Ezra 6 | Biblia Hebraica | Kézikönyvtár

Teljes szövegű keresés

Ezra 6

Ezra 6.1

בֵּאדַיִן דָּרְיָוֶשׁ מַלְכָּא שָׂם
טְעֵם וּבַקַּרוּ בְּבֵית סִפְרַיָּא
דִּי גִנְזַיָּא מְהַחֲתִין תַּמָּה בְּבָבֶל׃

Sz K K2 R R2 E D D2 H H# G G# L

Ezra 6.2

וְהִשְׁתְּכַח בְּאַחְמְתָא בְּבִירְתָא
דִּי בְּמָדַי מְדִינְתָּה מְגִלָּה חֲדָה
וְכֵנ־כְּתִיב בְּגַוַּהּ דִּכְרוֺנָה׃
ף

Sz K K2 R R2 E D D2 H H# G G# L

Ezra 6.3

בִּשְׁנַת חֲדָה לְכוֺרֶשׁ מַלְכָּא כּוֺרֶשׁ
מַלְכָּא שָׂם טְעֵם בֵּית־אֱלָהָא
בִירוּשְׁלֶם בַּיְתָא יִתְבְּנֵא אֲתַר
דִּי־דָבְחִין דִּבְחִין וְאֻשּׁוֺהִי
מְסוֺבְלִין רוּמֵהּ אַמִּין שִׁתִּין
פְּתָיֵהּ אַמִּין שִׁתִּין׃

Sz K K2 R R2 E D D2 H H# G G# L

Ezra 6.4

נִדְבָּכִין דִּי־אֶבֶן גְּלָל תְּלָתָא
וְנִדְבָּך דִּי־אָע חֲדַת וְנִפְקְתָא
מִנ־בֵּית מַלְכָּא תִּתְיְהִב׃

Sz K K2 R R2 E D D2 H H# G G# L

Ezra 6.5

וְאַף מָאנֵי בֵית־אֱלָהָא דִּי
דַהֲבָה וְכַסְפָּא דִּי נְבוּכַדְנֶצַּר
הַנְפֵּק מִנ־הֵיכְלָא דִי־בִירוּשְׁלֶם
וְהֵיבֵל לְבָבֶל יַהֲתִיבוּן וִיך
לְהֵיכְלָא דִי־בִירוּשְׁלֶם לְאַתְרֵהּ
וְתַחֵת בְּבֵית אֱלָהָא׃ ס

Sz K K2 R R2 E D D2 H H# G G# L

Ezra 6.6

כְּעַן תַּתְּנַי פַּחַת עֲבַר־נַהֲרָה
שְׁתַר בּוֺזְנַי וּכְנָוָתְהוֺן אֲפַרְסְכָיֵא
דִּי בַּעֲבַר נַהֲרָה רַחִיקִין
הֲוֺו מִנ־תַּמָּה׃

Sz K K2 R R2 E D D2 H H# G G# L

Ezra 6.7

שְׁבֻקוּ לַעֲבִידַת בֵּית־אֱלָהָא
דֵך פַּחַת יְהוּדָיֵא וּלְשָׂבֵי יְהוּדָיֵא
בֵּית־אֱלָהָא דֵך יִבְנֺון עַל־אַתְרֵהּ׃

Sz K K2 R R2 E D D2 H H# G G# L

Ezra 6.8

וּמִנִּי שִׂים טְעֵם לְמָא דִי־תַעַבְדוּן
עִמ־שָׂבֵי יְהוּדָיֵא אִלֵּך לְמִבְנֵא
בֵּית־אֱלָהָא דֵך וּמִנִּכְסֵי מַלְכָּא
דִּי מִדַּת עֲבַר הֲרָה אָסְפַּרְנָא
נִפְקְתָא תֶּהֱוֵא מִתְיַהֲבָא לְגֻבְרַיָּא
אִלֵּך דִּי־לָא לְבַטָּלָא׃

Sz K K2 R R2 E D D2 H H# G G# L

Ezra 6.9

וּמָה חַשְׁחָן וּבְנֵי תוֺרִין
וְדִכְרִין וְאִמְּרִין לַעֲלָוָן לֶאֱלָהּ
שְׁמַיָּא חִנְטִין מְלַח חֲמַר וּמְשַׁח
כְּמֵאמַר כָּהֲנַיָּא דִי־ירוּשְׁלֶם
לֶהֱוֵא מִתְיְהֵב לְהֹם יֺום בְּיֺום
דִּי־לָא שָׁלוּ׃

Sz K K2 R R2 E D D2 H H# G G# L

Ezra 6.10

דִּי־לֶהֱוֺן מְהַקְרְבִין נִיחוֺחִין
לֶאֱלָהּ שְׁמַיָּא וּמְצַלַּיִן לְחַיֵּי
מַלְכָּא וּבְנֺוהִי׃

Sz K K2 R R2 E D D2 H H# G G# L

Ezra 6.11

וּמִנִּי שִׂים טְעֵם דִּי כָל־אֱנָשׁ
דִּי יְהַשְׁנֵא פִּתְגָמָא דְנָה יִתְנְסַח
אָע מִנ־בַּיְתֵהּ וּזְקִיף יִתְמְחֵא
עֲלֹהִי וּבַיְתֵהּ נְוָלוּ יִתְעֲבֵד
עַל־דְּנָה׃

