Apo 22

Full text search

Apo 22
Apo 22.1
et ostendit mihi fluvium aquae vitae splendidum tamquam cristallum procedentem de sede Dei et agni
Apo 22.2
in medio plateae eius et ex utraque parte fluminis lignum vitae adferens fructus duodecim per menses singula reddentia fructum suum et folia ligni ad sanitatem gentium
Apo 22.3
et omne maledictum non erit amplius et sedes Dei et agni in illa erunt et servi eius servient illi
Apo 22.4
et videbunt faciem eius et nomen eius in frontibus eorum
Apo 22.5
et nox ultra non erit et non egebunt lumine lucernae neque lumine solis quoniam Dominus Deus inluminat illos et regnabunt in saecula saeculorum
Apo 22.6
et dixit mihi haec verba fidelissima et vera sunt et Dominus Deus spirituum prophetarum misit angelum suum ostendere servis suis quae oportet fieri cito
Apo 22.7
et ecce venio velociter beatus qui custodit verba prophetiae libri huius
Apo 22.8
et ego Iohannes qui audivi et vidi haec et postquam audissem et vidissem cecidi ut adorarem ante pedes angeli qui mihi haec ostendebat
Apo 22.9
et dicit mihi vide ne feceris conservus tuus sum et fratrum tuorum prophetarum et eorum qui servant verba libri huius Deum adora
Apo 22.10
et dicit mihi ne signaveris verba prophetiae libri huius tempus enim prope est
Apo 22.11
qui nocet noceat adhuc et qui in sordibus est sordescat adhuc et iustus iustitiam faciat adhuc et sanctus sanctificetur adhuc
Apo 22.12
ecce venio cito et merces mea mecum est reddere unicuique secundum opera sua
Apo 22.13
ego alfa et omega primus et novissimus principium et finis
Apo 22.14
beati qui lavant stolas suas ut sit potestas eorum in ligno vitae et portis intrent in civitatem
Apo 22.15
foris canes et venefici et inpudici et homicidae et idolis servientes et omnis qui amat et facit mendacium
Apo 22.16
ego Iesus misi angelum meum testificari vobis haec in ecclesiis ego sum radix et genus David stella splendida et matutina
Apo 22.17
et Spiritus et sponsa dicunt veni et qui audit dicat veni et qui sitit veniat qui vult accipiat aquam vitae gratis
Apo 22.18
contestor ego omni audienti verba prophetiae libri huius si quis adposuerit ad haec adponet Deus super illum plagas scriptas in libro isto
Apo 22.19
et si quis deminuerit de verbis libri prophetiae huius auferet Deus partem eius de ligno vitae et de civitate sancta et de his quae scripta sunt in libro isto
Apo 22.20
dicit qui testimonium perhibet istorum etiam venio cito amen veni Domine Iesu
Apo 22.21
gratia Domini nostri Iesu Christi cum omnibus
* * *

 

 

Arcanum Newspapers
Arcanum Newspapers

See what the newspapers have said about this subject in the last 250 years!

Show me

Arcanum logo

Arcanum is an online publisher that creates massive structured databases of digitized cultural contents.

The Company Contact Press room

Languages