iacobus Dei et Domini nostri Iesu Christi servus duodecim tribubus quae sunt in dispersione salutem
Jac 1.2
omne gaudium existimate fratres mei cum in temptationibus variis incideritis
Jac 1.3
scientes quod probatio fidei vestrae patientiam operatur
Jac 1.4
patientia autem opus perfectum habeat ut sitis perfecti et integri in nullo deficientes
Jac 1.5
si quis autem vestrum indiget sapientiam postulet a Deo qui dat omnibus affluenter et non inproperat et dabitur ei
Jac 1.6
postulet autem in fide nihil haesitans qui enim haesitat similis est fluctui maris qui a vento movetur et circumfertur
Jac 1.7
non ergo aestimet homo ille quod accipiat aliquid a Domino
Jac 1.8
vir duplex animo inconstans in omnibus viis suis
Jac 1.9
glorietur autem frater humilis in exaltatione sua
Jac 1.10
dives autem in humilitate sua quoniam sicut flos faeni transibit
Jac 1.11
exortus est enim sol cum ardore et arefecit faenum et flos eius decidit et decor vultus eius deperiit ita et dives in itineribus suis marcescet
Jac 1.12
beatus vir qui suffert temptationem quia cum probatus fuerit accipiet coronam vitae quam repromisit Deus diligentibus se
Jac 1.13
nemo cum temptatur dicat quoniam a Deo temptor Deus enim intemptator malorum est ipse autem neminem temptat
Jac 1.14
unusquisque vero temptatur a concupiscentia sua abstractus et inlectus
Jac 1.15
dein concupiscentia cum conceperit parit peccatum peccatum vero cum consummatum fuerit generat mortem
Jac 1.16
nolite itaque errare fratres mei dilectissimi
Jac 1.17
omne datum optimum et omne donum perfectum desursum est descendens a Patre luminum apud quem non est transmutatio nec vicissitudinis obumbratio
Jac 1.18
voluntarie genuit nos verbo veritatis ut simus initium aliquod creaturae eius
Jac 1.19
scitis fratres mei dilecti sit autem omnis homo velox ad audiendum tardus autem ad loquendum et tardus ad iram
Jac 1.20
ira enim viri iustitiam Dei non operatur
Jac 1.21
propter quod abicientes omnem inmunditiam et abundantiam malitiae in mansuetudine suscipite insitum verbum quod potest salvare animas vestras
Jac 1.22
estote autem factores verbi et non auditores tantum fallentes vosmet ipsos
Jac 1.23
quia si quis auditor est verbi et non factor hic conparabitur viro consideranti vultum nativitatis suae in speculo
Jac 1.24
consideravit enim se et abiit et statim oblitus est qualis fuerit
Jac 1.25
qui autem perspexerit in lege perfecta libertatis et permanserit non auditor obliviosus factus sed factor operis hic beatus in facto suo erit
Jac 1.26
si quis autem putat se religiosum esse non refrenans linguam suam sed seducens cor suum huius vana est religio
Jac 1.27
religio munda et inmaculata apud Deum et Patrem haec est visitare pupillos et viduas in tribulatione eorum inmaculatum se custodire ab hoc saeculo

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages