Ezra 8

Teljes szövegű keresés

Ezra 8
Ezra 8.1
וְאֵלֶּה רָאשֵׁי אֲבֹתֵיהֶם וְהִתְיַחְשָׂם
הָעֹלִים עִמִּי בְּמַלְכוּת אַרְתַּחְשַׁסְתְּא
הַמֶּלֶך מִבָּבֶל׃ ס
Ezra 8.2
מִבְּנֵי פִינְחָס גֵּרְשֹׁם ס מִבְּנֵי
אִיתָמָר דָּנִיֵּאל ס מִבְּנֵי דָוִיד
חַטּוּשׁ׃ ס
Ezra 8.3
מִבְּנֵי שְׁכַנְיָה ס מִבְּנֵי פַרְעֹשׁ
זְכַרְיָה וְעִמּוֺ הִתְיַחֵשׂ לִזְכָרִים
מֵאָה וַחֲמִשִּׁים׃ ס
Ezra 8.4
מִבְּנֵי פַּחַת מוֺאָב אֶלְיְהוֺעֵינַי
בֶּנ־זְרַחְיָה וְעִמּוֺ מָאתַיִם
הַזְּכָרִים׃ ס
Ezra 8.5
מִבְּנֵי שְׁכַנְיָה בֶּנ־יַחֲזִיאֵל
וְעִמּוֺ שְׁלֹשׁ מֵאוֺת הַזְּכָרִים׃
ס
Ezra 8.6
וּמִבְּנֵי עָדִין עֶבֶד בֶּנ־יֺונָתָן
וְעִמּוֺ חֲמִשִּׁים הַזְּכָרִים׃ ס
Ezra 8.7
וּמִבְּנֵי עֵילָם יְשַׁעְיָה בֶּנ־עֲתַלְיָה
וְעִמּוֺ שִׁבְעִים הַזְּכָרִים׃ ס
Ezra 8.8
וּמִבְּנֵי שְׁפַטְיָה זְבַדְיָה בֶּנ־מִיכָאֵל
וְעִמּוֺ שְׁמֹנִים הַזְּכָרִים׃ ס
Ezra 8.9
מִבְּנֵי יֺואָב עֹבַדְיָה בֶּנ־יְחִיאֵל
וְעִמּוֺ מָאתַיִם וּשְׁמֹנָה עָשָׂר
הַזְּכָרִים׃ ס
Ezra 8.10
וּמִבְּנֵי שְׁלוֺמִית בֶּנ־יֺוסִפְיָה
וְעִמּוֺ מֵאָה וְשִׁשִּׁים הַזְּכָרִים׃
ס
Ezra 8.11
וּמִבְּנֵי בֵבַי זְכַרְיָה בֶּנ־בֵּבָי
וְעִמּוֺ עֶשְׂרִים וּשְׁמֹנָה הַזְּכָרִים׃
ס
Ezra 8.12
וּמִבְּנֵי עַזְגָּד יֺוחָנָן בֶּנ־הַקָּטָן
וְעִמּוֺ מֵאָה וַעֲשָׂרָה הַזְּכָרִים׃
ס
Ezra 8.13
וּמִבְּנֵי אֲדֹנִיקָם אַחֲרֹנִים
וְאֵלֶּה שְׁמוֺתָם אֱלִיפֶלֶט יְעִיאֵל
וּשְׁמַעְיָה וְעִמָּהֶם שִׁשִּׁים הַזְּכָרִים׃
ס
Ezra 8.14
וּמִבְּנֵי בִגְוַי עוּתַי 1 וְזָבוּד 2 וְזַכּוּר
וְעִמּוֺ שִׁבְעִים הַזְּכָרִים׃ ף
Ezra 8.15
וָאֶקְבְּצֵם אֶל־הַנָּהָר הַבָּא אֶל־אַהֲוָא
וַנַּחֲנֶה שָׁם יָמִים שְׁלֹשָׁה וָאָבִינָה
בָעָם וּבַכֹּהֲנִים וּמִבְּנֵי לֵוִי
לֹא־מָצָאתִי שָׁם
Ezra 8.16
וָאֶשְׁלְחָה לֶאֱלִיעֶזֶר לַאֲרִיאֵל