Sz K K2 R R2 E D D2 H H# G G# L

Ezra 6.12

וֵאלָהָא דִּי שַׁכִּן שְׁמֵהּ תַּמָּה
יְמַגַּר כָּל־מֶלֶך וְעַם דִּי יִשְׁלַח
יְדֵהּ לְהַשְׁנָיָה לְחַבָּלָה בֵּית־אֱלָהָא
דֵך דִּי בִירוּשְׁם אֲנָה דָרְיָוֶשׁ
שָׂמֶת טְעֵם אָסְפַּרְנָא יִתְעֲבִד׃
ף

Sz K K2 R R2 E D D2 H H# G G# L

Ezra 6.13

אֱדַיִן תַּתְּנַי פַּחַת עֲבַר־נַהֲרָה
שְׁתַר בּוֺזְנַי וּכְנָוָתְהוֺן לָקֳבֵל
דִּי־שְׁלַח דָּרְיָוֶשׁ מַלְכָּא כְּנֵמָא
אָסְפַּרְנָא עֲבַדוּ׃

Sz K K2 R R2 E D D2 H H# G G# L

Ezra 6.14

וְשָׂבֵי יְהוּדָיֵא בָּנַיִן וּמַצְלְחִין
בִּנְבוּאַת חַגַּי 1 נְבִיאָה 2 נְבִיָּא
וּזְכַרְיָה בַּר־עִדּוֺא וּבְנֺו וְשַׁכְלִלוּ
מִנ־טַעַם אֱלָהּ יִשְׂאֵל וּמִטְּעֵם
כּוֺרֶשׁ וְדָרְיָוֶשׁ וְאַרְתַּחְשַׁשְׂתְּא
מֶלֶך פָּרָס׃

Sz K K2 R R2 E D D2 H H# G G# L

Ezra 6.15

וְשֵׁיצִיא בַּיְתָה דְנָה עַד יֺום
תְּלָתָה לִירַח אֲדָר דִּי־הִיא
שְׁנַת־שֵׁת לְמַלְכוּת דָּרְיָוֶשׁ
מַלְכָּא׃ ף

Sz K K2 R R2 E D D2 H H# G G# L

Ezra 6.16

וַעֲבַדוּ בְנֵי־יִשְׂרָאֵל כָּהֲנַיָּא
וְלֵוָיֵא וּשְׁאָר בְּנֵי־גָלוּתָא
חֲנֻכַּת בֵּית־אֱלָהָא דְנָה בְּחֶדְוָה׃

Sz K K2 R R2 E D D2 H H# G G# L

Ezra 6.17

וְהַקְרִבוּ לַחֲנֻכַּת בֵּית־אֱלָהָא
דְנָה תּוֺרִין מְאָה דִּכְרִין מָאתַיִן
אִמְּרִין אַרְבַּע מְאָה וּצְפִירֵי
עִזִּין 1 לְחַטָּיָא 2 לְחַטָּאָה ל־כָּל־יִשְׂרָאֵל
תְּרֵי־עֲשַׂר לְמִנְיָן שִׁבְטֵי יִשְׂרָאֵל׃

Sz K K2 R R2 E D D2 H H# G G# L

Ezra 6.18

וַהֲקִימוּ כָהֲנַיָּא בִּפְלֻגָּתְהוֺן
וְלֵוָיֵא בְּמַחְלְקָתְהוֺן עַל־עֲבִידַת
אֱלָהָא דִּי בִירוּשְׁלֶם כִּכְתָב
סְפַר מֹשֶׁה׃ ף

Sz K K2 R R2 E D D2 H H# G G# L

Ezra 6.19

וַיַּעֲשׂוּ בְנֵי־הַגֺּולָה אֶת־הַפָּסַח
בְּאַרְבָּעָה עָשָׂר לַחֹדֶשׁ הָרִאשׁוֺן׃

Sz K K2 R R2 E D D2 H H# G G# L

Ezra 6.20

כִּי הִטַּהֲרוּ הַכֹּהֲנִים וְהַלְוִיִּם
כְּאֶחָד כֻּלָּם טְהוֺרִים וַיִּשְׁחֲטוּ
הַפֶּסַח לְכָל־בְּנֵי הַגֺּולָה וְלַאֲחֵיהֶם
הַכֹּהֲנִים וְלָהֶם׃

Sz K K2 R R2 E D D2 H H# G G# L

Ezra 6.21

וַיֺּאכְלוּ בְנֵי־יִשְׂרָאֵל הַשָּׁבִים
מֵהַגֺּולָה וְכֹל הַנִּבְדָּל מִטֻּמְאַת
גֺּויֵ־הָאָרֶץ אֲלֵהֶם לִדְרֹשׁ לַיהוָה
אֱלֹהֵי יִשְׂרָאֵל׃

Sz K K2 R R2 E D D2 H H# G G# L

Ezra 6.22

וַיַּעֲשׂוּ חַג־מַצּוֺת שִׁבְעַת יָמִים
בְּשִׂמְחָה כִּי שִׂמְּחָם יְהוָה וְהֵסֵב
לֵב מֶלֶכְ־אַשּׁוּר עֲלֵיהֶם לְחַזֵּק
יְדֵיהֶם בִּמְלֶאכֶת בֵּית־הָאֱלֹהִים
אֱלֹהֵי יִשְׂרָאֵל׃ ף

Sz K K2 R R2 E D D2 H H# G G# L

A témában további forrásokat talál az Arcanum Digitális Tudománytárban

ÉRDEKEL A TÖBBI TALÁLAT