לִשְׁמַעְיָה וּלְאֶלְנָתָן וּלְיָרִיב
וּלְאֶלְנָתָן וּלְנָתָן וְלִזְכַרְיָה
וְלִמְשֻׁלָּם רָאשִׁים וּלְיֺויָרִיב
וּאֶלְנָתָן מְבִינִים׃
Ezra 8.17
וָאוֺצִאָה 2 וָאֲצַוֶה אוֺתָם עַל־אִדּוֺ
הָרֹאשׁ בְּכָסִפְיָא הַמָּקוֺם וָאָשִׂימָה
בְּפִיהֶם דְּבָרִים לְדַבֵּר אֶל־אִדּוֺ
אָחִיו 1 הַנְּתוּנִים 2 הַנְּינִים בְּכָסִפְיָא
הַמָּקוֺם לְהָבִיא־לָנוּ מְשָׁרְתִים
לְבֵית אֱלֹהֵינוּ׃
Ezra 8.18
וַיָּבִיאּוּ לָנוּ כְּיַד־אֱלֹהֵינוּ
הַטּוֺבָה עָלֵינוּ אִישׁ שֶׂכֶל
מִבְּנֵי מַחְלִי בֶּנ־לֵוִי בֶּנ־יִשְׂרָאֵל
וְשֵׁרֵבְיָה וּבָנָיו וְאֶחָיו שְׁמֹנָה
עָשָׂר׃
Ezra 8.19
וְאֶת־חֲשַׁבְיָה וְאִתּוֺ יְשַׁעְיָה
מִבְּנֵי מְרָרִי אֶחָיו וּבְנֵיהֶם
עֶשְׂרִים׃ ס
Ezra 8.20
וּמִנ־הַנְּתִינִים שֶׁנָּתַן דָּוִיד
וְהַשָּׂרִים לַעֲבֹדַת הַלְוִיִּם נְתִינִים
מָאתַיִם וְעֶשְׂרִים כֻּלָּם נִקְּבוּ
בְשֵׁמוֺת׃
Ezra 8.21
וָאֶקְרָא שָׁם צוֺם עַל־הַנָּהָר
אַהֲוָא לְהִתְעַנֺּות לִפְנֵי אֱלֹהֵינוּ
לְבַקֵּשׁ מִמֶּנּוּ דֶּרֶך יְשָׁרָה לָנוּ
וּלְטַפֵּנוּ וּלְכָל־רְכוּשֵׁנוּ׃
Ezra 8.22
כִּי בֹשְׁתִּי לִשְׁאוֺל מִנ־הַמֶּלֶך
חַיִל וּפָרָשִׁים לְעָזְרֵנוּ מֵאוֺיֵב
בַּדָּרֶך כִּי־אָמַרְנוּ לַמֶּלֶך לֵאמֹר
יַד־אֱלֹהֵינוּ עַל־כָּל־מְבַקְשָׁיו
לְטוֺבָה וְעֻזֺּו וְאַפּוֺ עַל כָּל־עֹזְבָיו׃
Ezra 8.23
וַנָּצוּמָה וַנְּבַקְשָׁה מֵאֱלֹהֵינוּ
עַל־זֺאת וַיֵּעָתֵר לָנוּ׃
Ezra 8.24
וָאַבְדִּילָה מִשָּׂרֵי הַכֹּהֲנִים
שְׁנֵים עָשָׂר לְשֵׁרֵבְיָה חֲשַׁבְיָה
וְעִמָּהֶם מֵאֲחֵיהֶם עֲשָׂרָה׃
Ezra 8.25
וָאֶשְׁקוֺלָה 2 וָאֶשְׁקֳלָה לָהֶם אֶת־הַכֶּסֶף
וְאֶת־הַזָּהָב וְאֶת־הַכֵּלִים תְּרוּמַת
בֵּית־אֱלֹהֵינוּ הַהֵרִימוּ הַמֶּלֶך
וְיֺעֲצָיו וְשָׂרָיו וְל־יִשְׂרָאֵל
הַנִּמְצָאִים׃
Ezra 8.26
וָאֶשְׁקֲלָה עַל־יָדָם כֶּסֶף כִּכָּרִים
שֵׁשׁ־מֵאוֺת וַחֲמִשִּׁים וּכְלֵי־כֶסֶף
מֵאָה לְכִכָּרִים זָהָב מֵאָה כִכָּר׃
Ezra 8.27
וּכְפֹרֵי זָהָב עֶשְׂרִים לַאֲדַרְכֹנִים
אָלֶף וּכְלֵי נְחֹשֶׁת מֻצְהָב טוֺבָה
שְׁנַיִם חֲמוּדֹת כַּזָּהָב׃
Ezra 8.28
וָאֹמְרָה אֲלֵהֶם אַתֶּם קֹדֶשׁ לַיהוָה
וְהַכֵּלִים קֹדֶשׁ וְהַכֶּסֶף וְהַזָּהָב
נְדָבָה לַיהוָה אֱלֹהֵי אֲבֹתֵיכֶם׃
Ezra 8.29
שִׁקְדוּ וְשִׁמְרוּ עַד־תִּשְׁקְלוּ
לִפְנֵי שָׂרֵי הַכֹּהֲנִים וְהַלְוִיִּם
וְשָׂרֵי־הָאָבוֺת לְיִשְׂרָאֵל בִּירוּשָׁלִָם
הַלִּשְׁכוֺת בֵּית יְהוָה׃
Ezra 8.30
וְקִבְּלוּ הַכֹּהֲנִים וְהַלְוִיִּם מִשְׁקַל
הַכֶּסֶף וְהַזָּהָב וְהַכֵּלִים לְהָבִיא
לִירוּשָׁלִַם לְבֵית אֱלֹהֵינוּ׃
ף
Ezra 8.31
וַנִּסְעָה מִנְּהַר אַהֲוָא בִּשְׁנֵים
עָשָׂר לַחֹדֶשׁ הָרִאשׁוֺן לָלֶכֶת
יְרוּשָׁלִָם וְיַד־אֱלֹהֵינוּ הָיְתָה
עָלֵינוּ וַיַּצִּילֵנוּ מִכַּף ויֵב
וְאוֺרֵב עַל־הַדָּרֶך׃
Ezra 8.32
וַנָּבוֺא יְרוּשָׁלִָם וַנֵּשֶׁב שָׁם
יָמִים שְׁלֹשָׁה׃
Ezra 8.33
וּבַיֺּום הָרְבִיעִי נִשְׁקַל הַכֶּסֶף
וְהַזָּהָב וְהַכֵּלִים בְּבֵית אֱלֹהֵינוּ
עַל יַד־מְרֵמוֺת בֶּנ־אוּרִיָּה
הַכֹּהֵן וְעִמּוֺ אֶלְעָזָר בֶּנ־פִּינְחָס
וְעִמָּהֶם יֺוזָבָד בֶּנ־יֵשׁוּעַ וְנֺועַדְיָה
בֶנ־בִּנּוּי הַלְוִיִּם׃
Ezra 8.34
בְּמִסְפָּר בְּמִשְׁקָל לַכֹּל וַיִּכָּתֵב
כָּל־הַמִּשְׁקָל בָּעֵת הַהִיא׃ ף
Ezra 8.35
הַבָּאִים מֵהַשְּׁבִי בְנֵי־הַגֺּולָה
הִקְרִיבוּ עֹלוֺת לֵאלֹהֵי יִשְׂרָאֵל
פָּרִים שְׁנֵימ־עָשָׂר עַל־כָּל־יִשְׂרָאֵל
אֵילִים תִּשְׁעִים וְשִׁשָּׁה כְּבָשִׂים
שִׁבְעִים וְשִׁבְעָה צְפִירֵי חַטָּאת
שְׁנֵים עָשָׂר הַכֹּל עוֺלָה לַיהוָה׃
ף
Ezra 8.36
וַיִּתְּנוּ אֶת־דָּתֵי הַמֶּלֶך לַאֲחַשְׁדַּרְפְּנֵי
הַמֶּלֶך וּפַחֲוֺות עֵבֶר הַנָּהָר
וְנִשְּׂאוּ אֶת־הָעָם וְאֶת־בֵּית־הָאֱלֹהִים׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages